قاراعاندى. 8 ءساۋىر. قازتاگ – سارسەنبى كۇنى قاراعاندىنىڭ قازىبەك اۋداندىق سوتى «بتا بانك» اق-نىڭ ەسەپشوتتارىنان جالعان نەسيە كارتالارىنىڭ كومەگىمەن $3,5 ملن-نان اسا قارجى ۇرلاعان الاياقتار توبىنىڭ ۇستىنەن قىلمىستىق ءىس بويىنشا ۇكىم شىعاردى. ولاردىڭ ەكەۋى 8 جانە 10 جىلعا باس بوستاندىقتارىنان ايىرىلدى.

بۇل ءىس بويىنشا بتا بانكتىڭ قاراعاندىداعى فيليالىنىڭ قىزمەتكەرى ەۆگەني پەتريكوۆ جانە قاراعاندىلىق كاسىپكەرلەر سەرگەي چيچين مەن يگور زولوتۋحين ايىپتالىپ وتىر.

قاراعاندى وبلىسىنىڭ قارجى پوليتسياسى بۇل فاكتى بويىنشا قىلمىستىق ءىستى 2008 جىلدىڭ قازان ايىندا قوزعاعان بولاتىن. تەرگەۋ ورگاندارى انىقتاعانداي، بتا بانكتىڭ قاراعاندىداعى فيليالىنىڭ ەكى قىزمەتكەرى – كارتالىق بيزنەس جونىندەگى مامان ليۋبوۆ گلەبوۆا مەن اگەنتتىك جەلىنى دامىتۋ جونىندەگى ۇيلەستىرۋشى ولەسيا سۋركوۆا 2008 جىلدىڭ ماۋسىمىنان قازان ايىنا دەيىن نەسيەلىك ءليميتى 500 مىڭ ەۋروعا دەيىن باراتىن «vip» بەلگىسى بار جالعان نەسيە كارتالارىن شىعارعان. 

بەس ايدىڭ ىشىندە بۇل كارتالار بويىنشا بتا بانك $3,5 ملن سومانىڭ قايتارىمسىز نەسيەسىن بەرگەن. قىلمىسكەرلەر بۇل قارجىعا پاتەرلەر، قىمبات زاتتار، شەتەل كولىكتەرىن ساتىپ العان.

قاراعاندى. 8 ءساۋىر. قازتاگ – سارسەنبى كۇنى قاراعاندىنىڭ قازىبەك اۋداندىق سوتى «بتا بانك» اق-نىڭ ەسەپشوتتارىنان جالعان نەسيە كارتالارىنىڭ كومەگىمەن $3,5 ملن-نان اسا قارجى ۇرلاعان الاياقتار توبىنىڭ ۇستىنەن قىلمىستىق ءىس بويىنشا ۇكىم شىعاردى. ولاردىڭ ەكەۋى 8 جانە 10 جىلعا باس بوستاندىقتارىنان ايىرىلدى.

بۇل ءىس بويىنشا بتا بانكتىڭ قاراعاندىداعى فيليالىنىڭ قىزمەتكەرى ەۆگەني پەتريكوۆ جانە قاراعاندىلىق كاسىپكەرلەر سەرگەي چيچين مەن يگور زولوتۋحين ايىپتالىپ وتىر.

قاراعاندى وبلىسىنىڭ قارجى پوليتسياسى بۇل فاكتى بويىنشا قىلمىستىق ءىستى 2008 جىلدىڭ قازان ايىندا قوزعاعان بولاتىن. تەرگەۋ ورگاندارى انىقتاعانداي، بتا بانكتىڭ قاراعاندىداعى فيليالىنىڭ ەكى قىزمەتكەرى – كارتالىق بيزنەس جونىندەگى مامان ليۋبوۆ گلەبوۆا مەن اگەنتتىك جەلىنى دامىتۋ جونىندەگى ۇيلەستىرۋشى ولەسيا سۋركوۆا 2008 جىلدىڭ ماۋسىمىنان قازان ايىنا دەيىن نەسيەلىك ءليميتى 500 مىڭ ەۋروعا دەيىن باراتىن «vip» بەلگىسى بار جالعان نەسيە كارتالارىن شىعارعان. 

بەس ايدىڭ ىشىندە بۇل كارتالار بويىنشا بتا بانك $3,5 ملن سومانىڭ قايتارىمسىز نەسيەسىن بەرگەن. قىلمىسكەرلەر بۇل قارجىعا پاتەرلەر، قىمبات زاتتار، شەتەل كولىكتەرىن ساتىپ العان.

الاياقتار كۇندە توعىز ترانزاكتسيادان اسىرماي،  ت4-5 ملن اقشا الىپ وتىرعان. سوتتا «بتا بانك» اق-نىڭ وكىلدەرى تۇسىندىرگەندەي، بانك جۇيەسى اۆتوماتتى رەجيمدە جۇمىس ىستەيدى جانە اقشانى الۋدىڭ كۇدىكتى ارەكەتى تۋرالى ءبىر كارتادان جاسالعان ونىنشى ترانزاكتسيادان كەيىن عانا حابارلايدى. قىلمىسكەرلەر بۇل تۋرالى جاقسى بىلگەن. بىراق ءبىر كۇنى قاتەلەسىپ، ون ترانزاكتسيا جۇرگىزگەن، وسىدان كەيىن نەسيە كارتاسى كۇدىكتىلەر قاتارىنا جاتقىزىلدى. ناتيجەسىندە تەكسەرۋ باستالىپ، ول قىزمەتكەرلەر و. سۋركوۆا مەن ل. گلەبوۆاعا قارسى قىلمىستىق ءىس قوزعاۋمەن اياقتالدى.

قارجى پوليتسياسى سۋركوۆانى بىردەن  قولعا ءتۇسىردى. گلەبوۆا قاشىپ كەتۋگە ارەكەت جاساعانىمەن، قىلمىستىق قۋدالاۋدان قۇتىلا المادى. گلەبوۆا تەرگەۋ وقشاۋلاعىشىندا بەس اي وتىرسا، سۋركوۆا ءۇش تاۋلىككە قامالدى. بىراق قىلمىستىق ءىستى تەرگەۋ بارىسىندا بانكتىڭ ەكى قىزمەتكەرىنە تاعىلعان بارلىق ايىپتار الىندى. ولار زاڭعا قارسى ارەكەتتەردى سەرگەي چيچين مەن ەۆگەني پەتريكوۆتىڭ ماجبۇرلەۋىمەن جاساعانىن مويىندادى. وسى ەكى ادامعا ايىپ تاعىلىپ، ايەلدەر كۋاگەرلەر ساناتىنا كوشىرىلدى.

سارسەنبى كۇنى ءبىرىنشى ينستانتسيانىڭ سوتى قىلمىستىق ءىس بويىنشا شەشىم شىعاردى.

سەرگەي چيچين قىلمىستىق كودەكستىڭ «قىلمىستىق توپتى قۇرۋ جانە ونى باسقارۋ»، «الاياقتىق»، «زاڭسىز جولمەن تاپقان اقشانى زاڭداستىرۋ» باپتارى بويىنشا كىنالى دەپ تانىلدى. سوت ونى مۇلكىن تاركىلەۋمەن، جازاسىن جالپى تارتىپتەگى كولونيادا وتەۋمەن 10 جىلعا باس بوستاندىعىنان ايىردى.

ەۆگەني پەتريكوۆ الاياقتىق جاساپ، قاساقانا تۇردە بانك وپەراتسيالارى تۋرالى جالعان مالىمەت بەرگەنى جانە قىلمىستىق توپقا قاتىسقانى ءۇشىن ايىپتى دەن تانىلدى.  سوت ونى مۇلكىن تاركىلەۋمەن 8 جىلعا باس بوستاندىعىنان ايىردى.

سوتتىڭ شەشىمىمەن بۇل ەكەۋى بانككە كەلتىرگەن شىعىندى وتەۋگە مىندەتتەلدى، سوت ونىڭ كولەمىن ت406 ملن 193 مىڭ كولەمىندە بەلگىلەدى.

ءۇشىنشى فيگۋرانت يگور ءزولوتۋحيننىڭ قىلمىستى جاساۋعا قوسقان ۇلەسى شامالى بولعان، ول قىلمىستىق قۋدالاۋدان قاشۋعا ارەكەت جاساعان گلەبوۆانى الماتىعا جەتكىزىپ سالعان. سوت ونى سىبايلاس دەپ تانىپ، ءبىر جىلعا باس بوستاندىعىنان ايىردى.

سونىمەن قاتار، سوت پروتسەسكە كۋاگەر رەتىندە قاتىسقان بانكتىڭ قىزمەتكەرلەرى و. سۋركوۆا مەن ل. گلەبوۆاعا قاتىستى انىقتاما شىعارىپ، تەرگەۋ ورگاندارىنا ولارعا قارسى قىلمىستىق تەرگەۋ امالدارىن قايتا باستاۋعا كەڭەس بەردى.

ۇكىمدى جاريالاۋ ءتورت ساعاتتان استام ۋاقىتقا سوزىلدى.