سەيسەنبى, 21 مامىر 2024
قۇيىلسىن كوشىڭ 2524 2 پىكىر 26 جەلتوقسان, 2023 ساعات 15:08

قانداسقا «قانداس» دەگەن كۋالىكتىڭ نە كەرەگى بار؟

قۇرمەتتى اعايىن!

بۇل سۇراق كۇلكىلى كورىنۋى مۇمكىن، بىراق بۇل ءدال قازىر كوز الدىمىزدا بولىپ جاتقان قازاققا قارسى جاسالعان سوراقى ءىستىڭ ءبىرى. وسى جىلى قىتايمەن شەكارا اشىلعان سوڭ، سونداعى قازاقتىڭ ءبىرازى ەلگە كەلدى، تالاي قيىندىق كورىپ، توقسان تەسىكتەن ءوتىپ: «ەلىمە كەلدىم»، - دەپ قۋانعان قانداستاردىڭ قۋانىشى سۋ سەپكەندەي باسىلىپ، ۇزاققا بارماي تۇر.

«ويباي، «ورالمان» دەگەن جامان ءسوز بۇدان كەيىن «قانداس» بولسىن» دەگەن قازاقستاننىڭ قانداستارعا جاساعان سىيى وسى بولسا، قۇدايدىڭ اتقانى وسى شىعار. «قانداستار» دەپ اتاپ تۇرىپ، «قانداس» دەگەن كۋالىك بەرمەگەن دەگەن نە سۇمدىق؟ قانداسقا «قانداس» دەگەن كۋالىكتىڭ نە كەرەگى بار؟ بۇل ادامعا «ادام» دەگەن كۋالىك بەرگەنمەن بىردەي عوي...

قانداستارعا ازاماتتىق بەرسە بولدى، سول «قانداس» دەگەن تۇككە پايداسى جوق ءبىر پاراق قاعازدىڭ كەرەگى دە جوق ەدى. كەرىسىنشە، «ازاماتتىق الۋ ءۇشىن الدىمەن «قانداس» دەگەن كۋالىكتى الۋ كەرەك» دەگەن ءپاتۋا شىعارىپ قويعان. ال «قانداس» دەگەن كۋالىكتى الۋ ءۇشىن قازاقستاندا «تىكە تۋىسقانىڭ بولۋ كەرەك» دەگەن تاعى ءبىر تالاپ بار. مۇنداي قازاققا قاستاندىق جاسايتىن، قيتۇرقى زاڭداردى كىم شىعارادى؟

100-گە تارتا دەپۋتاتتىڭ سول زاڭدى تالقىلاپ جاتقاندا: «بۇل دۇرىس ەمەس»، - دەپ بىرەۋى ايتپاي ما ەكەن؟..  قازاقستاندا تۋىسقانى جوق، شەتەلدەگى قازاقتار قازاقستانعا كەلە الماي ما؟ تۋىسى جوق بولسا، ازاماتتىق الا الماي ما؟

بۇل ماسەلە تۋرالى وسى جىلدىڭ باسىنان بەرى گۇلنۇر ءتالىم اپكەمىز «ۆاتساپتان» 7-8 توپ قۇرىپ، وسى ماسەلەمەن باسى قاتقان 7-8 مىڭ حالىقتى جيناپ، ءبىر ەمەس، 6 رەت ءباسپسوز ماسليحاتىن وتكىزدى. اۋدان، وبلىس، ءتىپتى، استاناعا بارىپ، مينيسترلىكتەرگە دەيىن حات كىرگىزدى. دەپۋتات ەرمۇرات باپي،  ماقسات تولىقبايدى شاقىرىپ، حالىقتىڭ مۇڭ زارىن جەتكىزدى دە، ءوتىندى دە، قولدارىنا قۇجاتتى ۇستاتتى دا. بىراق بۇل ماسەلە ءالى سول قالپىندا. سوندا ءبىر جاپراق «قانداس» كۋالىكتى شەشە الماي جاتقان بيلىك، قالاي ازاماتتىق بەرەدى؟

بۇگىن وسى ماسەلە تۋرالى (نەگىزى 3 ۇلكەن ماسەلە) قازاقستان پارلامەنت دەپۋتاتى قازىبەك يسا اعامىزدىڭ اتىنا گۇلنۇر اپكە ەكۋمىز حات جازىپ، استىنا وسى ۋاقىتقا دەيىن بۇل ماسەلەلەر تۋرالى ارىز جازعان 440 ادامنىڭ قولىن جيناپ قوسىپ، پارلامەنتكە «ءوتىنىش.كز» سايتى ارقىلى جىبەردىك. وسى ماسەلەنى قازىبەك اعامىز اياعىنا دەيىن جەتكىزەدى دەپ سەنەمىز...

قىدىرالى ورازۇلى

Abai.kz

2 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2244
ادەبيەت

«سولاي ەمەس پە؟»

عابباس قابىشۇلى 2598
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2566
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1687