قازاق جۋرناليستەرىنىڭ I حالىقارالىق فورۋمىنىڭ باق وكىلدەرىنە ۇندەۋى
ۇلت ۇستازى احمەت بايتۇرسىنوۆتىڭ «گازەت - حالىقتىڭ كوزى، قۇلاعى ءھام ءتىلى» دەگەن قاناتتى ءسوزى قازىرگى تاڭدا بارىنشا وزەكتى بولا تۇسكەندەي. قازاقتىلدى اقپارات قۇرالدارى وسى تالاپ ۇدەسىنەن شىعىپ وتىر ما؟ قازاق ءباسپاسوزىنىڭ وكىلى ۇلتتىق مۇرات-مۇددەلەردىڭ جوقتاۋشىسى رەتىندەگى ءوز جاۋاپكەرشىلىگىن قالاي تۇسىنەدى؟
قازاق تاريحىنداعى سوڭعى جيىرما جىلدىڭ اقپارات قۇرالدارىنا بەرگەن ساباعى قانداي؟ نەدەن ۇتتىق، نەدەن ۇتىلدىق؟
الىس-جاقىن شەتەلدەردەگى ءھام ەلىمىزدەگى قازاق جۋرناليستەرىنىڭ باسىن قوسىپ، قازاق ءباسپاسوز وكىلدەرىنىڭ I حالىقارالىق فورۋمىن وتكىزۋدەگى باستى دىتتەگەنىمىز دە وسى - وتكەندى تارازىلاۋ، بولاشاقتى باعدارلاۋ، ماقساتى مەن مۇراتى ءبىر قازاق جۋرناليستەرىنىڭ اراسىندا وي، كوزقاراس، مۇددە بىرلىگىن قالىپتاستىرۋعا ۇلەس قوسۋ.
تۇڭعىش ۇيىمداستىرىلىپ وتىرعان قازاق جۋرناليستەرىنىڭ I حالىقارالىق فورۋمى - بۇل قوردالانعان سان ساۋالدىڭ جاۋابىن ىزدەستىرەتىن الاڭ عانا ەمەس، الىنعان اسۋلار مەن شىقپاعان بيىكتەردى ساليقالى وي سۇزگىسىنەن وتكىزۋ، ۇلت كەلەشەگىنە تەمىرقازىق بولار ءبىر ۇستانىمعا كەلۋ.
سول ءۇشىن ءبىز بۇگىنگى كۇنى قازاق ءتىلدى باق-تىڭ الدىنان شىعىپ وتىرعان بارلىق ماسەلەنى اشىق تالقىعا سالۋىمىز كەرەك. مىسالى، قازاق ءباسپاسوزىنىڭ تارالىمى نەگە از؟ وعان نە كەدەرگى؟ گازەتتەر مەن جۋرنالدار وقىرمان قاۋىمعا نەگە دەر كەزىندە جەتپەي قالىپ جاتادى؟ تارالىمدى قالاي جولعا قويۋعا بولادى؟ ول ءۇشىن نە ىستەمەك كەرەك؟
ۇلت ۇستازى احمەت بايتۇرسىنوۆتىڭ «گازەت - حالىقتىڭ كوزى، قۇلاعى ءھام ءتىلى» دەگەن قاناتتى ءسوزى قازىرگى تاڭدا بارىنشا وزەكتى بولا تۇسكەندەي. قازاقتىلدى اقپارات قۇرالدارى وسى تالاپ ۇدەسىنەن شىعىپ وتىر ما؟ قازاق ءباسپاسوزىنىڭ وكىلى ۇلتتىق مۇرات-مۇددەلەردىڭ جوقتاۋشىسى رەتىندەگى ءوز جاۋاپكەرشىلىگىن قالاي تۇسىنەدى؟
قازاق تاريحىنداعى سوڭعى جيىرما جىلدىڭ اقپارات قۇرالدارىنا بەرگەن ساباعى قانداي؟ نەدەن ۇتتىق، نەدەن ۇتىلدىق؟
الىس-جاقىن شەتەلدەردەگى ءھام ەلىمىزدەگى قازاق جۋرناليستەرىنىڭ باسىن قوسىپ، قازاق ءباسپاسوز وكىلدەرىنىڭ I حالىقارالىق فورۋمىن وتكىزۋدەگى باستى دىتتەگەنىمىز دە وسى - وتكەندى تارازىلاۋ، بولاشاقتى باعدارلاۋ، ماقساتى مەن مۇراتى ءبىر قازاق جۋرناليستەرىنىڭ اراسىندا وي، كوزقاراس، مۇددە بىرلىگىن قالىپتاستىرۋعا ۇلەس قوسۋ.
تۇڭعىش ۇيىمداستىرىلىپ وتىرعان قازاق جۋرناليستەرىنىڭ I حالىقارالىق فورۋمى - بۇل قوردالانعان سان ساۋالدىڭ جاۋابىن ىزدەستىرەتىن الاڭ عانا ەمەس، الىنعان اسۋلار مەن شىقپاعان بيىكتەردى ساليقالى وي سۇزگىسىنەن وتكىزۋ، ۇلت كەلەشەگىنە تەمىرقازىق بولار ءبىر ۇستانىمعا كەلۋ.
سول ءۇشىن ءبىز بۇگىنگى كۇنى قازاق ءتىلدى باق-تىڭ الدىنان شىعىپ وتىرعان بارلىق ماسەلەنى اشىق تالقىعا سالۋىمىز كەرەك. مىسالى، قازاق ءباسپاسوزىنىڭ تارالىمى نەگە از؟ وعان نە كەدەرگى؟ گازەتتەر مەن جۋرنالدار وقىرمان قاۋىمعا نەگە دەر كەزىندە جەتپەي قالىپ جاتادى؟ تارالىمدى قالاي جولعا قويۋعا بولادى؟ ول ءۇشىن نە ىستەمەك كەرەك؟
تەلەارنالاردان مەملەكەتتىك تىلدە تارالاتىن باعدارلامالارعا نەگە باسىمدىق بەرىلمەي كەلەدى؟
اۋەتولقىنىنا اقپاراتتى قازاق تىلىندە شىعارۋ «قازاق» راديوسى مەن «شالقار» رەداكتسياسىنىڭ عانا مىندەتى مە؟ وزگە راديوتوراپتارى تىڭدارمان اۋديتورياسىنىڭ سۇرانىسىن نە سەبەپتى ەسكەرمەيدى؟
وبلىس ورتالىقتارىنداعى تاۋەلسىز باق قالاي كۇن كەشىپ جاتىر؟ وبلىستىق، اۋداندىق گازەتتەردىڭ احۋالى نەشىك؟ ولاردى نە تولعاندىرادى؟
قازاقتىلدى باق ەلىمىزدەگى اقپارتتىق كەڭىستىككە ەگەلىك ەتىپ وتىر ما، جوق پا؟ ەگەر بۇل سۇراققا «جوق» دەپ جاۋاپ بەرەتىن بولساق، ونىڭ سەبەپ سالدارىن قالاي تارقاتامىز؟ نەمەن تۇسىندىرەمىز؟
ءباسپاسوز وكىلدەرىنىڭ ىشكى بىرلىگى، ىنتىماعى دەگەندى بۇگىنگى ۋاقىت تۇرعىسىنان قالاي پايىمداپ ءجۇرمىز؟ قازاق جۋرناليستەرىنىڭ اراسىندا ۇيىمشىلدىق بار ما؟ قوعامدىق پىكىرگە ىقپال ەتۋدىڭ زاماناۋي ءادىس-تاسىلدەرىن يگەرە الدىق پا؟
استانا قالاسىندا وتكەلى وتىرعان قازاق جۋرناليستەرىنىڭ I حالىقارالىق فورۋمىندا جوعارىدا اتالعان جايتتەردەن وزگە تاعى قانداي ماسەلەلەردى تالقىلاۋعا بولادى؟
«فورۋم وتەدى دە كەتەدى، ودان جوعىمىز تۇگەندەلىپ، جىرتىعىمىز جامالماس» دەپ قاتاردان قالىپ، قاعا بەرىستە سويلەمەي جەلتوقساننىڭ 10-نا دەيىن ورتاق ماقساتقا وي قوسالىق. بويكۇيەزدىككە، سالعىرتتىققا سالىنبايىق.
فورۋمنىڭ باعدارلاماسى بويىنشا تەك قازاق ءباسپاسوزىنىڭ وكىلدەرى عانا ەمەس، ساياساتتانۋشىلار، الەۋمەتتانۋشىلار، مادەنيەتتانۋشىلار، فيلوسوفتار، ءدىنتانۋشىلار، تاريحشىلار ياعني، قوعامدىق ينستيتۋتتاردىڭ بارلىق سالاسىنان ماماندار قاتىسىپ، پىكىر بىلدىرۋگە، ۇسىنىس ايتۋعا تولىق قاقىلى. ءبىز يگى باستاماعا تىلەۋلەس، جاناشىر ازاماتتاردىڭ تاراپىنان بەلسەندىلىك كۇتەمىز.
باق جەتەكشىلەرىن اقپاراتتىق قولداۋ كورسەتۋگە شاقىرامىز!
ۇيىمداستىرۋ القاسى.
استانا قالاسى،
2 قاراشا، 2009 جىل.
فورۋمنىڭ فورماتى:
1.قازاق جۋرناليستەرىنىڭ I- حالىقارالىق فورۋمىنىڭ اشىلۋ سالتاناتى. پلەنارلىق وتىرىس. ول شامامەن 40-50 مينۋتقا سوزىلادى. وندا بىرنەشە شاعىن بايانداما جاسالادى. بايانداماشى ۇيىمداستىرۋشىلار تاراپىنان بەكىتىلەدى.
2.سەكتسيالىق جۇمىستار. مۇندا ازىرگە 5 تاقىرىپ بەلگىلەنىپ وتىر. ولاردى تالقىلاۋ ءۇشىن مودەراتور جانە 5 سپيكەردەن بەلگىلەنەدى. ءار تاقىرىپقا ارنايى ۋاقىت بولىنەدى.
ا/ قازاقشا ينتەرنەت: قيىندىقتار مەن ماسەلەلەر.
ءا/ ايماقتىق باق: بۇگىنى مەن بولاشاعى.
ب/ جارناما - قارجى كوزى. ساپا مەن تالاپ.
ۆ/ باق جانە ۇلتتىق رۋح. ۇرپاق تاربيەسى.
گ/ بيلىك جانە باق.
ەسكەرۋ: بۇل فورماتتى ازىرگە جوبا رەتىندە قابىلداۋلارىڭىزدى سۇرايمىز. جوبا فورۋمعا جاناشىر قاۋىمنىڭ ۇسىنىستارمەن تولىقتىرىلادى. ۇسىنىس-پىكىرلەرىڭىزدى مىنا تەلەفونعا +7-7172-500-633 قوڭىراۋ شالىپ ايتساڭىزدار دا بولادى.
وتەتىن ۋاقىتى: 09.12.2009 ج.
وتەتىن جەرى: استانا قالاسى، تاۋەلسىزدىك سارايى
ۇيىمداستىرۋ القاسى.
استانا قالاسى،
2 قاراشا، 2009 جىل.
