ەلوردادا ەسكى تۇرعىن ۇيلەردى جاڭارتۋ باعدارلاماسى اياسىندا اپاتتى ۇيلەردى بۇزۋ جانە ەلوردا تۇرعىندارىن جاڭا تۇرعىن ۇيگە كوشىرۋ ماسەلەسى قاراستىرىلعان. 2024 جىلى 60 اپاتتى ءۇيدىڭ تۇرعىندارى 1400 پاتەرگە كوشەدى، وسىلايشا شامامەن 4200 ادام تۇرعىن ۇيمەن قامتاماسىز ەتىلەدى، دەپ حابارلايدى ەلوردا اكىمدىگىنىڭ رەسمي سايتى.

2013 جىلدان باستاپ ەلوردادا 286 اپاتتى ءۇيدىڭ تۇرعىندارى قونىس اۋداردى. وسىلايشا 4500-دەن استام وتباسى جاڭا اباتتاندىرىلعان پاتەرلەرگە يە بولدى.

استانادا 2023-2029 جىلدارعا ارنالعان تۇرعىن ءۇي قورىن جاڭارتۋ جوباسى اياسىندا 206 اپاتتى ءۇيدىڭ تۇرعىندارى 4 710 پاتەرگە كوشىرىلەدى.

تۇرعىن ءۇي قورىن جاڭارتۋ تۇرعىن ءۇيدى جانە ءۇي ورنالاسقان جەر ۋچاسكەسىن رەكۆيزيتسيالاۋ تارتىبىمەن اۆاريالىق (ەسكىرگەن) تۇرعىن ءۇيدى بۇزۋ جانە ودان ازاماتتاردى كوشىرۋ جولىمەن قالانىڭ «ەسكى» كۆارتالدارىن كەشەندى رەكونسترۋكتسيالاۋدى كوزدەيدى.

جوبانىڭ شارتتارى بويىنشا اۆاريالىق ۇيلەردىڭ تۇرعىندارىنا قۇقىق بەلگىلەيتىن قۇجاتتارعا سايكەس بولمەلەر سانىنا جانە ادام سانىنا قاراماستان، اۋدانى بويىنشا بىردەي مولشەردە (ياعني «شارشى مەتر» - «شارشى مەتر»), بىراق كەمىندە ءبىر بولمەلى جاڭا پاتەرلەر بەرىلەدى.

مەملەكەت باسشىسىنىڭ تاپسىرماسى بويىنشا تۇرعىن ءۇي جاعدايلارىن جاقسارتۋ ءۇشىن تك جوندەۋ، ليفتەردى اۋىستىرۋ، جەڭىلدەتىلگەن الەۋمەتتىك تۇرعىن ءۇي سالۋ، ۇزاققا سوزىلعان قۇرىلىستاردى اياقتاۋ بويىنشا جۇمىستار جۇرگىزىلۋدە.

وسى باعىت بويىنشا جۇمىستار جوسپارلى تۇردە ءجۇرىپ جاتىر.

Abai.kz