ءال-فارابي اتىنداعى قازاق ۇلتتىق ۋنيۆەرسيتەتىندە ستۋدەنتتەر مەن جاس عالىمداردىڭ «فارابي الەمى» اتتى حالىقارالىق عىلىمي كونفەرەنتسياسى ءوتتى. كونفەرەنتسيا اياسىندا ۋنيۆەرسيتەت فاكۋلتەتتەرىندە جۇزدەن استام سەكتسيا جۇمىس ىستەدى.

سەكتسيالار قازاق، اعىلشىن جانە ورىس تىلدەرىندە جۇرگىزىلدى. كونفەرەنتسياعا ءارتۇرلى عىلىم سالالارىنىڭ جاس زەرتتەۋشىلەرى اراسىندا عىلىمي يدەيالار الماسۋ الاڭى تۇرىندە 300-دەن استام وتاندىق جانە جاقىن، الىس شەتەلدەردەن كەلگەن جاس زەرتتەۋشىلەر قاتىستى. جالپى، «فارابي الەمى» كونفەرەنتسياسى 2013 جىلدان بەرى وتكىزىلىپ كەلە جاتىر. كونفەرەنتسيانى ۇيىمداستىرۋداعى باستى ماقسات – ستۋدەنتتەر مەن جاس عالىمداردىڭ عىلىمي-زەرتتەۋ جانە وقۋ-اعارتۋ قىزمەتىن دامىتۋ، جاس عالىمداردىڭ عىلىم سالاسىنداعى وزەكتى ماسەلەلەردى شەشۋگە قاتىستى  ۇسىنىستارىن تىڭداۋ، ءارى تالانتتى جاستاردى قولداي وتىرىپ ينتەللەكتۋالدى ورتا قالىپتاستىرۋ.

كونفەرەنتسيادا عىلىمنىڭ ءتۇرلى سالالارى بويىنشا تەوريالىق، ەكسپەريمەنتتىك جانە قولدانبالى باعىتتاعى  سەكتسيالار بويىنشا باياندامالار تىڭدالدى. زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسى  دا ۋنيۆەرسيتەتىمىز ءۇشىن ماڭىزدى شاراعا بەلسەندى اتسالىستى.كافەدرا اتىنان قاتىسقان جاس عالىمدار قازىرگى تاڭداعى وزەكتى ماسەلە بولىپ وتىرعان زاڭ سالاسىنداعى ءتۇيىنى جوق تۇيتكىلدەردى ايتىپ،سوت جۇيەسىندەگى ماڭىزعا يە تاقىرىپتاردى تالداپ ءوتتى. تۇراقتى دامۋ ماقساتتارىنىڭ  بىرنەشە اسپەكتىلەرى دە جاس عالىمدار اراسىندا باياندالىپ ءوتتى. ءداستۇرلى تۇردە وتەتىن شارا شەڭبەرىندە ستۋدەنتتەردىڭ يننوۆاتسيالىق جوبالارىنىڭ كورمەسى  دە ۇيىمداستىرىلعان بولاتىن.كورمەگە جينالعاندار قازۇۋ ستۋدەنتتەرىنىڭ بارلىق سالادا جاسالعان زاماناۋي يننوۆاتسيالىق جۇمىستارىن تاماشالادى. كونفەرەنتسيا جۇمىستارى قورىتىندىسى بويىنشا ماتەريالدار جيناعى جارىققا شىعارۋ جوسپارلانعان. كونفەرەنتسياعا يندونەزيا، كورەيا، رەسەي، وزبەكستان، قىرعىزستان جانە ت.ب. ەلدەردەن كەلگەن ساراپشى-عالىمدار قاتىستى.بايقاۋ جەڭىمپازدارىن ۋنيۆەرسيتەت رەكتورى جانسەيىت تۇيمەباەۆ قۇتتىقتاپ، جاس عالىمداردان بولاشاقتا ۇلكەن ءۇمىت كۇتەتىنىن جەتكىزدى.

ۋسەينوۆا ك.ر.،

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ مەڭگەرۋشىسى، زاڭ عىلىمدارىنىڭ كانديداتى. 

بازارتاەۆا ە.ب.،

ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ماگيسترانتى.

Abai.kz