بۇگىن ۇكىمەتتە قر پرەمەر-ءمينيسترى   س.ن.احمەتوۆتىڭ توراعالىعىمەن  «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ  كەزەكتى  وتىرىسى ءوتتى
               ديرەكتورلار كەڭەسى Delloitte كومپانياسى  حولدينگتىڭ تاپسىرىسىمەن  جۇرگىزگەن  10 ەنشىلەس كومپانيانىڭ اعىماعى قارجىلىق احۋالىن دياگنوستيكالاۋ قورىتىندىلارىن قاراستىردى.
           جەتىستىكتەرمەن قاتار، ءاربىر كومپانيانىڭ  جۇمىسىنداعى  جۇيەلى سيپاتتاعى ماردىمدى كەمشىلىكتەر دە انىقتالدى. ولاردىڭ اراسىندا بەرىلگەن نەسيەلەر مەن ينۆەستيتسيالار، تۇيىتكىلدى اكتيۆتەر سىندى  وتكەن جىلداردان قوردالانىپ قالعان ماسەلەلەر  بار. دياگنوستيكا  ناتيجەلەرى بويىنشا ديرەكتورلار كەڭەسى دامۋ ينستيتۋتتارىنداعى تاۋەكەل جۇيەسى، ولاردىڭ جاريالىلىعى، بولىنگەن بيۋدجەتتىك قاراجاتتىڭ ءتيىمدى پايدالانىلۋى تۋرالى قورىتىندىلار جاسادى. ديرەكتورلار كەڭەسىنىڭ قاراۋىنا ءاربىر قارجى ينستيتۋتىنىڭ جۇمىسىن جاقسارتۋعا باعىتتالعان جوسپار ۇسىنىلدى.
            الدىن-الا مالىمەت بويىنشا، قارجى ينستيتۋتتارىن «بايتەرەك» حولدينگىنە شوعىرلاندىرىپ، قارجى رەسۋرستارىن باسقارۋدى ۇيلەستىرۋ ارقىلى مەملەكەت  جىل سايىن 15 ملرد تەڭگە قارجى ۇنەمدەيدى.

بۇگىن ۇكىمەتتە قر پرەمەر-ءمينيسترى   س.ن.احمەتوۆتىڭ توراعالىعىمەن  «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ  كەزەكتى  وتىرىسى ءوتتى
               ديرەكتورلار كەڭەسى Delloitte كومپانياسى  حولدينگتىڭ تاپسىرىسىمەن  جۇرگىزگەن  10 ەنشىلەس كومپانيانىڭ اعىماعى قارجىلىق احۋالىن دياگنوستيكالاۋ قورىتىندىلارىن قاراستىردى.
           جەتىستىكتەرمەن قاتار، ءاربىر كومپانيانىڭ  جۇمىسىنداعى  جۇيەلى سيپاتتاعى ماردىمدى كەمشىلىكتەر دە انىقتالدى. ولاردىڭ اراسىندا بەرىلگەن نەسيەلەر مەن ينۆەستيتسيالار، تۇيىتكىلدى اكتيۆتەر سىندى  وتكەن جىلداردان قوردالانىپ قالعان ماسەلەلەر  بار. دياگنوستيكا  ناتيجەلەرى بويىنشا ديرەكتورلار كەڭەسى دامۋ ينستيتۋتتارىنداعى تاۋەكەل جۇيەسى، ولاردىڭ جاريالىلىعى، بولىنگەن بيۋدجەتتىك قاراجاتتىڭ ءتيىمدى پايدالانىلۋى تۋرالى قورىتىندىلار جاسادى. ديرەكتورلار كەڭەسىنىڭ قاراۋىنا ءاربىر قارجى ينستيتۋتىنىڭ جۇمىسىن جاقسارتۋعا باعىتتالعان جوسپار ۇسىنىلدى.
            الدىن-الا مالىمەت بويىنشا، قارجى ينستيتۋتتارىن «بايتەرەك» حولدينگىنە شوعىرلاندىرىپ، قارجى رەسۋرستارىن باسقارۋدى ۇيلەستىرۋ ارقىلى مەملەكەت  جىل سايىن 15 ملرد تەڭگە قارجى ۇنەمدەيدى.
              سونىمەن قاتار، حولدينگ ءوزىنىڭ ەنشىلەس مەكەمەلەرىنىڭ ينۆەستيتسيالىق بەلسەندىلىگىن ارتتىرۋ ارقىلى بولاشاقتا ۇلتتىق ەكونوميكاعا ءىرى ينۆەستيتسيالىق جوبالار مەن شاعىن جانە ورتا كاسىپورىنداردى قارجىلاندىرۋعا 4 ملرد دوللار قارجى تارتۋدى كوزدەپ وتىر. قازىرگى تاڭدا «بايتەرەك» حولدينگى ءتيىستى شارالار جوسپارىن جاساۋدا.
                 وتىرىستا ءۇش اكتسيونەرلىك قوعامنىڭ اكتسيا پاكەتتەرىن حولدينگتىڭ جارعىلىق كاپيتالىنا بەرۋ ماسەلەسى قارالدى. ولار: «قازاقستان دامۋ بانكى» اق; «قازاقستان يپوتەكالىق كومپانياسى» اق;  «قازاقستان يپوتەكالىق نەسيەلەردى كەپىلدەندىرۋ قورى» اق. بۇل كومپانيالار وسى ۋاقىتقا دەيىن حولدينگتىڭ سەنىمدى باسقارۋىندا بولعان. تاعى جەتى قارجى ينستيتۋتى حولدينگ مەنشىگىنە بيىلعى جىلدىڭ تامىز ايىندا وتكەن بولاتىن.   
«بايتەرەك» ۇلتتىق باسقارۋشى حولدينگى» اق قازاقستان رەسپۋبليكاسى پرەزيدەنتىنىڭ 2013 جىلعى 22 مامىرداعى جارلىعىنا سايكەس قۇرىلدى. حولدينگتىڭ ماقساتى  ەكونوميكانى ديۆەرسيفيكاتسيالاۋعا ىقپال ەتۋ،  ينۆەستيتسيا تارتۋ، كلاستەرلەردى دامىتۋ، ءوزىنىڭ ەنشىلەس كومپانيالارىندا كورپوراتيۆتىك باسقارۋ جۇيەسىن جەتىلدىرۋ بولىپ تابىلادى. حولدينگتىڭ  جارعىلىق كاپيتالىنا  «قازاقستان دامۋ بانكى» اق; «قازاقستان ينۆەستيتسيالىق قورى» اق، «قازاقستان تۇرعىن ءۇي قۇرىلىس جيناق بانكى» اق، «قازاقستان يپوتەكالىق كومپانياسى» اق،  «قازەكسپورتگارانت» اق، «دامۋ» كاسىپكەرلىكتى قولداۋ قورى» اق،  «تەحنولوگيالىق دامۋ جونىندەگى ۇلتتىق اگەنتتىك» اق، «قازاقستاندىق يپوتەكالىق نەسيەلەردى كەپىلدەندىرۋ قورى» اق; «KazynaCapitalMenegmant» اق، «سترەسستىك اكتيۆتەر قورى» اق  سىندى  مەملەكەتتىك قارجى ينستيتۋتتارى بەرىلگەن.
 «بايتەرەك» ۇبح» اق ءباسپاسوز قىزمەتى:  8 7172  91 92 04

اباي-اقپارات