«دەموكراتيالىق قىتاي» اقپاراتتىق اگەنتتىگىنىڭ كەشەگى جاڭالىعىنا قاراعاندا، قىتايدىڭ چجەتسزيان (Zhejiang) پروۆينتسياسىنىڭ حانچجوۋ قالاسىنىڭ تۇرعىندارى جەرگىلىكتى بيلىكتىڭ قوقىس زاۋىتىن سالۋ جوسپارىنا قارسى شىعىپ، سونىڭ سالدارىنان پوليتسيا مەن تۇرعىندار اراسىندا قاقتىعىس ورىن العان. قاقتىعىستان جارالانعان 29 پوليتسەيدى قوسا ەسەپتەگەندە 39 ادام زارداپ شەككەن دەپ جازادى جوعارىداعى اقپارات كوزى.

 قاقتىعىستا وتىزدان استام كولىك شاعىلعان، ال ونىڭ ەكەۋى پوليتسيا كولىگى،-دەيدى دەموكراتيالىق قىتاي اقپاراتتىق اگەنتتىگى قىتايلىق تسينحۋا اقپاراتىنا سىلتەمە جاساي وتىرىپ. قاقتىعىستا از دەگەندە ەكى ادام اۋىر جاراقات العان. ونىڭ بىرەۋى پولتسيا قىزمەتكەرى، ەندى ءبىرى قارسىلىق تانىتقان تۇرعىن ەكەن.

ال بۇل ورىن العان قاندى وقيعا حاقىندا: « قورشاعان ورتانىڭ لاستانۋى، جەمقورلىق جانە جەرلەردى تارتىپ الۋ سياقتى ماسەلەلەر توڭىرەگىندە حالىق تاراپىنان جىل سايىن مىڭداعان قارسىلىقتار ورىن الادى»-دەپ حابارلايدى BBC.

الدىڭعى ايدا عانا گۋاندۋن پروۆينتسياسىنىڭ ماومين قالاسىنداعى حيميالىق زاۋىتتىڭ قۇرىلىسىنا نارازىلىق تانىتقان كەزدە، 18 تۇرعىندى قاماۋعا العان ەدى دەپ جازادى اتالمىش امەريكاندىق اقپارات. ال جەرگىلىكتى بيلىكتىڭ رەسىمي سايتى ەندى تۇرعىنداردىڭ قولداۋىنسىز ول جەردە جالعاستى جۇمىستار جۇرگىزبەيمىز دەپ جاريالاپ ۇلگەرىپتى.

اعىلشىن تىلىنەن اۋدارعان: تالعار دالەلعازى.

دەرەككوزى: http://minzhuzhongguo.org/ArtShow.aspx?AID=40228

اباي-اقپارات