بەيسەنبى, 23 مامىر 2024
الاساپىران 1112 0 پىكىر 15 ءساۋىر, 2024 ساعات 18:02

تاياۋ شىعىس ۇيىقتاماعان ءتۇن: قازاقستان نە دەيدى؟

يران سەنبىدەن جەكسەنبىگە قاراعان تۇندە يزرايلگە جاۋاپ سوققىسىن جاسادى. بۇل سوققى الەم ءجۇرتىن ابىگەرگە سالدى دەسەك تە بولادى.

«The New York Times-تىڭ» جازۋىنشا يران ءوز شابۋىلىندا 185 دانا درون، 36 دانا قاناتتى زىمىران جانە 110 دانا «جەر-جەر» ساناتىنداعى زىمىراندى قولدانعان. شابۋىلدىڭ باسىم بولىگى يران اۋماعىنان جاسالدى. سونداي-اق، يەمەن، يراك جانە ليۆان اۋماعىنان دا دروندار مەن زىمىرانداردىڭ ۇشىرىلعانى راستالدى.

وسىلايشا تەگەران سوققى وپەراتسياسىن پروكسيلەرىمەن بىرلەسە وتىرىپ جۇزەگە اسىردى دەۋگە بولادى.

اتىلعان درونداردىڭ باسىم كوپشىلىگىن اقش جانە ۇلىبريتانيا ۇشاقتارى قاعىپ تۇسىرگەن. يراننىڭ زىمىراندارىنىڭ كەيبىرى يزرايل اۋماعىنداعى نىساندارعا تۇسكەن، ودان كەلگەن شىعىن كولەمى (اۋقىمدى/ماردىمسىز) انىقتالۋ ۇستىندە.

ەندى يزرايل قارىمتا سوققى جاسايتىنىن ايتۋدا. نەگىزگى سوققى نىسانى رەتىندە يراننىڭ يادرولىق نىساندارىن، زىمىران قويمالارىن جانە اۋەجايلارىن اتقىلاۋى مۇمكىن.

وسى ۋاقىتقا دەيىن يران مەن يزرايل يت پەن مىسىق بولىپ كەلدى. الايدا ءبىر-ءبىرىنىڭ اۋماعىنا تىكەلەي، اشىق فورماتتاعى اسكەري سوققى جاساعان ەمەس. ەكەۋىنىڭ جاۋلاستىعى جاڭا دەڭگەيگە ءوتتى دەۋگە بولادى.

كسير: «ەگەر يزرايل يرانعا سوققى جاسار بولسا، ءبىز ءيزرايلدى 2 مىڭنان اسا درون جانە زىمىراندارمەن قايتا سوققىلايمىز», - دەدى.

تاياۋ شىعىستاعى جاعداي ۋشىعىپ بارادى. دەسە دە، وسى جولى «العاش» دەپ اتايتىن بىرنەشە فاكت تىركەلدى.

ءبىرىنشى: يران ءوز تاريحىندا العاش رەت يزرايلگە تىكەلەي سوققى جاسادى. مەيلى، بۇل شابۋىل ءساتسىز بولدى دەگەننىڭ وزىندە يران ءوزىنىڭ بارەرىن اتتاپ ءوتتى. ەگەر وسىعان دەيىن يران يزرايلگە تىكە سوققى جاساماي، وزگە ەلدەردەگى اسكەري توپتاردى پايدالانىپ، توتە سوعىستان جالتارىپ كەلسە، بۇل جولى بۇل شەكتەۋدى ەڭسەرىپ، سوققى جاساي ءبىلدى. بۇل سيگنال.

ەكىنشى: يوردانيا العاش رەت يزرايلمەن وداقتاسىپ، يران زىمىراندارىن ءوز اۋە كەڭىستىگىندە قاعىپ ءتۇسىردى. يزرايلگە ءوز اۋە كەڭىستىگىن اشىپ بەردى. بۇل دا العاشقى رەت ورىن العان جاعداي.

ءۇشىنشى: يران وسى جولى گولان بيىكتىگىندەگى يزرايل نىساندارىنا دۇركىندەتىپ سوققى جاسادى. ال ول جەردە قازاقستاننىڭ بىتىمگەر كۇشتەرى بولعان. بۇگىن قر قورعانىس مينيسترلىگى مالىمدەمە جاساپ: «قازاقستان اسكەريلەرىنە قاۋىپ جوق», - دەدى.

قازاقستان رەسپۋبليكاسى سىرتقى ىستەر مينيسترلىگىنىڭ تاياۋ شىعىستاعى احۋالعا قاتىستى مالىمدەمەسى:

«قازاقستان رەسپۋبليكاسىنىڭ سىرتقى ىستەر مينيسترلىگى يران مەن يزرايل اراسىنداعى شيەلەنىستىڭ كۇرت ناشارلاۋىنا بايلانىستى تەرەڭ الاڭداۋشىلىق ءبىلدىرىپ، تاراپتاردى بارلىق كەلىسپەۋشىلىكتەردى تەك ساياسي-ديپلوماتيالىق جولمەن شەشۋ ءۇشىن ۇستامدىلىق پەن كىدىرىسسىز شارالار قابىلداۋعا شاقىرادى.

قازاقستان وڭىردەگى جاعدايدى تۇراقتاندىرۋعا جانە قاۋىپسىزدىكتى قامتاماسىز ەتۋگە باعىتتالعان الەمدىك قوعامداستىقتىڭ كۇش-جىگەرىنە ءوزىنىڭ بەرىك قولداۋىن تاعى دا اتاپ وتەدى»، - دەدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2273
ادەبيەت

«سولاي ەمەس پە؟»

عابباس قابىشۇلى 2625
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2653
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1717