باس پروكۋرور بەرىك اسىلوۆتىڭ «كازاحستانسكايا پراۆدا» جانە «ەگەمەن قازاقستان» جالپىۇلتتىق گازەتتەرىندە سۇحباتى جاريالاندى.

سىلتەمە ارقىلى ءوتىپ سۇحباتپەن ونلاين تانىسۋعا بولادى، تاقىرىبى: «بەرىك اسىلوۆ: ينۆەستيتسيالىق جوبالاردى قورعاۋ – ماڭىزدى مىندەت».

باس پروكۋرور: «جاڭا ادىستەردى ەنگىزۋ بويىنشا ءبىز تاسىلدەردى جەتىلدىرۋ ءۇشىن جۇمىس ىستەيمىز. بۇل پروتسەستە ينۆەستورلاردىڭ وزدەرى ۇلكەن ءرول اتقارادى.

ولاردىڭ ۇسىنىسى بويىنشا ينۆەستيتسيالىق شتابتىڭ شەشىمىمەن «پروكۋرورلىق سۇزگى» دەپ اتالاتىن ينۆەستيتسيالىق جوبالار بويىنشا جاڭا قۇرال ەنگىزىلدى.

ەندى ينۆەستورلار ءۇشىن اۋىرتپالىق سالدارعا اكەپ سوعاتىن مەملەكەتتىك ورگاندار مەن ۇلتتىق كومپانيالاردىڭ كەز كەلگەن تىيىم سالۋ-شەكتەۋ جانە وزگە دە شەشىمدەرى پروكۋرورلارمەن كەلىسۋگە جاتادى»، - دەيدى.

بەرىك اسىلوۆ: «حالىقارالىق تاجىريبەنى ەسكەرە وتىرىپ، ينۆەستورلار ۇسىنعان بىرقاتار شارالار ەنگىزىلدى، ال جەكەلەگەن شارالاردى ءبىز ۇكىمەتپەن ىنتىماقتاستىقتا پىسىقتاپ جاتىرمىز.

وتكەن جىلى ءبىز ينۆەستوردىڭ جوبانى ىسكە اسىرۋعا قاجەتتى بارلىق راسىمدەردەن جەدەل ءوتۋى ءۇشىن «جاسىل ءدالىز» دەپ اتالاتىن Fast Track ينۆەستيتسيالىق جوبالارىن قولداۋ جۇيەسىن ەنگىزۋدى ۇسىندىق. بۇگىندە بۇل ءۇشىن ءتيىستى ەرەجەلەر ازىرلەنۋدە.

باستاپقى كەزەڭدە «جاسىل» سەكتوردا Fortune Global 500 تىزىمىندەگى الەمدىك برەندتەر مەن جوعارى تەحنولوگيالىق كومپانيالار بولادى دەپ بولجانۋدا»، - دەيدى.

Abai.kz