ەربول وسپانوۆ بۇرىنعى قىزمەتىنەن بوساتىلىپ،ۇكىمەت قاۋلىسىمەن دەنساۋلىق ساقتاۋ ۆيتسە-ءمينيسترى قىزمەتىنە تاعايىندالدى، دەپ حابارلايدى Abai.kz.

ەربول وسپانوۆ 1977 جىلى وڭتۇستىك قازاقستان وبلىسىندا دۇنيەگە كەلگەن. 1998 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، 2002 جىلى قازاق ۇلتتىق اگرارلىق ۋنيۆەرسيتەتىن بىتىرگەن.

ەڭبەك جولىن 1999 جىلى «قازگيپروجەلدورترانس» اق ينجەنەرى بولىپ باستاعان.

«قازاقستان تەمىر جول كولىگى عىلىمي-زەرتتەۋ ينستيتۋتى» جشس-دە جوبا جەتەكشىسى، «قارجى جۇيەلەرىن اقپاراتتاندىرۋ ورتالىعى» اق-دا جەتەكشى ينجەنەر-جوبالاۋشى بولىپ جۇمىس ىستەدى.

ءار جىلدارى «ۇلتتىق اقپاراتتىق تەحنولوگيالار» اق، «زەردە» ۇلتتىق ينفوكوممۋنيكاتسيالىق حولدينگى» اق، ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمدارىندا باسشىلىق قىزمەتتەر اتقاردى.

2020 جىلدان باستاپ قازىرگى ۋاقىتقا دەيىن – ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىندە بولدى.

Abai.kz.