قانات شارلاپاەۆ قوستاناي وبلىسىندا تۇرعىن ءۇي قۇرىلىسىنىڭ باستالۋىن قاداعالادى. بۇل تۋرالى قر ونەركاسىپ جانە قۇرىلىس مينيسترلىگىنىڭ ءباسپاسوز قىزمەتى حابارلادى.  

پرەزيدەنتتىڭ سۋ تاسقىنىنان زارداپ شەككەن وڭىرلەردەگى تۇرعىن ءۇي جاعدايىن جانە الەۋمەتتىك ينفراقۇرىلىمدى جاقسارتۋ جونىندەگى شارالاردى ۇيلەستىرۋ جونىندەگى تاپسىرماسىن ورىنداۋ ماقساتىندا قر ونەركاسىپ جانە قۇرىلىس ءمينيسترى قانات شارلاپاەۆ قوستاناي وبلىسىنا باردى.

ساپار بارىسىندا مينيستر ارقالىق قالاسىنداعى جەكە تۇرعىن ءۇي قۇرىلىسى (جتۇق) ءۇشىن دايىن ينفراقۇرىلىمى بار جەر تەلىمدەرىن ارالادى، سونداي-اق وبلىس اكىمى ق.اقساقالوۆتىڭ قاتىسۋىمەن جۇمىس توبىنىڭ وتىرىسىن وتكىزدى، وندا اكىمدىكتىڭ تۇرعىن ءۇي قۇرىلىسىن باستاۋ بويىنشا جۇرگىزىلىپ جاتقان جۇمىستارى بارىسىندا پايدا بولعان وزەكتى ماسەلەلەر تالقىلانعان.

وبلىس اكىمدىگى ۇسىنعان اقپاراتقا سايكەس، وبلىستا 2 مىڭنان استام دايىن جەر تەلىمى بولسا، ونىڭ ىشىندە قوستانايدا  1834, ارقالىق قالاسىندا 172 جەر ۋچاسكەسى بار.

قانات شارلاپاەۆقا ساراپتامانىڭ وڭ قورىتىندىسىمەن اۋدانى 100 م2 تۇرعىن ۇيلەر قۇرىلىسىنىڭ ازىرلەنگەن جوباسى ۇسىنىلدى.

سونداي-اق بيىلعى جىلى سۋ تاسقىنىنان زارداپ شەككەندەرگە شىعىننىڭ ورنىن تولتىرۋ ءۇشىن اۋدانى 80 م2 قۇرايتىن جەكە تۇرعىن ۇيلەر سالۋ ۇسىنىلىپ وتىر.

سونىمەن قاتار، جاقىندا قر ۇكىمەتىنىڭ قاۋلىسىمەن قوستاناي وبلىسى ارقالىق قالاسىنىڭ زارداپ شەككەن تۇرعىندارىن باسپانامەن قامتاماسىز ەتۋ ءۇشىن توتەنشە جاعداي رەزەرۆىنەن قازىردىڭ وزىندە 405 ملن تەڭگە ءبولىندى.

Abai.kz