قارقارالى... توپوگرافياعا سالساق، قاراعاندى وبلىسىنىڭ شىعىس بولىگىندە، قاراعاندى قالاسىنان 200 شاقىرىمداي قاشىقتىقتا ورنالاسقان. قادىر دارىپ، قۇت قونعان كيەلى مەكەننىڭ اتاۋى تۋراسىندا اڭىز جەتەرلىك. ءبىر اڭىزدا بايان سۇلۋ وسى ماڭدا قارقاراسىن ءتۇسىرىپ الىپ، جەردىڭ وسىلاي اتالۋىنا سەبەپ بولعان دەسەدى. بۇل ءوڭىردى ۇلى جىبەك جولىنىڭ ءبىر تارماعى باسىپ وتۋىمەن قاتار، اتاقتى جارمەڭكەنىڭ ورنى بولعانىن تاريحتان بىلەمىز. الايدا، مۇنىڭ ءبارى تاريح بەتتەرىندە قالسا، قازىرگى قارقارالى ءوزىنىڭ قايتالانباس كوركىمەن، سۇلۋ تابيعاتىمەن تالايدى تامساندىرىپ كەلەدى. مۇنارتقان كوگىلدىر تاۋلار, سارىارقانىڭ توسكەيىنە توگە سالعان مارجاندارداي سۇلۋ كولدەرىمەن بىرگە، كونە زاماننان كەلە جاتقان اسەم ورماندار جەر بىتكەننىڭ جانناتىنداي! بۇل ولكەنىڭ تابيعاتى اسەمدىگىمەن جانىڭدى  جاۋلاپ، نەبىر ءتۇرلى - ءتۇستى فورماعا ەنگىن قۇز جارتاستار قيالعا جەتەلەيدى. قارقارالىنىڭ وڭتۇستىك-شىعىسىندا كەنت تاۋلارى، ال ودان شىعىسقا قاراي بالقانتاۋ سىلەمدەرى جاتىر. وسىلاردىڭ بارلىعى دا عاجاپ سۇلۋلىقتىڭ مەكەنى. بۇعىلىنىڭ باسىنداعى شايتانكول مەن باسسەين كولى دە «پاح، شىركىندى» بىرنەشە رەت ايتقىزاتىندىعىنا سەنىمدىمىز. 1998 جىلى وسى ايماقتى مەملەكەت قاراۋىنا الىپ، ۇلتتىق ساياباق مارتەبەسىن بەكىتتى.

قارقارالى... توپوگرافياعا سالساق، قاراعاندى وبلىسىنىڭ شىعىس بولىگىندە، قاراعاندى قالاسىنان 200 شاقىرىمداي قاشىقتىقتا ورنالاسقان. قادىر دارىپ، قۇت قونعان كيەلى مەكەننىڭ اتاۋى تۋراسىندا اڭىز جەتەرلىك. ءبىر اڭىزدا بايان سۇلۋ وسى ماڭدا قارقاراسىن ءتۇسىرىپ الىپ، جەردىڭ وسىلاي اتالۋىنا سەبەپ بولعان دەسەدى. بۇل ءوڭىردى ۇلى جىبەك جولىنىڭ ءبىر تارماعى باسىپ وتۋىمەن قاتار، اتاقتى جارمەڭكەنىڭ ورنى بولعانىن تاريحتان بىلەمىز. الايدا، مۇنىڭ ءبارى تاريح بەتتەرىندە قالسا، قازىرگى قارقارالى ءوزىنىڭ قايتالانباس كوركىمەن، سۇلۋ تابيعاتىمەن تالايدى تامساندىرىپ كەلەدى. مۇنارتقان كوگىلدىر تاۋلار, سارىارقانىڭ توسكەيىنە توگە سالعان مارجاندارداي سۇلۋ كولدەرىمەن بىرگە، كونە زاماننان كەلە جاتقان اسەم ورماندار جەر بىتكەننىڭ جانناتىنداي! بۇل ولكەنىڭ تابيعاتى اسەمدىگىمەن جانىڭدى  جاۋلاپ، نەبىر ءتۇرلى - ءتۇستى فورماعا ەنگىن قۇز جارتاستار قيالعا جەتەلەيدى. قارقارالىنىڭ وڭتۇستىك-شىعىسىندا كەنت تاۋلارى، ال ودان شىعىسقا قاراي بالقانتاۋ سىلەمدەرى جاتىر. وسىلاردىڭ بارلىعى دا عاجاپ سۇلۋلىقتىڭ مەكەنى. بۇعىلىنىڭ باسىنداعى شايتانكول مەن باسسەين كولى دە «پاح، شىركىندى» بىرنەشە رەت ايتقىزاتىندىعىنا سەنىمدىمىز. 1998 جىلى وسى ايماقتى مەملەكەت قاراۋىنا الىپ، ۇلتتىق ساياباق مارتەبەسىن بەكىتتى. اسەم تابيعاتىنان بولەك قارقارالىدان قۇنانباي قاجى مەشىتىن، اباي، شوقان توقتاعان ۇيلەردى، مالىكسايداعى ءمادي ەسكەرتكىشىن، سۋىقبۇلاق شاتقالىنداعى ۇزىندىعى 5 شاقىرىمدىق تاس قورعاندى، قوياندى جارمەڭكەسىنىڭ ورنىن، اق وردانىڭ العاشقى قازىعى قاعىلعان قاراقوقتى الاڭىن دا تابا الاسىز.