سەنبى, 11 شىلدە 2020
COVID-19 قازاقستاندا. جۇقتىرعاندار — 56455. جازىلعاندار — 32500. قايتىس بولعاندار — 264
ءوز سالتىڭ 4827 0 پىكىر 31 ناۋرىز, 2014 ساعات 09:15

ۇلىستىڭ ۇلى كۇنى قالاي اتالىپ ءوتتى؟

 ناۋرىز-اليانس قاۋىمى جوسپارلاعانداي بەس توپپەن جۇمىس اتقاردى.

  1. زيالى قاۋىم: كلۋبقا بىرىگۋگە تىلەكتەس عالىمدار، بارلىق ونەرپاز تۇلعالار مەن مەملەكەتتىك، قوعام قايراتكەرلەرى،

 

جۋرناليستەر ءار وڭىردە ورتاق جوبانى – ناۋرىز-فەست (توعىزكۇندىك فەستيۆال) ۇيىمداستىردى. اقتوبەلىك جۋرناليست جاڭاگۇل ءجۇرسىن باستاعان توپ  ريكا تەلەارناسىندا 14 ناۋرىزدان باستاپ ءار كۇنگە تەلەكورسەتىم، ميۋزيكل تۇرىندەگى ونىمدەرىن بەردى.  

ەكىنشى سەلتەتكىزەر: «تەرىسقاقپاي» تەاترى ارنايى جوبامەن شىقتى.

ءۇشىنشى سەلتەتكىزەر: كينوگەرلەر اراسىندا ەرمەك تۇرسىنوۆ  «كەمپىر» اتتى ءفيلمىن ناۋرىز قارساڭىندا كورەرمەنگە ۇسىنىپ، جاقسى ءداستۇر باستادى.

ءتورتىنشى سەلتەتكىزەر:   استانالىق سۋرەتشى اڭسا مۇستافا مەن الماتىلىق ديزاينەر سۆەتلانا پوپوۆا (ۆەتا) قازاقى بوياۋعا تولى، مازمۇنعا باي تۋىندىلارىن جاريالاپ، ناۋرىزعا قاتىستى توعىز كۇندى بوياۋعا قاندىردى. وكىنىشكە وراي، قارجىنىڭ جوقتىعىنان تۋىندىلار قۇتپاراققا، پلاكاتقا اينالماي قالدى...

 

  1. اكىمشىلىك توبى. بەلگىلى جۋرناليست، بۇگىندە وڭتۇستىك قازاقستان وبلىسى اكىمىنىڭ جاريا قىزمەتىن باسقارۋشى بەرىك ءۋاليدىڭ سەپتىگىمەن،  وبلىس اكىمى ا.مىرزاحمەتوۆتىڭ قولداۋىمەن بيىل دا ناۋرىز تويىنىڭ  ءسان-سالتاناتتى مەرەكەسى شىمكەنتتە بولىپ ءوتتى. قالادا، ءتىپتى، ناۋرىز الاڭى پايدا بولدى. ءونىس كۇنى بەشپەت-شالبار تىگەتىن كومبينات ىسكە قوسىلدى. وكىنىشكە وراي، قر مادەنيەت مينيسترلىگى ۇلتتىق-مەملەكەتتىك مەرەكەنى بيىل دا ءوز دەڭگەيىندە اتاپ وتۋگە  قىزمەت ەتە المادى. بار بولعانى – جەرگىلىكتى اكىمدىكتەر دەڭگەيىندە جىلداعى ەتنوگرافيالىق ەسكە الۋ كۇندەرى قايتالاندى. ونىڭ ەسەسىنە، تۇركيادا تۇركىلەردىڭ مادەني استاناسى مارتەبەسى بار ەسكىشەحەر قالاسىنداعى ناۋرىز مەيرامى ايتارلىقتاي جالپىتۇركىلىك مازمۇن يەلەندى. شىعىس قازاقستان وبلىسىندا ناۋرىز 7 كۇن بويى توي-دۋمانمەن وتەتىنى تۋرالى سىبىس شىققانىمەن ناقتى ناسيحاتى بايقالمادى.

 

 

  1. مەملەكەتتىك ۇيىمدار توبىنداعى كومپانيالار، جوو، مەكتەپتەر، كوللەدجدەر، ليتسەيلەر، بالاباقشالار جاڭا جىلدى فولكلورمەن، ەتنوگرافيامەن «كوركەمدەدى». اتالعان ۇيىمدار اراسىندا كرەاتيۆكە،ناۋرىزدىق تانىم مەن بولمىسقا قۇرىلعان مەرەكە نەكەن-ساياق بولدى.

 

  1. بيزنەس-قۇرىلىم تاراپىنان ناۋرىز مەرەكەسىنە دەگەن مۇددەلىك سەزىم مەن باستاما بايقالعان جوق. «اتامەكەن» اتتى ۇلتتىق پالاتاسى بار ەگەمەن ەلدىڭ بيزنەسمەندەرى ۇلتتىڭ «شۇلەن تاراتۋ» دەگەن اياۋلى ءداستۇرىن دە قالپىنا كەلتىرمەدى... مىناداي ەكى باعىتتىڭ ءبىرى دە قوزعالعان جوق:
  • ناۋرىزدى مەرەكەلەۋگە قاتىستى اتريبۋتتاردى ازىرلەۋگە، ناسيقاتتاۋعا قاجەتتى شىعىندارعا دەمەۋشىلىك كورسەتۋ;
  • ناۋرىز مەيرامىنا قاتىستى سۇرانىس تۋدىراتىن كوممەرتسيالىق ونىمدەر مەن جوبالاردى اتقارۋعا ينۆەستور بولۋ.

 

  1. 5.     ناسيحاتشىلار قاتارىندا اباي.كز.، قامشى.كز.، «ۆەچەرنيايا استانا» گازەتى، «شالقار» راديوسى، «قازاقستان» تەلەارناسى، «قازاقيا»، «جەبە» گازەتتەرى تاعى باسقا باق-تار، سونداي-اق، فەيسبۋكتاعى «ناۋرىز» توبىنىڭ مۇشە-بلوگەرلەرى بەلسەنە قاتىستى. 

جالپى العاندا، بيىلعى ناۋرىز دا جىلداعىداي كۇنتىزبەلىك جاڭا جىل مەرەكەسىنە جەتەرلىك جارقىن كەيىپ بولمادى، ميلليونداعان قارجى بولىنبەدى. جەرگىلىكتى اكىمدىكتەرگە قارايتىن مادەنيەت باسقارمالارى ناۋرىزدى جەر شۇقىعان كۇيى وتكىزدى. ارينە، كيىزۇي تىگىپ كوشەنىڭ ءسانىن كەلتىرگەندى ەسكەرمەگەندە... دەسەك تە، ۋكراين-رەسەي وقيعاسىنا ءدوپ كەلگەن جىلقى جىلىنىڭ مەيرامى ەلدىڭ دەربەستىگىن ءبارىبىر پاش ەتتى، ەل ەڭسەسىن كوتەردى.قورىتا ايتساق، ناۋرىز-اليانس قاۋىمى قالىپتاستى، كەلەسى جىلعا الاقاندارىن ىسىپ شىعاتىن جاندار لەگى توپتاستى.


ە-mail:  nauryz-alyans@mail.ru 

https://www.facebook.com/groups/109246125918578/ 

 

ناۋرىز-اليانس كلۋبى. 29.03.2014 

Abai.kz

0 پىكىر