«ءبىزدىڭ ءدىن جاراتىلىستى زەرتتە» دەيدى تيك توكتان ەكىنشى مولدا... دۇرىس.

...بىراق ماسەلە مىنادا بوپ تۇر:

ادام قازىرگى ءدىن تالابىمەن - اراب ءتىلىن مەڭگەرگەنشە، ودان ءارى - قۇراندى جاتتاپ بىتكەنشە، ودان ءارى - وتتاعان ۋاعىزشىلاردىڭ قاجەت-قاجەت ەمەسىن انىقتاعانشا، ودان ءارى - قاپتاعان ءدىني باعىتتاردان «ءبىر ءتۇزۋ جولىن» تاڭداعانشا، ودان ءارى - اللانىڭ جالعىزدىعىنا كوزى جەتكەنشە - ءوزى دە ءومىرىن اياقتاپ، ولەدى. جاراتىلىستى تانۋ جايىنا قالادى...

ەندەشە، ول وزىنە «وسىلاي ەت» دەگەن اللاسىنىڭ الدىنا «جارتى ادام» بوپ بارادى.

ماسەلە وسىندا بوپ تۇر. قازىر قوعام ءۇشىن نە - ءدىن، نە - ءبىلىم دەگەن تاڭداۋ وتكىر شىقتى:

- ءولۋ ءۇشىن دەسەڭ - ءدىندى تاڭدا،

- ءومىر سۇرەمىن، ءومىردى (ياعني وتباسىمدى، ەلىمدى دەڭىز) باقىتتى ەتەم، كوشتەن قالدىرمايمىن دەسەڭ - ءبىلىمدى تاڭدا.

ءبىلىمدى تاڭداعان - اللاعا «تولىق ادام» بوپ بارادى.

سەبەبى، ناقتىسىندا، ءبىلىم ىشىنە ءدىننىڭ ءوزى كىرىپ كەتەدى.

ءبىلىمدى ادامعا جول جونەكەي «ءدىن ءبىلىمىن» يگەرۋ تۇككە تۇرمايدى، ەش قيىن ەمەس...

سونداقتان، ءتاڭىر ساعان ءومىردى امانات ەتتى، سەبەبى، سەن ادامسىڭ. تاڭىرتەكتەس تىرشىلىك يەسىسىڭ.

ەندەشە، ءوزىڭ دە سەنى جاراتۋشى تاڭىرىڭە لايىق ءومىر سۇرۋگە ءتيىسسىڭ!

ساعان ءتاڭىر سانانى بەكەر بەرگەن جوق قوي – «ءوز ءومىرىن ءوزى جاساي السىن» دەپ بەردى.

بىراق، مىنا مولدانىڭ ايتۋىنشا، «ونىڭ قۇدايى ادامدى تاسادان تۇرىپ كۇتىپ الاتىن قاراقشى ما ەدى» دەپ ويلاپ قالۋعا بولادى ەكەن...

ءابدىراشيت باكىرۇلىنىڭ جازباسى

Abai.kz