استانا. 5 قاراشا. قازتاگ – اممان استاناعا اسكەري-تەحنيكالىق ىنتىماقتاستىقتى جانداندىرۋدى ۇسىندى، دەپ جازادى «كازاحستانسكايا پراۆدا» گازەتى قازاقستان پرەزيدەنتى نۇرسۇلتان نازارباەۆتىڭ يوردانياعا جاساعان ساپارىنا ارناعان ماقالاسىندا.

«ءبىزدىڭ مەملەكەت باسشىسىمەن سۇحباتى بارىسىندا كورول ابداللا II يوردانيانىڭ اسكەري-ونەركاسىپ كەشەنىنىڭ (اوك) مۇمكىندىگىن پايدالانىپ، ەكى ەلدىڭ قارۋلى كۇشتەرىندەگى اسكەري تەحنيكانى بىرلەسە جەتىلدىرۋدى ۇسىنىپ، اسكەري-تەحنيكالىق ىنتىماقتاستىقتى نىعايتۋ تۋرالى پىكىر ءبىلدىردى»، - دەپ جازادى باسىلىم. 

سارسەنبى كۇنى پرەزيدەنت ن. نازارباەۆتىڭ يوردانياعا رەسمي ساپارىنىڭ ەكىنشى كۇنى كورولدىكتىڭ الدىڭعى قاتارلى كاسىپورىندارىن ارالاۋمەن جالعاستى. ولاردىڭ اراسىندا ابداللا II-ءنىڭ اتىنداعى كەڭ تانىلعان اسكەري تەحنيكا سالاسىندا مامانداندىرىلعان جوبالىق-كونسترۋكتورلىق بيۋرو، جەڭىل كولىكتەردى جەتىلدىرەتىن زاۋىت بولدى. بيۋرو 1999 جىلى تامىزدا يوردانيا كورولىنىڭ جارلىعىمەن زاماناۋي قارۋ مەن اسكەري تەحنيكا جاساۋ ءۇشىن قۇرىلىپ، وسى ۋاقىتتا الەمدىك اسكەري-ونەركاسىپتىك كەشەن ليدەرلەرىمەن بىرلەسكەن جوبالاردى ىسكە اسىرىپ، تانىمال بولدى. كاسىپورىن بىلتىر ماسكەۋدە وتكەن قارۋ جانە اسكەري تەحنيكانىڭ III-ءشى «مۆسۆ-2008» حالىقارالىق سالونىنىڭ «ۇلتتىق قاۋىپسىزدىك» بايقاۋىنىڭ لاۋرەاتى اتاندى.

استانا. 5 قاراشا. قازتاگ – اممان استاناعا اسكەري-تەحنيكالىق ىنتىماقتاستىقتى جانداندىرۋدى ۇسىندى، دەپ جازادى «كازاحستانسكايا پراۆدا» گازەتى قازاقستان پرەزيدەنتى نۇرسۇلتان نازارباەۆتىڭ يوردانياعا جاساعان ساپارىنا ارناعان ماقالاسىندا.

«ءبىزدىڭ مەملەكەت باسشىسىمەن سۇحباتى بارىسىندا كورول ابداللا II يوردانيانىڭ اسكەري-ونەركاسىپ كەشەنىنىڭ (اوك) مۇمكىندىگىن پايدالانىپ، ەكى ەلدىڭ قارۋلى كۇشتەرىندەگى اسكەري تەحنيكانى بىرلەسە جەتىلدىرۋدى ۇسىنىپ، اسكەري-تەحنيكالىق ىنتىماقتاستىقتى نىعايتۋ تۋرالى پىكىر ءبىلدىردى»، - دەپ جازادى باسىلىم. 

سارسەنبى كۇنى پرەزيدەنت ن. نازارباەۆتىڭ يوردانياعا رەسمي ساپارىنىڭ ەكىنشى كۇنى كورولدىكتىڭ الدىڭعى قاتارلى كاسىپورىندارىن ارالاۋمەن جالعاستى. ولاردىڭ اراسىندا ابداللا II-ءنىڭ اتىنداعى كەڭ تانىلعان اسكەري تەحنيكا سالاسىندا مامانداندىرىلعان جوبالىق-كونسترۋكتورلىق بيۋرو، جەڭىل كولىكتەردى جەتىلدىرەتىن زاۋىت بولدى. بيۋرو 1999 جىلى تامىزدا يوردانيا كورولىنىڭ جارلىعىمەن زاماناۋي قارۋ مەن اسكەري تەحنيكا جاساۋ ءۇشىن قۇرىلىپ، وسى ۋاقىتتا الەمدىك اسكەري-ونەركاسىپتىك كەشەن ليدەرلەرىمەن بىرلەسكەن جوبالاردى ىسكە اسىرىپ، تانىمال بولدى. كاسىپورىن بىلتىر ماسكەۋدە وتكەن قارۋ جانە اسكەري تەحنيكانىڭ III-ءشى «مۆسۆ-2008» حالىقارالىق سالونىنىڭ «ۇلتتىق قاۋىپسىزدىك» بايقاۋىنىڭ لاۋرەاتى اتاندى.

گازەت ەكى ەلدىڭ قورعانىس مينيسترلىكتەرى مەن ارنايى قىزمەتتەرىنىڭ دەڭگەيىندە بايلانىس ورنىعا باستاعانىن حابارلايدى. قازاقستاننىڭ ۇلتتىق قاۋىپسىزدىك كوميتەتى مەن يوردانيانىڭ جالپى بارلاۋ قىزمەت اراسىندا قاۋىپسىزدىك سالاسىنداعى ىنتىماقتاستىق تۋرالى كەلىسىمگە قول جەتكىزىلدى. 2008 جىلى ارنايى قىزمەت جەلىسىندەگى مەملەكەتارالىق ىنتىماقتاستىق ءىس جۇزىنە اسىرىلىپ، لاڭكەستىك پەن ەكسترەميزم جانە ۇيىمداسقان قىلمىسپەن كۇرەس سالاسىندا بىرلەسكەن امالداردى ۇيلەستىرۋ ءۇشىن يوردانياعا قر ۇقك-ءنىڭ ارنايى وكىلى جىبەرىلدى.

2008 جىلدىڭ ناۋرىز-ساۋىرىندە كورولدىكتە مەملەكەتتىڭ ىشكى قاۋىپسىزدىگىن ساقتاۋ مەن لاڭكەستىككە قارسى كۇرەستە ارنايى امالداردى ىسكە اسىرۋعا قاجەت قارۋ مەن اسكەري تەحنيكانىڭ كەزەكتى حالىقارالىق «SOFEX 2008» كورمەسى ءوتتى. وعان قازاقستان تاراپىنان قورعانىس مينيسترلىگىنىڭ دەلەگاتسياسى قاتىستى.

سول جىلعى قازان ايىندا استانادا يوردانيالىق «Global Shieid» قۇرىلىمى مەن «قازاقستان ينجينيرينگ» كومپانياسىنىڭ اراسىندا يوردانيالىق اسكەري تەحنيكانى جەتىلدىرۋ سالاسىندا ىنتىماقتاستىق تۋرالى كەلىسسوزدەر ءوتتى.

مەملەكەت باسشىلارى جوبالىق-كونسترۋكتورلىق بيۋرونى ارالاپ كورگەن سوڭ، جەڭىل اۆتوكولىكتەردى جەتىلدىرەتىن زاۋىتپەن تانىستى. وسىمەن قازاقستان پرەزيدەنتىنىڭ يوردانياعا جاساعان رەسمي ساپارى اياقتالدى. ن. نازارباەۆ سارسەنبى كۇنى كەشكىسىن ريمگە ۇشىپ كەتتى.