«ىڭگالاعان» داۋسى ەستىلگەنىنە 15 جىل بولعان «Abai.kz» پورتالىمەن «ديپلوماتيالىق قارىم-قاتىناس» ورناتقانىما شيرەك عاسىردىڭ شيرەگىندەي ۋاقىت ءوتتى-اۋ دەيمىن.

ءجا، ول «ماسەلەنى» جايىنا قالدىرا تۇرايىن دا، پورتالدى قۇتتىقتاۋشىلارىنىڭ ءبىرى بولىپ، تويعا مىنا تارتۋىمدى جولدايىن دەپ «قاۋلى قابىلدادىم»:

باسىڭدى قاسىما!

وي، «سۇمدىق-اي»، عابباس تا
كەلەدى ەكەن ەلۋگە!
مۇنداي «ۋىز قىز جاسقا»
بولمايدى سەنى تەلۋگە!
بوس «باقىرعىش» قوبىلاندى،
«بايشۇبارلى» الپامىس:
«كەلدىم، - دەسە، - ەلۋگە»،
بولا ما سوعان سەنۋگە؟!.

سەن ەلۋگە كەلسەڭ، كەلە بەر،
دەگەنمەنەن، تۇبىندە
جەت جامبىلدىڭ جاسىنا، -
وسى ءتۇسسىن باسىڭا!
ال ەندى سول 100-گە دەيىن
باسىڭدى سەن قاسىما!

«باستىعىڭ» – وسپانحان (اۋباكىروۆ).
1985. كوكەك. توعىزى.

 ***

ە-ە-ە... وسەكە. اللا ساعان 54 جىل عانا عۇمىر بەردى-اۋ...

باسەكەم مەنىڭ، وسەكەم،
1 جىلىم ءوتتى ءوزىڭسىز،
استارلى جۇمساق ءسوزىڭسىز،
اجارلى اسەم كۇلكىڭسىز،
تاعدىر دەگەن وسى ەكەن.

بۇيرىعىڭدى ۇمىتپاق تۇرعاي:
قاسىماق  تۇرعاي باسىمدى،
تاراماي دا شاشىمدى،
جۇيكەم ءبىراز جاسىدى.

سەن – ساتيرانىڭ  ساردارى،
مەن – ءبىر ساربازى.
كوڭىلىمدەسىڭ، كوز الدىمداسىڭ.
ايتىپ بەرەر حيكاياتىم  كوپ،
ءوزىڭدى دە، كۇلكىڭدى ساعىنىپ،
ءبىر كۇنى ىزدەپ بارعاسىن.

باعىنىشتىڭ – عابباسىڭ.
04.09.1987.

***

قوسىمشا:  قايران وسەكەمىز كۇلكى ءۇيىرىپ ورتامىزدا جۇرسە، الدىمىزداعى مامىر ايىنىڭ 4-كۇنى جاسىنىڭ 90-عا تولۋىمەن بارشامىز قۋانا-قۋانا قۇتتىقتار ەدىك...

عابباس قابىشۇلى

Abai.kz