اقتاۋ قالاسىنىڭ 16 شاعىناۋدانىنداعى «اقتاۋ» ساۋدا-كوڭىل كوتەرۋ كەشەنىنىڭ اۋدانىندا, بۇرىنعى ۇلۋ تاس كارەرىنىڭ ورنىندا «تريۋمف» تۇرعىن ءۇي كەشەنىن سالۋ جوباسى مەن وبلىس ورتالىعىنىڭ 29 شاعىناۋدانىندا, «نۇر پلازا» قوناقۇيىنىڭ قارسى بەتىندە مەيمانحاناسى مەن مەيرامحاناسى بار بيزنەس ورتالىعىن سالۋ جوباسى قارالىپ, تالقىلاندى. 

اقتاۋ قالاسىنىڭ 16 شاعىناۋدانىنداعى «اقتاۋ» ساۋدا-كوڭىل كوتەرۋ كەشەنىنىڭ اۋدانىندا, بۇرىنعى ۇلۋ تاس كارەرىنىڭ ورنىندا «تريۋمف» تۇرعىن ءۇي كەشەنىن سالۋ جوباسى مەن وبلىس ورتالىعىنىڭ 29 شاعىناۋدانىندا, «نۇر پلازا» قوناقۇيىنىڭ قارسى بەتىندە مەيمانحاناسى مەن مەيرامحاناسى بار بيزنەس ورتالىعىن سالۋ جوباسى قارالىپ, تالقىلاندى. 

«تريۋمف» تۇرعىن ءۇي كەشەنىن سالۋ جوباسىمەن جوبانىڭ باس ينجەنەرى نۇربولات سەيتەن تانىستىردى. جاڭا كەشەندە 7 گەكتار اۋدانعا ەكونوم-كلاستاعى 6 قاباتتى 17 تۇرعىن ءۇي سالىناتىن بولادى، مۇندا بارلىعى 340 پاتەر پايدالانىلۋعا بەرىلەدى، تۇرعىن ۇيلەردىڭ ءاربىر قاباتىندا اقتاۋ قالاسى تۇرعىندارى ءۇشىن 1,2,3 جانە 4 بولمەلى 4 پاتەر سالىنادى، پاتەرلەردىڭ ءاربىر شارشى مەترى تۇرعىندارعا 1800 اقش دوللارىنان استام نارىقتىق باعامەن ساتىلادى. تۇرعىن ۇيلەردە اۆتوكولىكتەر ۇشىن جەراستىلىق اۆتوتۇراقتار مەن ءۇي جانىنداعى اۆتوتۇراقتار بولادى.

سونىمەن قاتار جاڭا اۋداندا بيزنەس ورتالىعى، 500 ورىنعا ارنالعان مەيرامحانا جانە 100 بالاعا ارنالعان بالاباقشا سالىنادى. تۇرعىن ءۇي كەشەنىندە پارك، گۇل الاڭدارى مەن سكۆەرلەر جاسالىپ، جاڭا اۋدان قازىرگى تالاپتارعا ساي كوگالداندىرىلادى.

قازىر «تريۋمف» تۇرعىن ۇي كەشەنىنىڭ جوبالىق-سمەتالىق قۇجاتتاماسى جاسالۋ ۇستىندە. ونىڭ قۇرىلىس جۇمىستارى الداعى جىلدىڭ كوكتەمىندە باستالادى. 2014 جىلدىڭ وزىندە جوبا بويىنشا ەكى تۇرعىن ءۇي پايدالانىلۋعا بەرىلەدى دەپ جوسپارلانىپ وتىر.

 جاڭا كەشەن بەس جىلدىڭ ىشىندە سالىنىپ بىتەدى.

تانىستىرۋ بارىسىندا جوبانىڭ باس ينجەنەرى نۇربولات سەيتەن مەن «تريۋمف» تۇرعىن ءۇي كەشەنىن سالاتىن «HIGHWILL» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى ءالىم بايقوجاەۆ كەڭەس مۇشەلەرىنىڭ جوباعا بايلانىستى ساۋال-سۇراقتارىنا جاۋاپ بەردى. 

 وبلىستىق ساۋلەت-قالا قۇرىلىسى كەڭەسىنىڭ مۇشەلەرى جوبانى جان-جاقتى تالقىلاعاننان كەيىن تۇرعىن ۇي كەشەنى جوباسىن ىسكە اسىرۋعا قولداۋ ءبىلدىردى.

 سونىمەن قاتار كەڭەستە قۇرىلىس سالۋشىنىڭ وكىلى باقتيار الجانوۆ اقتاۋ قالاسىنىڭ 29 شاعىناۋدانىندا مەيمانحاناسى مەن مەيرامحاناسى بار بيزنەس ورتالىعىن سالۋ جوباسىمەن تانىستىردى.

 الايدا جوبا تەحنيكالىق شارتتار تولىق ساقتالماعاندىقتان كەڭەس مۇشەلەرىمەن جەتىلدىرىلۋگە جىبەرىلدى

Abai.kz