كەشە باق-تا قازاقستاننىڭ بۇرىنعى ىشكى ىستەر مينيستر ەرلان تۇرعىمباەۆقا قاتىستى قىلمىستىق ءىستىڭ قوزعالعانى تۋرالى اقپارات تارادى. بۇگىن قر باس پروكۋراتۋراسى ەكس-مينيستردەن قاڭتار وقيعالارى بويىنشا جاۋاپ الىنعانىن راستاپ، رەسمي مالىمدەمە جاسادى.

قر باس پروكۋراتۋراسىنىڭ مالىمدەمەسى:

باس پروكۋراتۋرا ىشكى ىستەر ەكس-ءمينيسترى ە. تۇرعىمباەۆتى جانە پوليتسيا ورگاندارىنىڭ باسقا دا باسشىلارىن قىلمىستىق قۋدالاۋ تۋرالى ءتۇرلى تەلەگرام-ارنالاردا تاراتىلعان اقپاراتقا قاتىستى كەلەسىنى حابارلايدى.     

2022 جىلدىڭ باسىنان باستاپ باس پروكۋراتۋرا قاڭتار وقيعالارى كەزەڭىندە قۇقىقتىق ءتارتىپ پەن قاۋىپسىزدىكتى قامتاماسىز ەتپەۋگە، سونداي-اق ازاماتتارعا ازاپتاۋدى قولدانۋعا بايلانىستى كۇش ورگاندارىنىڭ قىزمەتكەرلەرىنە قاتىستى تەرگەپ-تەكسەرۋلەردى جالعاستىرۋدا.      

ولاردى جاساعانى ءۇشىن سوتتارمەن وبلىستىق پوليتسيا جانە ۇلتتىق قاۋىپسىزدىك ورگاندارىنىڭ بىرقاتار باسشىلارى مەن قىزمەتكەرلەرى سوتتالدى.   

جۇرگىزىلىپ جاتقان تەرگەپ-تەكسەرۋلەر شەڭبەرىندە ىشكى ىستەر ەكس-ءمينيسترى ە.تۇرعىمباەۆتان جاۋاپ الىندى.      

سونداي-اق، باس پروكۋراتۋرا الماتى وبلىسى قاراساي اۋدانى قوشمامبەت اۋىلىندا ورنالاسقان ارنايى قابىلداۋ جاعدايىندا ۇستالعان ازاماتتارعا ازاپتاۋدى قولدانۋ تۋرالى ءىس بويىنشا دالەلدەمەلەر جينادى.      

2024 جىلدىڭ 16 ناۋرىزىندا وسى قىلمىستى جاساعانى ءۇشىن قاراساي اۋدانىنىڭ ارنايى قابىلداۋ ورىنى جانە پوليتسيا باسقارماسىنىڭ بۇرىنعى باسشىلارى قاماۋعا الىندى.     

بۇدان باسقا، قىزمەتتىك اتىس قارۋىن ۇرلاۋ فاكتىلەرى بويىنشا تالدىقورعان قالاسى پوليتسيا باسقارماسىنىڭ بۇرىنعى باسشىلىعىنا قاتىستى تەرگەپ-تەكسەرۋ جالعاسۋدا.      

وسى تەرگەپ-تەكسەرۋلەر بويىنشا باسقا دا مالىمەتتەر تەرگەپ-تەكسەرۋدىڭ، سونداي-اق ازاماتتاردىڭ قۇقىقتارى مەن زاڭدى مۇددەلەرىن ساقتاي وتىرىپ، جۇرتشىلىققا جەتكىزىلەتىن بولادى.

قر ءىىم باسشىسى سادەنوۆ تە تۇرعىمباەۆتىڭ ۇستىنەن قىلمىستىق ءىس قوزعالعانىن راستادى. 

قر ءىىم بۇرىنعى باسشىسى ەرلان تۇرعىمباەۆقا قاتىستى ءىستى ىشكى ىستەر مينيسترلىگى تەكسەرمەيدى.

«ىشكى ىستەر مينيسترلىگى تەكسەرىپ جاتقان جوق، مەن بۇل تۋرالى تۇسىنىكتەمە بەرە المايمىن. بۇل جەردە قۇزىرلى ورگاندار تەرگەۋ باستادى. بۇل سولارعا ارنالعان سۇراقتار. ىشكى ىستەر مينيسترلىگى تۇرعىمباەۆقا قاتىستى ءىستى تەرگەپ جاتقان جوق»، - دەدى مينيستر.

Abai.kz