بيىل ۇلتتىق ۆاليۋتامىز – تەڭگەگە 20 جىل تولىپ وتىر. ول ماڭعىستاۋ وبلىسىنىڭ 40, اقتاۋ قالاسىنىڭ 50 جىلدىق مەرەيتويلارىمەن تۇس كەلىپ وتىر. كەشە، قارجىگەرلەردىڭ ءتول مەرەكەسى كۇنى وبلىس اكىمىنىڭ ورىنباسارى سۇيىندىك الداشەۆ ءوڭىرىمىزدىڭ قارجى سالاسى قىزمەتكەرلەرىن مەرەكەلەرىمەن قۇتتىقتادى. ول ەلىمىزدىڭ دامۋ تاريحىندا ۇلتتىق ۆاليۋتانى اينالىمعا ەنگىزۋدىڭ ماڭىزدى ءرول اتقارعاندىعىن، ۆاليۋتانىڭ بۇكىل ەل ەكونوميكاسىنىڭ قان تامىرى ەكەندىگىن اتاپ ءوتتى. «بۇگىندە وبلىسىمىزدىڭ قارجى جۇيەسىن سالىق جانە كەدەندىك باقىلاۋ، قازىناشىلىق، قارجى باقىلاۋ، ءتۇرلى دەڭگەيدەگى بانك-تەر جانە جەرگىلىكتى قارجى ورگاندارى قۇراپ وتىر، دەدى سۇيىندىك تاسەمەنۇلى. وسىناۋ قارجى ينستيتۋتتارىنىڭ بىرىككەن جۇمىستارىنىڭ ارقاسىندا حالىقارالىق ستاندارتتارعا ساي، تۇراقتى قىزمەت جاساپ تۇرعان، بارىنشا دامىعان جۇيەگە قول جەتكىزدىك. اسىرەسە، قارجىگەرلەردىڭ «شاپاعات نۇرى» قايىرىمدىلىق اكتسياسىن وتكىزگەنى، وسى شارا اياسىندا از قامتىلعان جيىرما وتباسى مەن جيىرما مۇقتاج بالاعا قارجىلاي كومەك بەرگەنى كوڭىلگە قۋانىش ۇيالاتتى».

 بيىل ۇلتتىق ۆاليۋتامىز – تەڭگەگە 20 جىل تولىپ وتىر. ول ماڭعىستاۋ وبلىسىنىڭ 40, اقتاۋ قالاسىنىڭ 50 جىلدىق مەرەيتويلارىمەن تۇس كەلىپ وتىر. كەشە، قارجىگەرلەردىڭ ءتول مەرەكەسى كۇنى وبلىس اكىمىنىڭ ورىنباسارى سۇيىندىك الداشەۆ ءوڭىرىمىزدىڭ قارجى سالاسى قىزمەتكەرلەرىن مەرەكەلەرىمەن قۇتتىقتادى. ول ەلىمىزدىڭ دامۋ تاريحىندا ۇلتتىق ۆاليۋتانى اينالىمعا ەنگىزۋدىڭ ماڭىزدى ءرول اتقارعاندىعىن، ۆاليۋتانىڭ بۇكىل ەل ەكونوميكاسىنىڭ قان تامىرى ەكەندىگىن اتاپ ءوتتى. «بۇگىندە وبلىسىمىزدىڭ قارجى جۇيەسىن سالىق جانە كەدەندىك باقىلاۋ، قازىناشىلىق، قارجى باقىلاۋ، ءتۇرلى دەڭگەيدەگى بانك-تەر جانە جەرگىلىكتى قارجى ورگاندارى قۇراپ وتىر، دەدى سۇيىندىك تاسەمەنۇلى. وسىناۋ قارجى ينستيتۋتتارىنىڭ بىرىككەن جۇمىستارىنىڭ ارقاسىندا حالىقارالىق ستاندارتتارعا ساي، تۇراقتى قىزمەت جاساپ تۇرعان، بارىنشا دامىعان جۇيەگە قول جەتكىزدىك. اسىرەسە، قارجىگەرلەردىڭ «شاپاعات نۇرى» قايىرىمدىلىق اكتسياسىن وتكىزگەنى، وسى شارا اياسىندا از قامتىلعان جيىرما وتباسى مەن جيىرما مۇقتاج بالاعا قارجىلاي كومەك بەرگەنى كوڭىلگە قۋانىش ۇيالاتتى».

قۇتتىقتاۋ سوزىنەن كەيىن س.الداشەۆ قارجى سالاسىنىڭ ءبىر توپ قىزمەتكەرىن وبلىستىڭ دامۋىنا قوسقان ۇلەسى ءۇشىن «ماڭعىستاۋ وبلىسىنا 40 جىل» مەرەكەلىك مەدالىمەن ماراپاتتادى. سونداي-اق ءوڭىرىمىزدىڭ قارجى جۇيەسىنىڭ دامۋىنا قوسقان ۇلەسى ءۇشىن ءبىر توپ قارجىگەرگە وبلىس اكىمىنىڭ العىسىن، قر پرەمەر-ءمينيسترىنىڭ ورىنباسارى، قارجى ءمينيسترى ب.سۇلتانوۆتىڭ بۇيرىعىمەن «قارجى قىزمەتى-ءنىڭ ۇزدىگى» توسبەلگىسىن، قارجى ءمينيسترىنىڭ العىسىن، وبلىستىڭ قارجى جۇيەسىنىڭ دامۋىنا قوسقان ۇلەسى ءۇشىن جانە وبلىس اكىمىنىڭ قۇرمەت گراموتاسىن تابىس ەتتى.

«قازپوشتا» اق ماڭعىستاۋ وبلىستىق فيليالىنىڭ ديرەكتورى ءىلياس ساتىبالديەۆ قارجى سالاسى قىزمەتكەرلەرىن قۇتتىقتاپ، العىس ايتتى.