مۇحتار كارىباي. سوڭعى سامۋراي
Abai.kz cايتىندا جاريالانعان «سوڭعى سامۋراي» (http://old.abai.kz/content/songy-camurai) ماقالاسىن وقىپ، ءبىراز كۇن ۇلكەن اسەردە بولدىق. جاپون سولداتىنىڭ ەرلىگى مەن م.اۋەزوۆتىڭ «قاراش-قاراش وقيعاسى» شىعارماسىنىڭ باس كەيىپكەرى باقتىعۇلدىڭ قيمىلىنان كوپ ۇقساستىق كورىندى. وسى ويدان تۋعان شاعىن باللادانى وقىرمان نازارىنا ۇسىنىپ وتىرمىن.
قۇرمەتپەن،
مۇحتار كارىباي
تاشكەنتتەگى قازاق ەلشىلىگى
سوڭعى سامۋراي
نەمەسە سوعىستان كەيىن وتىز جىل شايقاسقان
جاپون سولداتى تۋرالى باللادا
وتىز جىل قىرعىن سوعىس بىتكەنىنە،
ادامزات بەيبىت كۇندەر كەشكەنىنە،
سوعىسىپ جۇرە بەردى جالعىز سولدات،
مايداننىڭ توقتاعانىن بىلمەدى دە
ونودا – ونىڭ اتى، جاپون ۇلى،
فيليپپين نۋ ورمانى - جۇرگەن جەرى
«قاسىق قانىڭ قالعانشا شايقاساسىڭ»،-
كوماندير قاتالدىقپەن دەپ بۇيىردى
مايور كەتتى حابارسىز، بۇيرىق قالدى،
بارار جەر باسار تاۋى تۇيىقتالدى.
كۇرەسىن جالعاستىردى سوندا داعى،
قاس جاۋىنگەر ءتارتىپتى بۇزا المادى
توسەك قىلىپ ورماننىڭ توپىراعىن،
جاستانىپ، جامىلعى ەتىپ جاپىراعىن.
ونودا – سوڭعى سارباز، انتقا بەرىك،
باپتايدى كۇندىز-ءتۇنى وق جاراعىن
Abai.kz cايتىندا جاريالانعان «سوڭعى سامۋراي» (http://old.abai.kz/content/songy-camurai) ماقالاسىن وقىپ، ءبىراز كۇن ۇلكەن اسەردە بولدىق. جاپون سولداتىنىڭ ەرلىگى مەن م.اۋەزوۆتىڭ «قاراش-قاراش وقيعاسى» شىعارماسىنىڭ باس كەيىپكەرى باقتىعۇلدىڭ قيمىلىنان كوپ ۇقساستىق كورىندى. وسى ويدان تۋعان شاعىن باللادانى وقىرمان نازارىنا ۇسىنىپ وتىرمىن.
قۇرمەتپەن،
مۇحتار كارىباي
تاشكەنتتەگى قازاق ەلشىلىگى
سوڭعى سامۋراي
نەمەسە سوعىستان كەيىن وتىز جىل شايقاسقان
جاپون سولداتى تۋرالى باللادا
وتىز جىل قىرعىن سوعىس بىتكەنىنە،
ادامزات بەيبىت كۇندەر كەشكەنىنە،
سوعىسىپ جۇرە بەردى جالعىز سولدات،
مايداننىڭ توقتاعانىن بىلمەدى دە
ونودا – ونىڭ اتى، جاپون ۇلى،
فيليپپين نۋ ورمانى - جۇرگەن جەرى
«قاسىق قانىڭ قالعانشا شايقاساسىڭ»،-
كوماندير قاتالدىقپەن دەپ بۇيىردى
مايور كەتتى حابارسىز، بۇيرىق قالدى،
بارار جەر باسار تاۋى تۇيىقتالدى.
كۇرەسىن جالعاستىردى سوندا داعى،
قاس جاۋىنگەر ءتارتىپتى بۇزا المادى
توسەك قىلىپ ورماننىڭ توپىراعىن،
جاستانىپ، جامىلعى ەتىپ جاپىراعىن.
ونودا – سوڭعى سارباز، انتقا بەرىك،
باپتايدى كۇندىز-ءتۇنى وق جاراعىن
باسقىنشىلىق سوعىستىڭ اقىرى ايان،
كۇش-جىگەر، ارپالىسىڭ ءبارى زايا.
جاپونيا مايداندا تىزە بۇكتى،
اتومنان ميلليوندارى كوزىن جۇمعان
ورلىك، نامىس، قايسارلىق جەتەلەگەن،
قايمىقپاي ماقساتىما جەتەم دەگەن،
ونودا، باقتىعۇلدىڭ سىڭارى ما ەڭ،
قاراشتىڭ قۇز-شىڭدارىن مەكەندەگەن
وتىز جىل سودان بەرى جىلجىپ وتكەن،
مايور دا تابىلىپتى سوناۋ كەتكەن
«ونودا، ءبىز جەڭىلدىك، تاستا قارۋ»،-
دەپ ساربازعا سوڭعى رەت بۇيرىق ەتكەن
«قالايشا»، - دەپ جاۋىنگەر ەڭىرەدى،
جەڭىسكە جەتەرىنە سەنىمدى ەدى.
ءۇمىتى الداماپتى قارت ساربازدى
الەمگە اتى ءمالىم ەلىن كوردى
ەي، ونودا – ءىنىسى باقتىعۇلدىڭ،
قايراعان رۋحىمدى – قوس تۇعىرىم،
بابالار مۇراتىنان اينىماعان،
اق جولىن مەنىڭ دە ەلىم تاپتى بۇگىن!
تاشكەنت، 30.09.2013 ج.
Abai.kz
