سينوپتيكتەر قازاقستاننىڭ باتىسىندا، سولتۇستىگى مەن شىعىسىندا بۇرقاسىنداتىپ، وڭتۇستىگىندە تۇمان ءتۇسىپ جەل كۇشەيەدى دەپ وتىر

الماتى. 18 ناۋرىز. قازتاگ – قازاقستاننىڭ باسىم بولىگى بەيسەنبى كۇنى بۇرىنعىسىنشا اتموسفەرالىق تۇتاس اعىم ىقپالىندا بولادى، دەپ حابارلادى تجم.

اقمولا وبلىسىندا بۇرقاسىنداتىپ، كەي جەرلەردە كوكتايعاقتانىپ، 15-20 م/س جەل تۇرىپ، تۇندە ەكپىنى 25 م/س بولادى.

پاۆلودار وبلىسىندا – بۇرقاسىن، كەي جەرلەردە كوكتايعاق، 15-20 م/س جەل تۇرىپ، كەي جەرلەرىندە 25 م/س بولادى.

قوستاناي وبلىسىندا كەي جەرلەرىندە بۇرقاسىنداتىپ، 15-20 م/س جەل تۇرادى.

قاراعاندى وبلىسىندا كەي جەرلەردە تۇمان ءتۇسىپ، كوكتايعاقتانىپ، كۇندىز بۇرقاسىنداتىپ، 15-20 م/س جەل تۇرادى.

باتىس قازاقستان، تۇندە سولتۇستىك قازاقستان وبلىستارىندا كەي جەرلەردە بۇرقاسىنداتىپ، 15-20 م/س جەل تۇرادى.

كۇندىز اقتوبە وبلىسىندا – كەي جەرلەردە بۇرقاسىنداتىپ، كوكتايعاقتانىپ، 18 م/س جەل تۇرادى.

الماتى، جامبىل وبلىستارىندا تۇندە كەي جەرلەردە تۇمان تۇسەدى، جەل كۇشەيىپ 17-23 م/س بولادى، جامبىل وبلىسىنداعى ەكپىنى 28 م/س بولادى.

وڭتۇستىك قازاقستان وبلىسىندا – كەي جەرلەردە 17-22 م/س جەل تۇرىپ، اسۋلارداعى ەكپىنى 25 م/س بولادى.

شىعىس قازاقستان وبلىسىنىڭ كەي جەرلەرىندە كوكتايعاقتانىپ، 17-22 م/س جەل تۇرادى.

ماڭعىستاۋ، قىزىلوردا وبلىستارىندا – كەي جەرلەردە تۇمان تۇسەدى.