التى جىل بۇرىن قازاقستان قارۋلى كۇشتەرىنىڭ استاناداعى مەملەكەتتىك اسكەري-تاريحي مۇراجايىنىڭ ەكسپوزيتسياسىنا ورناتىلعان تۇڭعىش پرەزيدەنت نۇرسۇلتان نازارباەۆتىڭ بالاۋىز بەينەسى جوعالىپ كەتتى.

بۇعان دەيىن بالاۋىز بەينەسى مۋزەي زالدارىنىڭ بىرىندەگى جازۋ ۇستەلىندە ءىلىنىپ كەلگەن. ارتىنشا بالاۋىز بەينەسى مۇراجاي قورىنا جىبەرىلگەنى انىقتالدى. ەندى ونىڭ ورنىنا وسى جازۋ ۇستەلىندە ارميا گەنەرالى، كەڭەستىك جانە قازاقستاندىق اسكەري باسشى، قازاقستاننىڭ ءبىرىنشى قورعانىس ءمينيسترى، كەڭەس وداعىنىڭ باتىرى جانە قازاقستاننىڭ حالىق باتىرى ساعادات نۇرماعامبەتوۆتىڭ بالاۋىز بەينەسى كوتەرىلمەك.

ەلباسىنىڭ رەسپۋبليكا اۋماعىندا عانا ەمەس، شەتەلدە دە ءتىرى ەسكەرتكىشتەرى كوپ. سوڭعى كەزدەرى ولاردىڭ كوبى بىرىنەن سوڭ ءبىرى قيراتىلۋدا.

ماسەلەن، قاڭتار ايىنىڭ ورتاسىندا استاناداعى ۇلتتىق قورعانىس ۋنيۆەرسيتەتىنىڭ اۋماعىنان نازارباەۆتىڭ ەسكەرتكىشى الىنىپ تاستالسا، سول ۋاقىتتا الماتى مەتروسىنىڭ «المالى» ستانتسياسىندا ىلىنگەن تۇڭعىش پرەزيدەنتتىڭ پورترەتى تۇسىرىلگەنى بەلگىلى بولدى. اقپان ايىندا استاناداعى قازاقستان ۇلتتىق مۋزەيىنىڭ قىزمەتكەرلەرى ءبىرىنشى قاباتتاعى حوللداعى ەكسپوزيتسيادان تۇڭعىش پرەزيدەنتتىڭ ءمۇسىنىن الىپ تاستادى.

قاڭتار وقيعاسى كەزىندە قاتىسۋشىلار تالدىقورعانداعى نازارباەۆقا ارنالعان ءتورت مەترلىك ەسكەرتكىشتى قۇلاتىپ، ونى بولشەكتەپ تاستاعان. ول ەسكەرتكىش قايتا قالپىنا كەلتىرىلمەدى.

Abai.kz