«بايتەرەك» ۇلتتىق باسقارۋشى حولدينگىنىڭ دەلەگاتسياسى قىتايدا ىسساپارمەن بولىپ، وسى ەلدىڭ ينۆەستورلارىمەن بىرقاتار ماڭىزدى كەلىسىمدەرگە قول جەتكىزدى. حولدينگتىڭ باسقارما توراعاسى قۋاندىق بيشىمباەۆ باستاعان جۇمىس توبى قىتايدىڭ مەملەكەتتىك دامۋ بانكى، قحر ەكسپورتتىق-يمپورتتىق بانكى، قىتايدىڭ ەكسپورتتىق-نەسيەلىك ساقتاندىرۋ كورپوراتسياسى (SINOSURE) سىندى قارجى قۇرىلىمدارىنىڭ وكىلدەرىمەن كەزدەستى.   قحر ەكسپورتتىق-يمپورتتىق بانكى پرەزيدەنتى لي رۋوگۋمەن    شىمكەنت مۇناي وڭدەۋ زاۋىتىن جاڭعىرتۋ جانە قايتا قۇرىلىمداۋ ماسەلەسى تالقىلاندى. بۇل جوباعا قاتىستى مەموراندۋمعا مەملەكەت باسشىسى نۇرسۇلتان نازارباەۆتىڭ مامىر ايىندا  قىتاي حالىق رەسپۋبليكاسىنا مەملەكەتتىك ساپارى  قول قويىلماق.  «بايتەرەك» حولدينگىنىڭ دەلەگاتسياسى ساپار بارىسىندا لياونين پروۆينتسياسىنىڭ گۋبەرناتورى  چەن چجەنگاو مىرزامەن جانە  جەرگىلىكتى ىسكەرلىك توپتارمەن كەزدەستى، سونداي-اق  «Shenyang Yuanda Group» حولدينگىنىڭ ءونىدىرىسىن ارالادى. قازاقستان جاعى بۇل كومپانيامەن ليفت شىعاراتىن ءوندىرىس اشۋ ماسەلەسىن قاراستىرۋدا.  

«بايتەرەك» حولدينگى دەلەگاتسياسىنىڭ   ءىسساپارى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قىتاي حالىق رەسپۋبليكاسىنا مەملەكەتتىك ساپارىنا وراي الدىن الا ۇيىمداستىرىلدى.  قىتاي قارجى ۇيىمدارىنىڭ وكىلدەرىمەن وتكەن كەلىسسوزدەر ەكى مەملەكەت كوشباسشىلارىنىڭ تابىستى ديالوگىنا ءوز ۇلەسىن قوساتىنىنا سەنىمدىمىز. «بايتەرەك» حولدينگى جانە ونىڭ ەنشىلەس ۇيىمدارىنىڭ قىتايدىڭ جەتەكشى بانكتەرىمەن ىنتىماقتاستىعى قازاقستان رەسپۋبليكاسىن ۇدەمەلى يندۋستريالدى-يننوۆاتسيالىق دامىتۋ جونىندەگى مەملەكەتتىك باعدارلاماسىنىڭ جوسپارلارىن ىسكە اسىرۋ، شەتەل كاپيتالىن تارتۋ، بيزنەستى جۇرگىزۋ جانە تەحنولوگيالاردىڭ قازىرگى زامان ۇلگىلەرىن قولدانۋ مۇمكىندىكتەرىن كەڭەيتەدى»، - دەدى «بايتەرەك» ۇلتتىق باسقارۋشى حولدينگى» اق باسقارما توراعاسى قۋاندىق بيشىمباەۆ.

اباي-اقپارات