23 ناۋرىزدا استانادا "تازارۋ" اۋقىمدى جالپىۇلتتىق اكتسياسى ءوتتى. وعان 35 مىڭعا جۋىق قالا تۇرعىنى، ەڭبەك ۇجىمدارى، قوعامدىق ۇيىمدار، بيزنەس وكىلدەرى، جاستار، ەرىكتىلەر، اۋدان بەلسەندىلەرى قاتىستى، دەپ حابارلايدى استانا اكىمدىگىنىڭ رەسمي سايتى.

سۋرەت استانا اكىمدىگى ءباسپاسوز قىزمەتىنەن الىندى

اكتسياعا قاتىسۋشىلاردىڭ ارقايسىسى ەلوردادا تازالىق پەن ءتارتىپتى قامتاماسىز ەتۋگە ءوز ۇلەسىن قوستى. قالا تۇرعىندارى بۇكىل كىرەبەرىستەرمەن ءوز اۋلالارىن تازارتۋ ءۇشىن شىقتى.

مەردىگەرلىك ۇيىمدار شاعىن ساۋلەت نىساندارىن، ەسكەرتكىشتەر مەن مۇسىندىك قۇرىلىستاردى، قوقىس الاڭدارى مەن كونتەينەرلەردى جۋ جانە قالپىنا كەلتىرۋ جۇمىستارىن جۇرگىزدى. قالانى جالپى جيناۋ كەزىندە بەس اۋداننىڭ ارقايسىسىندا ايالداما كەشەندەرىن، تروتۋارلاردى، قورشاۋلاردى، جارىقتاندىرۋ تىرەكتەرىن جۋ جانە تازالاۋ جۇمىستارى جۇرگىزىلدى.اكتسيا اياسىندا اۋلالار مەن كوشەلەر، سونداي-اق ارىقتار قار مەن قوقىستان تازارتىلدى.

سۋرەت استانا اكىمدىگى ءباسپاسوز قىزمەتىنەن الىندى

ەلوردادا جالپى 60 مىڭعا جۋىق توننا قوقىس جينالىپ، شىعارىلدى.

تازالانعان اۋماقتىڭ اۋدانى 52 ملن شارشى مەتردەن اسادى.

ءىس-شاراعا 1000 ارنايى تەحنيكا بىرلىگى جانە 2300 جول جۇمىسشىسى جۇمىلدىرىلدى.

سۋرەت استانا اكىمدىگى ءباسپاسوز قىزمەتىنەن الىندى

پوليگونعا بارلىعى 60 مىڭ توننا قالدىق شىعارىلدى.

بيىل قازاقستاندا ناۋرىز 10 كۇن بويى اتالىپ وتۋدە. 23 ناۋرىز ناۋرىزنامنىڭ ونكۇندىگىندەگى تازارتۋ جانە جاڭارۋ كۇنى دەپ اتالدى.

Abai.kz