قازاقاستان پرەزيدەنتى قاسىم-جومارت توقاەۆ جۇمىس ساپارىمەن وزبەكستانعا باردى. بۇل تۋرالى اقوردا حابارلادى.

مەملەكەت باسشىسىن ۇرگەنىش قالاسىنىڭ اۋەجايىندا پرەزيدەنت شاۆكات ميرزيوەۆ قارسى الدى. ساپار اياسىندا ەكى ەل باسشىلارى بەيرەسمي كەزدەسۋ وتكىزىپ، حيۋا قالاسىنداعى كاسىپورىندار مەن مادەني نىسانداردى بىرگە ارالاپ كورەدى دەپ جوسپارلانىپ وتىر.

پرەزيدەنت قاسىم-جومارت توقاەۆتى ۇرگەنىش قالاسىنىڭ اۋەجايىندا قارسى الۋ ءراسىمى:

سۋرەتتەر اقوردا تەلەگرام ارناسىنان الىندى

پرەزيدەنت توقاەۆ وزبەكستانعا نە ءۇشىن ساپارلاپ باردى؟ ەكى ەل پرەزيدەنتتەرى قانداي كەلىسىمدەر جاساماق؟ الداعى ۋاقىتا اتالعان ساپار جايلى ەگجەي-تەگجەيلى مالىمەتتەر ۇسىناتىن بولامىز.

پرەزيدەنت قازاق-وزبەك تاندەمى ومىرلىك قاجەتتىلىكتەن تۋعانىن جانە بىرگە ءارى جۇمىلا ارەكەت ەتكەندە عانا ەلدەرىمىزدىڭ ورنىقتى دامۋىن قامتاماسىز ەتۋگە بولاتىنىن جەتكىزدى.

وسى ورايدا مەملەكەت باسشىسى قازاقستان مەن وزبەكستان اراسىنداعى ستراتەگيالىق سەرىكتەستىك پەن وداقتاستىقتىڭ 2034 جىلعا دەيىنگى باعدارلاماسىن قابىلداۋ باستاماسىن قولدادى.

كەزدەسۋدە پرەزيدەنتتەر ءوزارا تاۋار اينالىمىن ۇلعايتۋ، ەنەرگەتيكا، كولىك، سۋ شارۋاشىلىعى جانە IT سالالارىنداعى ىنتىماقتاستىقتى دامىتۋ سياقتى ەكونوميكالىق ىقپالداستىقتىڭ سان الۋان ماسەلەسى جونىندە پىكىر الماستى.

اڭگىمەلەسۋ بارىسىندا مادەني-گۋمانيتارلىق بايلانىستاردى وركەندەتۋ، سونداي-اق قازاقستان مەن وزبەكستاننىڭ بىرەگەي تۋريستىك الەۋەتىن پايدالانۋ مۇمكىندىكتەرىنە ايرىقشا ءمان بەرىلدى.

قاسىم-جومارت توقاەۆ پەن شاۆكات ميرزيوەۆ وڭىرلىك كۇن ءتارتىبىن تالقىلاپ، حالىقارالىق قۇرىلىمدار اياسىنداعى ءوزارا ىقپالداستىق ماسەلەلەرىن قاراستىردى.

Abai.kz