جەكسەنبى, 23 ماۋسىم 2024
46 - ءسوز 10223 0 پىكىر 21 ناۋرىز, 2014 ساعات 15:14

ءبورىنىڭ ارتىنان بولتىرىك اقىلدى بولعاندىقتان ەرمەيدى

مۇحتار اۋەزوۆ:

وي دا كوپ، ۋايىم دا كوپ – ويلاي بەرسەڭ، وي دا جوق، ۋايىم دا جوق – ويناي بەرسەڭ.

***

ماڭىنا ۇرىق شاشپاعان جاقسىلىق جاپاندا جالعىز وسكەن بايتەرەكشە تۇل بولادى دا قالادى.
***

ونەرپاز بولساڭ، ءور بول.

***

ءبورىنىڭ ارتىنان بولتىرىك اقىلدى بولعاندىقتان ەرمەيدى.

***

ءبىلىم – باقتىڭ جىبەرمەيتىن قازىعى،ء بىلىمسىز باق – الدەكىمنىڭ ازىعى.

***

كوگەن كوز قازاعىما قاراتىپ، مىنبە قۇرىپ، سول مىنبەگە شىعارىپ:“اقىرعى  ءدىلىڭىزدى ايتىڭىزشى، مۇحتار!” – دەسە، ءتىلىمنىڭ ۇشىندا جۇرگەن ءسوز تومەندەگىشە: تاس ۇگىتىلىپ قۇمعا اينالادى، تەمىر توزادى، ۇرپاق وزادى، دۇنيەدە ولمەيتىن ءسوز عانا، حالقىمىزبەن بىرگە جاساسىپ كەلە جاتقان مۇرا ءسوزىمىزدى ارزانداتىپ المايىق.

***

جىگىت قادىرى ونەرىمەن ولشەنەر.

***
جالعان نامىس – قاسيەت ەمەس، ار ساقتاعان – قاسيەت.

***
بەرەكەنى كوكتەن تىلەمە، ەتكەن ەڭبەكتەن تىلە.

***

ەڭبەك شىققان جەردەن ءتوزىم دە شىعادى.

***
كۇشىڭە سەنبە، ادال ىسىڭە سەن.

***

قاي ءىستىڭ بولسىن ونۋىنە ءۇش شارت بار: ەڭ اۋەلى – نيەت كەرەك، ودان سوڭ – كۇش كەرەك، ودان سوڭ – ءتارتىپ كەرەك.

***

ازامات سىنى – ەرلىك، ەرلىك سىنى – ەلدىك.

***

ادام كوركى – اقىل.

***

جىگىتتى جىلى ءسوز شيراتپايدى، قاتتى سىن شيراتادى.

***

تارتىسپەن تۇسكەن، بەينەتپەن كەلگەن جاقسىلىق قانا – شىن مانىندە قىمبات تابىس.

***

ادام ىرىلىگى ءبىر سيپات ەمەس، ىشكى-تىسقى سان سيپات قاسيەتتەرىنەن قۇرالادى.

***

ادام بالاسىنىڭ جاسان قۇلقى جاراتىلىسىنان ەمەس، وسكەن ورتاسىندا كورگەن ۇلگى-ونەگەسىنەن.

***

تۋماي جاتىپ – تولدىم دەمە، تولماي جاتىپ – بولدىم دەمە.

***

قىزعانىش – قۇرت اۋرۋى، مىس قازاندا قاينايتىن ازاپ وتى.

***

حالىق پەن حالىقتى، ادام مەن ادامدى تەڭەستىرەتىن نارسە – ءبىلىم.

***

ادامشىلىقتى تەز جۇرگىزۋ ءۇشىن كوپ وي كەرەك، ويلاۋ ءۇشىن وقۋ كەرەك.

***

ار جازاسى – بار جازادان اۋىر جازا.

***

جاۋعا – جالىنبا، دوسقا – تارىلما.

***

امال: كىجىنۋ بار، كيلىگۋ جوق.

***

قول جەتپەس شىڭىراۋداعى سۋ بولعانشا، پايداسى كوپكە تيەتىن جايداق سۋ بولعان جاقسى.

***

قىل وتپەستەي تاتۋلىقتى ءبىر اشۋعا ساتپاس بولار.

***

تامىر بولدىڭ – ايتىس جوق، قولدان بەردىڭ – قايتىس جوق.

***

اۋزىمەن ايدى الىپ، قولىمەن قوساياق سوعا المايتىن جاندار بار.
***

كوبىكتى تولقىن ساناما.

***

ادىلەت تىلەسە – اتاڭنىڭ بولسىن ايىبىن ايت.

***

باس اساۋعا – جەز نوقتا.

***

كىسىنىڭ ءبىر عايىبىن ماعان ايتقان ادام – مەنىڭ ءجۇز عايىبىمدى كىسىگە ايتار.

***

سىن – شىن بولسىن، شىن سىن بولسىن.

***

ىزدەسسەڭ – تابارسىڭ، الىسساڭ – الارسىڭ.

***

ۇلتتىڭ ءتىلى – سول ۇلتتىڭ جانى، جان دۇنيەسى. ول جۇرەكتى سوقتىرتىپ تۇرعان قان تامىرى سياقتى. ەگەر دە قان تامىرى جابىلىپ قالسا، جۇرەك تە سوعۋىن توقتاتپاي ما؟! 

0 پىكىر