اتىراۋ مۇناي وڭدەۋ زاۋىتىنا جاڭا باسشى كەلدى
"مەنى قىزمەتتەن زاڭسىز بوساتتى" دەپ اتىراۋ مۇناي وڭدەۋ زاۋىتىنىڭ بۇرىنعى باسشىسى عالىمجان جۋسانباەۆ قىزمەتىنەن بوساتىلدى.
قاتىسۋشىلاردىڭ جالپى جينالىسىنىڭ شەشىمى بويىنشا «اتىراۋ مۇناي وڭدەۋ زاۋىتى» جشس باس ديرەكتورى لاۋازىمىنا ابزال دوسجانوۆ تاعايىندالدى، دەپ حابارلايدى Abai.kz پورتالى قمگ-گە سىلتەمە جاساپ.
قازمۇنايگازدىڭ حابارلاۋىنشا، دوسجانوۆ اتىراۋ قالاسىنىڭ تۋماسى، ەڭبەك جولىن 2006 جىلى اتىراۋ مۇناي وڭدەۋ زاۋىتىندا تەحنولوگيالىق قوندىرعىلاردىڭ وپەراتورى رەتىندە باستاپ، گيدروگەنيزاتسيالىق پروتسەستەر اۋىسىمىنىڭ باستىعىنا دەيىن كوتەرىلگەن.
فرانتسيانىڭ مۇناي ينستيتۋتىندا (IFP School) بىلىكتىلىگىن ارتتىرعاننان كەيىن ول اتىراۋ مۇناي وڭدەۋ زاۋىتىندا جۇمىسىن كاسىپورىندى جاڭعىرتۋ جوباسىن سۇيەمەلدەۋ توبىنىڭ تەحنولوگيا بويىنشا باس مامانى قىزمەتىندە جالعاستىردى.
2010 جىلدان باستاپ KMG International كومپانياسىندا پەتروميديا زاۋىتىنىڭ پروتسەستەرىن جاقسارتۋ جونىندەگى مەنەدجەر، ءوندىرىس جونىندەگى ديرەكتوردىڭ ورىنباسارى، Rompetrol Petrochemicals باس ديرەكتورىنىڭ ءبىرىنشى ورىنباسارى، Rompetrol Rafinare وپەراتسيالىق ديرەكتورى، Rominserv جانە Rompetrol Well Services كومپانيالارىنىڭ باسشىسى، Rompetrol Rafinare مۇناي وڭدەۋ زاۋىتىندا باس ديرەكتوردىڭ ءبىرىنشى ورىنباسارى – باس ينجەنەر لاۋازىمدارىندا ەڭبەك ەتتى.
2023 جىلدان باستاپ قازىرگە دەيىن «قازمۇنايگاز» ۇك اق مۇناي وڭدەۋ جانە مۇناي حيمياسى دەپارتامەنتى مۇناي وڭدەۋ باسقارماسىنىڭ باستىعى قىزمەتىن اتقاردى.
