قىرعىزستان پرەزيدەنتى وش قالاسىندا – باق
بىشكەك. 8 ءساۋىر. قازتاگ – قىرعىزستان پرەزيدەنتى قۇرمانبەك باكيەۆ وش قالاسىندا ءجۇر، دەپ حابارلايدى جەرگىلىكتى باق.
«قىرعىزستان پرەزيدەنتى جانە قورعانىس ءمينيسترى باقىتبەك قالىەۆ وشقا ۇشىپ شىقتى. قازىرگى ۋاقىتتا ولار وڭتۇستىك رەزيدەنتسيادا»، - دەپ حابارلادى «كابار» اگەنتتىگى.
سونىمەن قاتار، اقپارات اگەنتتىگىنىڭ حابارلاۋىنشا، حالىق ۇكىمەت عيماراتىنىڭ ىشىنە كىرىپ كەتكەن. «نارازىلىق بىلدىرۋشىلەر عيماراتتىڭ ىشىندەگىنىڭ ءبارىن قيراتقان. رەسمي تۇلعالاردان ەشكىم بايقالعان جوق. عيماراتتا توناۋشىلىق ارەكەتتەرى دە ورىن الدى»، - دەپ حابارلايدى اگەنتتىكتىڭ ءتىلشىسى.
«كابار» اگەنتتىگىنىڭ مالىمەتتەرىنە سايكەس، بيلىك جانە وپپوزيتسيا وكىلدەرىنىڭ اراسىندا كەشەدەن بەرى بىشكەكتە جۇرگىزىلىپ جاتقان كەلىسسوزدەر ەش ناتيجە بەرمەگەن. كەلىسسوزدەرگە پرەزيدەنت اپپاراتىنىڭ جەتەكشىسى قانىبەك جوروەۆ، پرەزيدەنت حاتشىلىعىنىڭ باسشىسى وكسانا مالەۆانايا، پرەزيدەنتتىڭ مەملەكەتتىك كەڭەسشىسى ەلمۋرزا ساتىبالديەۆ، بيلىكتىڭ باسقا وكىلدەرى، سونىمەن قاتار وپپوزيتسيا ليدەرلەرى الماز اتامباەۆ، ومىربەك تەكەباەۆ، روزا وتۋنباەۆا، تەمير ساريەۆ جانە باسقالارى قاتىستى.
وپپوزيتسيا وكىلدەرى دانيار ۇسەنوۆ پەن ەلمۋرزا ساتىبالديەۆتان باسقا باسشىلاردىڭ باسىم بولىگى ءوز مىندەتتەرىن اتقارۋدى جالعاستىرا الاتىنىن ءمالىم ەتتى.
بىشكەك. 8 ءساۋىر. قازتاگ – قىرعىزستان پرەزيدەنتى قۇرمانبەك باكيەۆ وش قالاسىندا ءجۇر، دەپ حابارلايدى جەرگىلىكتى باق.
«قىرعىزستان پرەزيدەنتى جانە قورعانىس ءمينيسترى باقىتبەك قالىەۆ وشقا ۇشىپ شىقتى. قازىرگى ۋاقىتتا ولار وڭتۇستىك رەزيدەنتسيادا»، - دەپ حابارلادى «كابار» اگەنتتىگى.
سونىمەن قاتار، اقپارات اگەنتتىگىنىڭ حابارلاۋىنشا، حالىق ۇكىمەت عيماراتىنىڭ ىشىنە كىرىپ كەتكەن. «نارازىلىق بىلدىرۋشىلەر عيماراتتىڭ ىشىندەگىنىڭ ءبارىن قيراتقان. رەسمي تۇلعالاردان ەشكىم بايقالعان جوق. عيماراتتا توناۋشىلىق ارەكەتتەرى دە ورىن الدى»، - دەپ حابارلايدى اگەنتتىكتىڭ ءتىلشىسى.
«كابار» اگەنتتىگىنىڭ مالىمەتتەرىنە سايكەس، بيلىك جانە وپپوزيتسيا وكىلدەرىنىڭ اراسىندا كەشەدەن بەرى بىشكەكتە جۇرگىزىلىپ جاتقان كەلىسسوزدەر ەش ناتيجە بەرمەگەن. كەلىسسوزدەرگە پرەزيدەنت اپپاراتىنىڭ جەتەكشىسى قانىبەك جوروەۆ، پرەزيدەنت حاتشىلىعىنىڭ باسشىسى وكسانا مالەۆانايا، پرەزيدەنتتىڭ مەملەكەتتىك كەڭەسشىسى ەلمۋرزا ساتىبالديەۆ، بيلىكتىڭ باسقا وكىلدەرى، سونىمەن قاتار وپپوزيتسيا ليدەرلەرى الماز اتامباەۆ، ومىربەك تەكەباەۆ، روزا وتۋنباەۆا، تەمير ساريەۆ جانە باسقالارى قاتىستى.
وپپوزيتسيا وكىلدەرى دانيار ۇسەنوۆ پەن ەلمۋرزا ساتىبالديەۆتان باسقا باسشىلاردىڭ باسىم بولىگى ءوز مىندەتتەرىن اتقارۋدى جالعاستىرا الاتىنىن ءمالىم ەتتى.
ال ءتۇن جارىمدا ىشكى ىستەر ءمينيسترى ورىنباسارلارىنىڭ ءبىرى مينيسترلىكتىڭ ۇجىمىنا جاڭا مينيستر – پارلامەنتتىڭ بۇرىنعى دەپۋتاتى بولوت شەرنيازوۆتى تانىستىردى. بۇل تانىستىرۋ ۇلتتىق تەلەراديوكومپانيانىڭ تىكەلەي ەفيرىندە كورسەتىلدى.
ب.شەرنيازوۆ تەلەەفير ارقىلى حالىققا ۇندەۋ جاساپ، جۇرتشىلىقتى تارتىپسىزدىكتەر مەن توناۋشىلىق ارەكەتتەرگە بارماۋعا شاقىردى، ول ءىىم قىزمەتكەرلەرىن تارتىپسىزدىكتەر مەن توناۋشىلىق وقيعالارى ورىن الىپ جاتقان جەرلەرگە جىبەردى.
