Qanat Sharlapaev Qostanay oblysynda túrghyn ýy qúrylysynyng bastaluyn qadaghalady. Búl turaly QR Ónerkәsip jәne qúrylys ministrligining baspasóz qyzmeti habarlady.  

Preziydentting su tasqynynan zardap shekken ónirlerdegi túrghyn ýy jaghdayyn jәne әleumettik infraqúrylymdy jaqsartu jónindegi sharalardy ýilestiru jónindegi tapsyrmasyn oryndau maqsatynda QR Ónerkәsip jәne qúrylys ministri Qanat Sharlapaev Qostanay oblysyna bardy.

Sapar barysynda ministr Arqalyq qalasyndaghy jeke túrghyn ýy qúrylysy (JTÝQ) ýshin dayyn infraqúrylymy bar jer telimderin aralady, sonday-aq oblys әkimi Q.Aqsaqalovtyng qatysuymen júmys tobynyng otyrysyn ótkizdi, onda әkimdikting túrghyn ýy qúrylysyn bastau boyynsha jýrgizilip jatqan júmystary barysynda payda bolghan ózekti mәseleler talqylanghan.

Oblys әkimdigi úsynghan aqparatqa sәikes, oblysta 2 mynnan astam dayyn jer telimi bolsa, onyng ishinde Qostanayda  1834, Arqalyq qalasynda 172 jer uchaskesi bar.

Qanat Sharlapaevqa saraptamanyng ong qorytyndysymen audany 100 m2 túrghyn ýiler qúrylysynyng әzirlengen jobasy úsynyldy.

Sonday-aq biylghy jyly su tasqynynan zardap shekkenderge shyghynnyng ornyn toltyru ýshin audany 80 m2 qúraytyn jeke túrghyn ýiler salu úsynylyp otyr.

Sonymen qatar, jaqynda QR Ýkimetining Qaulysymen Qostanay oblysy Arqalyq qalasynyng zardap shekken túrghyndaryn baspanamen qamtamasyz etu ýshin tótenshe jaghday rezervinen qazirding ózinde 405 mln tenge bólindi.

Abai.kz