بۇگىن تجم باسشىسى شىڭعىس ءارىنوۆ ۇكىمەت وتىرىسىندا الماتى قالاسىنداعى جەر سىلكىنىسى تۋرالى باياندادى.

مينيستر ازاماتتاردىڭ اراسىندا ۇرەي بولدىرماۋ ءۇشىن جەر سىلكىنىسى تۋرالى جانە ودان ءارى حالىقتىڭ ارەكەتتەرى بويىنشا حاباردار ەتۋدى باستادى.

مينيستر بايانداماسىنان:

* سويلەۋ دابىلى، سيرەنا جانە جەرگىلىكتى وبەكتىلەر جۇيەلەرى تارتىلىپ، تەلە، راديو كانالدارى ارقىلى جەتكىزۋ جۇزەگە اسىرىلدى.

* جەدەل شتابتار اشىلىپ، 384 ازاماتتاردى قابىلداۋ پۋنكتى ۇيىمداستىرىلدى، تاۋلىك بويى «جەدەل جەلى» جۇمىس ىستەۋدە.

* عيماراتتاردىڭ قيراعانى تۋرالى مالىمەت تۇسكەن جوق، اكىمدىك ولاردى تەكسەرۋدى جالعاستىرۋدا.

* سەل قاۋپى بار ايماقتارعا تجم تىكۇشاق تەحنيكاسى ارقىلى اۋەدەن كوزبەن شولۋ جاسالدى.

* ءىس-ارەكەت الگوريتمى بويىنشا پوليتسيا قوعامدىق ءتارتىپتى قامتاماسىز ەتۋ ءۇشىن تارتىلعان.

* قازىرگى ۋاقىتتا بارلىق تىرشىلىكتى قامتاماسىز ەتۋ نىساندارى قالىپتى جۇمىس ىستەۋدە. قازىرگى تاڭدا وڭىرلەردەگى جاعداي تۇراقتى.

* 20 اقپاننان باستاپ الماتى ق. ورتالىق اپپارات باسشىلارىنىڭ قۇرامىنان تجم جەدەل توبى ازاماتتاردى توتەنشە جاعدايلارعا دايىنداۋ بويىنشا جۇمىس ىستەۋدە.

* ازاماتتارعا جەر سىلكىنىسى كەزىندەگى ءىس-ارەكەتتەر بويىنشا اۋقىمدى اقپارات جانە ءتۇسىندىرۋ جۇمىستارى جۇرگىزىلىپ، ونىڭ تيىمدىلىگىن كورسەتتى.

* جالپى العاندا توپ 8 مىڭعا جۋىق ءۇي-ءۇيدى ارالاپ، ءبىلىم بەرۋ نىساندارىندا 650-دەن استام ساباق وتكىزدى، ادام كوپ جينالاتىن جەرلەردە اڭگىمەلەسۋلەر جۇرگىزىپ، پاراقشالار تاراتتى.

* تجم حالىق اراسىندا الدىن الۋ جۇمىستارىن جالعاستىرۋدا.

Abai.kz