اكادەميك قانىش ساتپاەۆتىڭ 125 جىلدىعى مەرەيتويى اياسىندا قازاقستان رەسپۋبليكاسى ونەركاسىپ جانە قۇرىلىس مينيسترلىگىنە قاراستى گەولوگيا كوميتەتى مەن عىلىم جانە جوعارى ءبىلىم مينيسترلىگىنە قاراستى  «ق.ي. ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى» كەاق بىرلەسۋىمەن تۇڭعىش رەت ەلىمىزدىڭ پەتروگرافيالىق جانە  ستراتيگرافيكالىق كودەكسى جارىققا شىقتى.

قازاقستان رەسپۋبليكاسى پەتروگرافيالىق كودەكسى: گەولوگيا سالاسىنىڭ الەمدىك قازىرگى جەتىستىكتەرى مەن قالىپتاسقان داستۇرلەرىن ەسكەرە وتىرىپ قۇراستىرىلعان. بۇل رەسپۋبليكانىڭ پەتروگرافيالىق قىزمەتىنىڭ جۇمىسىن ۇيىمداستىرۋدى جانە بىرىزدەندىرۋدى قامتاماسىز ەتەتىن، گەولوگيالىق جۇمىستاردىڭ بارلىق تۇرلەرىن دۇرىس جۇرگىزۋگە ىقپال ەتەتىن جانە گەولوگيالىق كارتالار مەن قۇجاتتاردىڭ ساپاسىن ارتتىراتىن نورماتيۆتىك گەولوگيالىق قۇجات. اتالعان كودەكس حالىقارالىق گەولوگيا عىلىمدارى وداعىنىڭ ۇسىنىستارىن ەسكەرە وتىرىپ  الەمدىك تاجىريبەگە نەگىزدەلگەن. كودەكستە اقش پەن ۇلىبريتانيا ەلدەرىنىڭ كودەكس قۇراستىرۋ تاجىريبەسى مەن ماتەريالدارى تالداندى.

قازاقستان رەسپۋبليكاسى ستراتيگرافيالىق كودەكسى: گەولوگيانىڭ قازىرگى جەتىستىكتەرىن جانە قالىپتاسقان ءداستۇردى ەسكەرە وتىرىپ جاسالدى. ول رەسپۋبليكانىڭ ستراتيگرافيالىق قىزمەتى جۇمىسىن ۇيىمداستىرۋدى جانە بىرىزدەندىرۋدى قامتاماسىز ەتەتىن، گەولوگيالىق جۇمىستاردىڭ بارلىق تۇرلەرىن تيىسىنشە جۇرگىزۋگە ىقپال ەتەتىن جانە گەولوگيالىق كارتالار مەن قۇجاتتاردىڭ ساپاسىن ارتتىراتىن نورماتيۆتىك گەولوگيالىق قۇجات بولىپ تابىلادى. قازاقستان گەولوگيالىق قۇرىلىسىنىڭ ەرەكشەلىكتەرىن ەسكەرە وتىرىپ، عىلىمي زەرتتەۋ جانە دالالىق گەولوگيالىق ماتەريالداردى پايدالانىپ جاسالدى. قازاقستان اۋماعىندا گەولوگيالىق جۇمىستاردىڭ بارلىق تۇرلەرىن جۇرگىزۋ كەزىندە تەرميندەر مەن اتالىمداردىڭ مازمۇنىن ايقىندايتىن بىرىڭعاي قاعيدالاردى قولدانۋدى قامتاماسىز ەتەدى.

قازاقستان رەسپۋبليكاسى اۋماعىنداعى بارلىق مەكەمەلەر گەولوگيالىق بارلاۋ جۇمىستارىنىڭ كەز كەلگەن ءتۇرىن جۇرگىزگەن كەزدە وسى پەتروگرافيالىق جانە ستراتيگرافيالىق كودەكستىڭ تالاپتارى قولدانىلادى.

قر ونەركاسىپ جانە قۇرىلىس مينيسترلىگىنىڭ ءباسپاسوز قىزمەتى

Abai.kz