الماتىلىق ەكوبەلسەندىلەر حالىقتى ءىرى ءىس-شارالاردا اۋە شارلارىن پايدالانۋدان باس تارتۋعا شاقىردى. بۇل تۋرالى Abai.kz حابارلايدى.

ايتۋلارىنشا، لاتەكس شارلار دا تولىعىمەن ىدىرامايتىندىقتان، عالامشارعا كەرى اسەرىن تيگىزەدى.

ال ونى ىدىراتۋ پروتسەسى كەزىندە جانۋارلار مەن ەكوجۇيەگە قاۋىپ تونەدى.

"شارلار تابيعات پەن قورشاعان ورتانى لاستايدى. ال ەگەر شارلار دۇرىس جويىلماسا، پوليگوندار سانىنىڭ وسۋىنە ىقپال ەتەدى. الماتىلىق الپينيستەر 3-4 مىڭ مەتر بيىكتىكتەگى تاۋلى مۇزدىقتار مەن شىڭداردا شار قالدىقتارىنىڭ كوپ كەزدەسەتىنىن ايتادى", – دەدى "جاسىل قۇتقارۋ" ەكولوگيالىق قوعامىنىڭ وكىلى، ەكولوگ سۆەتلانا سپاتار.

Greenup.kz اتقارۋشى ديرەكتورى پاكيزات سايلاۋبەكوۆا ءىس-شارا ۇيىمداستىرۋشىلارىن، شوب جانە كورپوراتيۆتىك بيزنەستى قورشاعان ورتاعا قاۋىپ توندىرمەيتىن ەكولوگيالىق تازا بالامالاردى تاڭداۋعا شاقىردى.

ء"بىزدىڭ ەكولوگيالىق جاعدايىمىز مۇشكىل. سول سەبەپتى ەكو ءىزدى ازايتۋ جانە ءبىر رەتتىك زاتتاردان باس تارتقان پايدالى. مۇنىمەن قاتار دامۋ قاعيداتتارىن ساقتاپ، بولاشاق ۇرپاققا بيوارتۇرلىلىك ساقتاۋدىڭ قانشالىقتى ماڭىزدى ەكەنىن بىرنەشە رەت ايتتىق. الداعى ۋاقىتتا دا ايتا بەرەتىن بولامىز. ويتكەنى ءبىزدىڭ بالالارىمىز بەن نەمەرەلەرىمىز وسى قالادا، وسى ەلدە، وسى عالامشاردا ءومىر سۇرەتىن بولادى", – دەدى ەكولوگ پاكيزات سايلاۋبەكوۆا.

Abai.kz