استانا. 7 قازان. قازتاگ – «استاناەنەرگوسبىت» جشس سوتتىڭ شەشىمىمەن قايتا ەسەپتەۋ ارقىلى حالىققا 33 ملن تەڭگە قايتارىپ بەرەدى، دەپ حابارلادى استانا بويىنشا تابيعي مونوپوليالاردى رەتتەۋ اگەنتتىگىنىڭ (تمرا) ءباسپاسوز قىزمەتى.

بۇرىن تمرا دەپارتامەنتى ساتۋشىلارعا 2006, 2007, 2008 جىلدارداعى جىلۋ ەنەرگياسى ءۇشىن تۇتىنۋشىلاردىڭ شىعىنىن قايتارۋ تۋرالى ۇيعارىم شىعارىلعان بولاتىن. ءوز كەزەگىندە كاسىپورىن اتالعان ۇيعارىمدى زاڭسىز دەپ، اپپەلياتسيالىق شاعىم بەرگەن.

بىراق استانانىڭ ازاماتتىق ىستەر جونىندەگى سوتى شاعىمدى قاناعاتتاندىرماي تاستادى.

«بۇگىنگى كۇنگە سوت شەشىمى كۇشىنە ەنۋىنە بايلانىستى، «استاناەنەرگوسبىت» جشس تۇتىنۋشىلارعا جىلۋ ەنەرگياسى ءۇشىن كەلتىرگەن 32 860 687 تەڭگە شىعىندارىن قايتا ەسەپتەۋ ارقىلى قايتاراتىن بولادى. تۇتىنۋشىلار اتالعان قايتا ەسەپتەۋدى 2009 جىلدىڭ قازان ايىنىڭ ەسەپشوت-تۇبىرتەگىندە كورەدى»، - دەلىنگەن قوعامدىق تىڭداۋلار قورىتىندىسىنا ارنالىپ تاراتىلعان ءباسپاسوز پاراقشاسىندا.

ودان باسقا، اتالعان جشس-ءتى قالالىق پروكۋراتۋرامەن كەشەندى تەكسەرۋ بىرقاتار بۇزۋشىلىقتاردى انىقتادى.

مىسالى، «استاناەنەرگوسبىت» قۇزىرەتتى ورگانمەن كەلىسپەي، «ەكسيمبانك قازاقستان» اق –عا 29,9 ملن تەڭگەلىك مۇلكىن بانكتەن العان نەسيەگە امانات رەتىندە تاپسىرعان.

ودان باسقا كاسىپورىن بەكىتىلگەن نورمالاردى بۇزا وتىرىپ تەندەر وتكىزگەن.

استانا. 7 قازان. قازتاگ – «استاناەنەرگوسبىت» جشس سوتتىڭ شەشىمىمەن قايتا ەسەپتەۋ ارقىلى حالىققا 33 ملن تەڭگە قايتارىپ بەرەدى، دەپ حابارلادى استانا بويىنشا تابيعي مونوپوليالاردى رەتتەۋ اگەنتتىگىنىڭ (تمرا) ءباسپاسوز قىزمەتى.

بۇرىن تمرا دەپارتامەنتى ساتۋشىلارعا 2006, 2007, 2008 جىلدارداعى جىلۋ ەنەرگياسى ءۇشىن تۇتىنۋشىلاردىڭ شىعىنىن قايتارۋ تۋرالى ۇيعارىم شىعارىلعان بولاتىن. ءوز كەزەگىندە كاسىپورىن اتالعان ۇيعارىمدى زاڭسىز دەپ، اپپەلياتسيالىق شاعىم بەرگەن.

بىراق استانانىڭ ازاماتتىق ىستەر جونىندەگى سوتى شاعىمدى قاناعاتتاندىرماي تاستادى.

«بۇگىنگى كۇنگە سوت شەشىمى كۇشىنە ەنۋىنە بايلانىستى، «استاناەنەرگوسبىت» جشس تۇتىنۋشىلارعا جىلۋ ەنەرگياسى ءۇشىن كەلتىرگەن 32 860 687 تەڭگە شىعىندارىن قايتا ەسەپتەۋ ارقىلى قايتاراتىن بولادى. تۇتىنۋشىلار اتالعان قايتا ەسەپتەۋدى 2009 جىلدىڭ قازان ايىنىڭ ەسەپشوت-تۇبىرتەگىندە كورەدى»، - دەلىنگەن قوعامدىق تىڭداۋلار قورىتىندىسىنا ارنالىپ تاراتىلعان ءباسپاسوز پاراقشاسىندا.

ودان باسقا، اتالعان جشس-ءتى قالالىق پروكۋراتۋرامەن كەشەندى تەكسەرۋ بىرقاتار بۇزۋشىلىقتاردى انىقتادى.

مىسالى، «استاناەنەرگوسبىت» قۇزىرەتتى ورگانمەن كەلىسپەي، «ەكسيمبانك قازاقستان» اق –عا 29,9 ملن تەڭگەلىك مۇلكىن بانكتەن العان نەسيەگە امانات رەتىندە تاپسىرعان.

ودان باسقا كاسىپورىن بەكىتىلگەن نورمالاردى بۇزا وتىرىپ تەندەر وتكىزگەن.

«وسىعان بايلانىستى دەپارتامەنت «استاناەنەرگوسبىت» جشس-ءىن اكىمشىلىك جاۋاپكەرشىلىككە تارتىپ، 4 000 ايلىق ەسەپتىك كورسەتكىشكە ايىپپۇل سالدى، ول 5 ملن 92 مىڭ تەڭگەنى قۇرادى. سونداي-اق تابيعي مونوپوليالار مەن رەتتەلەتىن نارىق تۋرالى زاڭنامانىڭ بۇزىلۋىن جويۋ جونىندە ۇيعارىم شىعارىلدى»، - دەپ ناقتىلايدى ءباسپاسوز قىزمەتى.