ۇلتتىق ەكونوميكا مينيسترلىگىنىڭ ازىرلەنىپ بىتكەن كونسۋلتاتيۆتىك قۇجاتىنا تولىقتىرۋلار ەنگىزىلمەك. وندا جەكە تۇلعانىڭ بارلىق وبەكتىلەرىنىڭ جيىنتىق قۇنى 130 مىڭ اەك (2024 جىلى 479 960 000 تەڭگە) شەگىنەن اسىپ كەتكەن جاعدايدا ء"سان – سالتانات" زاتتارىنا سالىق سالۋدى ارتتىرۋ تۋرالى ۇسىنىس جازىلعان. بۇل تۋرالى Abai.kz Ulysmedia.kz.-كە سىلتەمە جاساپ حابارلايدى.

– شەكتەۋلى ادامداردىڭ مەنشىگىندە ياحتالار مەن جەكە ۇشاقتار بار. مىسالى، جەكە تۇلعالاردا 490 ياحتا بار. ياحتالارعا سالىناتىن سالىقتىڭ ەڭ جوعارى سوماسى – شامامەن 190 مىڭ تەڭگە (55 اەك). ستاۆكالاردى كوبەيتۋ ۇسىنىلادى. ياحتالاردىڭ ۇزىندىعىن ەۋروپا ەلدەرىندەگىدەي سالىق مولشەرلەمەسىن انىقتاۋ ءۇشىن قولدانۋعا بولادى (5 مەتردەن استام ءسان-سالتاناتقا جاتادى). مىسالى، گرەكيادا اشىق ياحتالارعا ارنالعان ءسان-سالتانات سالىعى جىلىنا 780 ەۋرودان (383 مىڭ تەڭگە) 2340 ەۋروعا (1 149 مىڭ تەڭگە) دەيىن وزگەرەدى. ال ەگەر ياحتا 12 مەتردەن اسسا، سالىق سوماسى ارتادى، - دەلىنگەن قۇجاتتا.

قۇجاتتا تاعى نە ۇسىنىلادى

قۇجاتقا سايكەس قارالاتىنى:

- ەكونوميكانىڭ ءتۇرلى سەكتورلارىنداعى سارالانعان سالىق ستاۆكالارىنا كوشۋ;

- پروگرەسسيۆتى سالىق سالۋدى ەنگىزۋدى جەدەلدەتۋ;

- ارنايى سالىق رەجيمدەرىن رەفورمالاۋ;

- سالىقتىق اكىمشىلەندىرۋدى جاڭارتۋ;

- ققس قايتارۋ ءراسىمىن جەڭىلدەتۋ.

بۇعان دەيىن بيلىك قازاقستاندىقتاردىڭ جۇزدەگەن ياحتاسى مەن جەكە ۇشاعى تۋرالى ايتقان بولاتىن.

سونىمەن، 490 ياحتا جەكە مەنشىكتە، تاعى 176 ياحتا زاڭدى مەنشىكتە. سونىمەن قاتار، 248 ۇشاق جەكە مەنشىكتە. تاعى 665-ءى زاڭدى تۇلعالارعا تيەسىلى.

ايتا كەتەيىك، بۇعان دەيىن قارجى ءمينيسترى بولعان ەرۇلان جاماۋباەۆ تابىسى جوعارى قازاقستاندىقتار كوبىرەك سالىق تولەي مە دەگەن سۇراققا جاۋاپ بەرگەن بولاتىن. ەلدە جالپىعا بىردەي دەكلاراتسيا ەنگىزىلگەننەن كەيىن ءسان-سالتانات سالىعى قاراستىرىلاتىنى حابارلانعان ەدى.

Abai.kz