سوڭعى جىلدارى 14 اقپان قازاقتىڭ قارا بالاسى ءۇشىن قۋانىشىنان گورى، وكىنىشى باسىمداۋ كۇنگە اينالىپ بارادى. بۇل كۇن اتالۋىنان بۇرىن اتالماعانى ءجون بولارلىق مەرەكەسىماقتى وزىمەن بىرگە الا كەلدى. ءسويتتى دە ار-ۇياتتى، يماندى ۇمىتتىرا باستادى.

كاتوليكتەر باراتىن شىركەۋلەردە 14 كۇنى اۋليە اتانعان ۆالەنتيندى ەسكە تۇسىرسە، پراۆوسلاۆتار ءۇشىن بۇل ماڭىزدى كۇن ەمەس. ال مۇسىلماندار ءۇشىن، ءتىپتى قاجەتسىز نارسە. ويتكەنى مۇسىلماننىڭ جانىڭا جىلۋ سىيلايتىن، جۇرەكتە يمان گۇلىنىڭ جاپىراعىن جايقالتىپ، ودان ءارى نۇرلاندىراتىن مەيرامدارى ونسىز دا جەتكىلىكتى. ولاردىڭ جانىندا اۋليە ۆالەنتينىڭ تۇككە تۇرماسى انىق.

يسلام ءدىنىن ۇستاناتىندارعا بويىنداعى ماحاببات، عاشىقتىق سەزىمىن ءبىلدىرۋ ءۇشىن ءبىر كۇندى ارناۋ ابەستىك بولار ەدى. اللانىڭ ءار كۇنى - ءبىز ءۇشىن ۇلكەن سىي. جارىق تاڭدى جاقسىلىقپەن قارسى العان ءار مۇسىلمان ماحاببات سەزىمىن اللانىڭ بۇيىرتقان كۇنى ايتا الادى، جۇرەگى قالاعان ادامىنا ىستىق سەزىمىن جەتكىزۋىنە مۇمكىندىگى بار. ۆالەنتينگە قاراپ قالعان ەشتەڭەمىز جوق...

سوڭعى جىلدارى 14 اقپان قازاقتىڭ قارا بالاسى ءۇشىن قۋانىشىنان گورى، وكىنىشى باسىمداۋ كۇنگە اينالىپ بارادى. بۇل كۇن اتالۋىنان بۇرىن اتالماعانى ءجون بولارلىق مەرەكەسىماقتى وزىمەن بىرگە الا كەلدى. ءسويتتى دە ار-ۇياتتى، يماندى ۇمىتتىرا باستادى.

كاتوليكتەر باراتىن شىركەۋلەردە 14 كۇنى اۋليە اتانعان ۆالەنتيندى ەسكە تۇسىرسە، پراۆوسلاۆتار ءۇشىن بۇل ماڭىزدى كۇن ەمەس. ال مۇسىلماندار ءۇشىن، ءتىپتى قاجەتسىز نارسە. ويتكەنى مۇسىلماننىڭ جانىڭا جىلۋ سىيلايتىن، جۇرەكتە يمان گۇلىنىڭ جاپىراعىن جايقالتىپ، ودان ءارى نۇرلاندىراتىن مەيرامدارى ونسىز دا جەتكىلىكتى. ولاردىڭ جانىندا اۋليە ۆالەنتينىڭ تۇككە تۇرماسى انىق.

يسلام ءدىنىن ۇستاناتىندارعا بويىنداعى ماحاببات، عاشىقتىق سەزىمىن ءبىلدىرۋ ءۇشىن ءبىر كۇندى ارناۋ ابەستىك بولار ەدى. اللانىڭ ءار كۇنى - ءبىز ءۇشىن ۇلكەن سىي. جارىق تاڭدى جاقسىلىقپەن قارسى العان ءار مۇسىلمان ماحاببات سەزىمىن اللانىڭ بۇيىرتقان كۇنى ايتا الادى، جۇرەگى قالاعان ادامىنا ىستىق سەزىمىن جەتكىزۋىنە مۇمكىندىگى بار. ۆالەنتينگە قاراپ قالعان ەشتەڭەمىز جوق...

الايدا كەيبىر قازاق جاستارىنىڭ ارنارسەنىڭ بايىبىنا بارا بەرمەي، وسى كۇنگە جاتا كەلىپ «جابىساتىنىنا» قايران قالاسىڭ. دۇكەندەر مەن بازارلار ءتۇرلى سىيلىقتار مەن وتكرىتكالارعا تولىپ كەتتى. ءتۇرلى-ءتۇستى شارلار، جۇرەكشەلەر قىز-جىگىتتەر تۇگىلى، بۋىنى بەكىمەگەن بالالاردىڭ دا اقىل-ەسىن جاۋلاپ الدى. قازىر ءبىلىم وردالارىندا اقشا جيناۋ، سىيلىق الۋ ەتەك الدى. «اۋليە ۆالەنتين كۇنى» اتا-بابامىزدان قالعان مەرەكە ىسپەتتەس بولىپ بارادى. «اۋليە ۆالەنتين كۇنىن» باتىس ەۋروپا ءحىىى عاسىردان بەرى، اقش 1777 جىلدان باستاپ مەرەكەلەۋدە. رەسەيدىڭ وزىنە 1990 جىلدىڭ باسىندا كەلدى. ال بىزگە نە جورىق؟

ءبىر «اتتەگەن-اي»، وسى كۇندى استانا مەن الماتى سەكىلدى قالالاردا ءبىرسىپىرا قوعامدىق ۇيىمدار رەسمي تۇردە تويلاۋدى داعدىعا اينالدىردى. ايتالىق، استانادا ءبىر ۇيىمدار بايتەرەك جانىندا اتاپ ءوتۋدى ۇيعارسا، الماتىدا ويىن-ساۋىق ۇيىمداستىرۋمەن شۇعىلداناتىن اگەنتتىكتەر ءۇستى-ۇستىنە جارناما بەرىپ، مەرەكەلىك شارا وتكىزۋدى ءوز مويىندارىنا الىپ وتىر. ولاردىڭ باعدارلامالارىندا نە بارىن ءبىز ايتپاساق تا ىشتەرىڭىز سەزەتىن بولار. ال كەيبىر ءبىلىم وردالارى سۇيىسۋدەن جارىس ۇيىمداستىرۋدى ۇيات ساناماۋعا اينالدى.
قىسقاسى، قازاق ءۇشىن ماحاببات كۇنى ماشاقات كۇنىنە اينالىپ بارادى. جاستارىمىزدى جات ادەتكە ۇيرەتەتىن ۆالەنتين كۇنىنەن اراشالاپ قالار ادام تابىلماي تۇر.

«ايقىن»، 13.02.10.