«جول اكتيۆتەرى ساپاسىنىڭ ۇلتتىق ورتالىعى» رمك بيىل بيزنەس پروتسەسستى تسيفرلىق جۇيەگە اۋىستىرۋ بويىنشا كوپ جۇمىس اتقاردى. بۇل ارقىلى ۋاقىت پەن قارجى ۇنەمدەپ جەمقورلىق تاۋەكەلدەرىنىڭ الدىن الدى.   

جالپى كومپانيا جول ينفراقۇرىلىمىنىڭ ساپاسى مەن تيىمدىلىگىن جاقسارتۋعا باعىتتالعان يننوۆاتسيالىق جوبالاردى ازىرلەۋ جانە قولدانىسقا ەنگىزۋمەن اينالىسادى. كومپانيا ماماندارى سوڭعى جىلدارى ازىرلەپ قولدانىسقا ەنگىزگەن جوباسىنىڭ ءبىرى – «KazRoadLab».

جاسۇو اقپاراتتىق تەحنولوگيالار جونىندەگى باسقارۋشى قايرات نۇرتاەۆ: «ءبىزدىڭ ماماندار «KazRoadLab» ءموبيلدى قوسىمشاسىن پايدالانادى. بۇل باعدارلاما جۇمىس ورنىندا دەرەكتەردى جيناۋعا جانە ءدال سول ۋاقىتتا ورىندالعان جۇمىستار اكتىلەرىن تولتىرۋعا، سىناق ناتيجەلەرى تۋرالى دەرەكتەردى ەنگىزۋگە، اكتىلەردى فوتوعا تۇسىرۋگە جانە تىركەۋگە، ساراپتاما ناتيجەلەرىن ءموبيلدى قۇرىلعىلاردان ورتالىق پورتالعا جىبەرۋگە مۇمكىندىك بەرەدى. «KazRoadLab» باعدارلاماسى جول سالاسىنىڭ ينجەنەرلەرى ءۇشىن تاپتىرماس قۇرالعا اينالدى. بۇل جۇمىستىڭ تيىمدىلىگىن ارتتىرۋعا ىقپال ەتەدى، سونىمەن قاتار جول وبەكتىلەرىن تەزىرەك جانە ساپالى تەكسەرۋدى جانە جوندەۋدى قامتاماسىز ەتەدى»،- دەيدى.

اتالعان جۇمىستار بۇرىن قولمەن ىستەلگەن. ەندى بۇل جۇمىستىڭ بارلىعى تسيفرلاندىرىلدى. ياعني سىناما ناتيجەلەرىن وزگەرتۋ مۇلدەم مۇمكىن ەمەس. جولدان سىناما رەتىندە الىعان كەسكىندەرگە QR سكانەرلەۋ كودتارىن جاپسىرۋدا قولعا الىندى. بۇل ساپا ورتالىعىنىڭ كەلەسى يننوۆاتسيالىق شەشىمى. QR كودتارى ارقىلى نەگىزگى اقپاراتقا جىلدام قول جەتكىزۋگە بولادى.

جاسۇو-نىڭ كەلەسى تىڭ جوباسى - ۆەدومستۆولىق ساراپتاما پورتالى. بۇل جۇمىس پروتسەسىن جەڭىلدەتەدى جانە جول جوبالارىنداعى تەحنيكالىق كەمشىلىكتەر مەن تاۋەكەلدەردى تەز جانە سەنىمدى انىقتايدى.

«ۆسپ-بۇل اۆتوموبيل جولدارىن ورتاشا جوندەۋ ءۇشىن تەحنيكالىق قۇجاتتامادا قابىلداناتىن شەشىمدەردىڭ نەگىزدىلىگىن ارتتىرۋ ماقساتىندا ساراپتاما نىساندارىنا تالدامالىق باعا بەرۋگە باعىتتالعان ءىس - قيمىلدارىنىڭ اۆتوماتتاندىرىلعان جۇيەسى»،- دەيدى جاسۇو اقپاراتتىق تەحنولوگيالار جونىندەگى باسقارۋشى قايرات نۇرتاەۆ.

جاسۇو اقپاراتتىق تەحنولوگيالار ءبولىمى باس مامانى كيريلل گرينەنكو ۆيرتۋالدى ترەناجەر ازىرلەدى. بۇل قىزمەتكەردىڭ كاسىبي بىلىگىن ارتتىرۋ مەن ءبىلىمىن جەتىلدىرۋگە كومەك قۇرالى. ارنايى كوزىلدىرىك ارقىلى مامان ۆيترۋالدى تۇردە كۇندەلىكتى جۇمىس پروتسەسىن اتقارادى.

«ترەناجەر زەرتحانا ينجەنەرلەرىنە جول زەرتتەۋلەرى مەن تەحنيكالىق ساراپتاما سالاسىنداعى داعدىلاردى جەتىلدىرۋگە كومەكتەسەدى. وقىتۋدىڭ بۇل ءتاسىلى قىزمەتكەرلەردىڭ كاسىبي دەڭگەيىن جانە جول جۇمىستارىنىڭ ساپاسىن ارتتىرۋعا ىقپال ەتەدى»، - دەيدى كيريلل.

جول اكتيۆتەرى ساپاسىنىڭ ۇلتتىق ورتالىعى جول سالاسىن تسيفرلاندىرۋدى دامىتۋعا ەلەۋلى ۇلەس قوسادى. ونىڭ يننوۆاتسيالىق جوبالارى جولدار مەن جول قوزعالىسى قاۋىپسىزدىگىن جاقسارتادى جانە ۇيىمنىڭ ىشكى پروتسەستەرىن وڭتايلاندىرادى.

Abai.kz