«ينتەركونتينەنتال» قوناقۇيى، Ballroom

«ينتەركونتينەنتال» قوناقۇيى، Ballroom

2013 جىلعى 10 جەلتوقساندا، الماتىداعى «ينتەركونتينەنتال» قوناقۇيىندە (تيميريازەۆ پەن جەلتوقسان كوشەلەرىنىڭ قيىلىسى) «KazFarnch-2013» كورمەسى وتەدى. «بايتەرەك» ۇلتتىق باسقارۋشى حولدينگى» اق قولداۋىمەن «دامۋ» كاسىپكەرلىكتى دامىتۋ قورى» اق جانە ەۋرازيالىق فرانچايزينگ قاۋىمداستىعى بىرلەسە ۇيىمداستىرىپ وتىرعان شاراعا قر يندۋستريا جانە جاڭا تەحنولوگيالار مينيسترلىگى، قر وڭىرلىك دامۋ مينيسترلىگى، «اتامەكەن» وداعى» ۇلتتىق ەكونوميكالىق پالاتاسى مەن الماتى قالاسى اكىمشىلىگىنىڭ وكىلدەرى قاتىسادى. «KazFran-2013» شاراسى بارىسىندا كاسىپكەرلەر، فرانچايزەرلەر، شاعىن جانە ورتا بيزنەستىڭ دامۋىنا مۇددەلى ۇيىمدار، ۇكىمەتتىك ەمەس ۇيىمدار، ەكىنشى دەڭگەيلى بانكتەر مەن باق وكىلدەرى باس قوسادى. دوڭگەلەك ۇستەلدەرى، تاقىرىپتىق پرەزەنتاتسيالار، برەندتار شوۋى وتەدى. ونداعى ماقسات فرانچايزيلەردى ىزدەۋ، ۇسىنۋ جانە وسى سالادا جۇمىس ىستەيتىندەرمەن ءوزارا تاجىريبە الماسۋ. جيىندا ەلىمىزدىڭ ءار سالاسىنداعى ەڭ ۇزدىك، وتاندىق فرانچايزينگتىك كومپانيالار ءوز فرانشيزاسىن كورسەتەدى. شارانىڭ ماقساتى – قازاقستان رەسپۋبليكاسى اۋماعىندا فرانچايزينگتىك قارىم-قاتىناستىڭ ءتيىمدى دامۋىنا ىقپال ەتۋ جانە وتاندىق فرانچايزينگتى دامىتۋ. فرانچايزينگ – بۇل، ءىرى كومپانيانىڭ ءوز فيرمالىق تاڭباسى مەن ليتسەنزياسىن بەلگىلى كەزەڭگە وزگە وندىرۋشىلەرگە اقىلى تۇردە بەرۋى. ەكونوميكاسى دامىعان ەلدەردە كوممەرتسيالىق سۋبەكتىلەردىڭ 50 پايىزى، وندىرىستىك سالاداعىلاردىڭ 30 پايىزى قىزمەت كورسەتۋ جانە بولشەك ساۋدا سالاسىندا فرانچايزينگتى پايدالانادى. بۇكىل الەمدە فرانچايزينگتىك قارىم-قاتىناستىڭ قارقىندى دامۋى بايقالۋدا. ال قازاقستاندا قازىرگى تاڭدا ورتا جانە شاعىن بيزنەس سۋبەكتىلەرىنىڭ تەك 4 پايىزدايى عانا فرانچايزينگتىڭ يگىلىگىن كورىپ وتىر. فرانچايزينگتى دامىتۋ كاسىپكەرلەرگە عانا ەمەس، مەملەكەتكە دە ءتيىمدى. ەلباسى ن.ءا. نازارباەۆ «قازاقستان-2050» ستراتەگياسىندا ۇلتتىق ەكونوميكانىڭ جەتەكشى كۇشى سانالاتىن كاسىپكەرلىكتى جان-جاقتى قولداۋ تۋرالى باسا ايتقان بولاتىن. ستراتەگيالىق قۇجاتتا 2030 جىلعا قاراي شاعىن جانە ورتا بيزنەستىڭ ۇلەسى كەمىندە ەكى ەسەگە ارتاتىنى دا ايتىلعان.

باق-پەن بايلانىس ءۇشىن: +702-474-55-51, +777-477-76-77 ەرلان دجۋرىنباەۆ