بۇگىن قازاقستاندا «ناۋرىزناما» مەرەكەلىك دەكاداسى باستالدى. «ناۋرىزناما» 23 ناۋرىزعا دەيىن جالعاسادى.

جاڭا قابىلدانعان تۇجىرىمداماعا سايكەس، «ناۋرىزنامانىڭ» ءار كۇنى جەكەلەگەن تاقىرىپتار مەن قۇندىلىقتارعا بولىنگەن. جەكە-جەكە اتالىپ وتىلەتىن ءار كۇننىڭ ءمان-ماعىناسى قازاق حالقىنىڭ، قازاقستان قوعامىنىڭ مادەنيەتى مەن ءداستۇر-سالتىن، ءادىت-عۇرپى مەن قوعامدىق قۇندىلىقتارىن ايشىقتايدى.

بۇگىن، 14 ناۋرىز – «كورىسۋ كۇنى – امال مەرەكەسى». امال مەيرامىندا «امال كىردى»، «امال كەلدى» دەپ قۋانامىز. شىعىس ەلدەرىندەگى كۇن ء(شامسي) كۇنتىزبەسى بويىنشا، ناۋرىزدىڭ باستالۋى - حامال (امال) ايىنىڭ 1 جۇلدىزى ەسەپتەلەدى.

ەجەلدەن كەلە جاتقان ءداستۇر بويىنشا، حالىق بۇل كۇنى قىستان امان-ەسەن شىققانىنا، كوكتەمگە اياق باسىپ، تۋىس-تۋعان، كورشى-كولەڭمەن جۇزدەسكەنىنە قۋانىپ، قول الىسىپ، ءتوس قاعىسادى. ءبىر-بىرىنە دەگەن ارازدىق، وكپە-رەنىشتى ۇمىتىپ، اماندىق تىلەيدى.

ناۋرىز - پارسىشا - جاڭا كۇن. ەرتەدە قازاق بۇل كۇندى «ناۋرىز» دەمەي، «امال» دەپ اتاعان. امال مەرەكەسى نەمەسە كورىسۋ ءداستۇرى - ەلىمىزدىڭ كوپ وڭىرلەرىندە ەجەلدەن ساقتالعان.

14 ناۋرىز كۇنى كوكتەم كەلىپ، جاپىراقتار بۇرشىك اتىپ، كوكەك قۇسى قۇيقىلجىتا ءان سالادى. كۇن مەن ءتۇننىڭ تەڭەسۋى تويلانادى. شىعۋ توركىنى تەرەڭدە جاتقان ايتۋلى كۇن الاش بالاسىنا ەتەنە جاقىن.

ءبىز بۇگىن قازاق حالقىن، قازاقستان جۇرتىن وسى ءبىر ايشىقتى مەرەكەمەن قۇتتىقتاپ، وقىرمان تالقىسىنا جاڭا قابىلدانعان «ناۋرىزناما» مەرەكەلىك دەكاداسىنىڭ كۇنتىزبەسىن ۇسىنعاندى ءجون سانادىق.

«ناۋرىزناما» مەرەكەلىك دەكاداسى

ءبىرىنشى كۇن:

ەكىنشى كۇن:

ءۇشىنشى كۇن:

ءتورتىنشى كۇن:

بەسىنشى كۇن:

التىنشى كۇن:

جەتىنشى كۇن:

سەگىزىنشى كۇن:

توعىزىنشى كۇن:

ونىنشى كۇن:

Abai.kz