اسپاننان جەرگە قۇلاۋ دەگەن ۇعىم كەزىندە داۋرەنى ءجۇرىپ تۇرعان كارىم ماسىموۆكە قاتىستى ايتىلعانداي. 2022 جىلدىڭ 6 قاڭتارىندا ءانۋار سادىقۇلوۆ، داۋلەت ەرعوجين جانە مارات وسيپوۆ سياقتى ءۇش بىردەي ورىنباسارىمەن بىرگە پەندە بولىپ, قولعا تۇسكەن جانعا تاعىلعان ايىپتاردى سانامالاپ كەرەگى جوق. ونى سوتتاۋ، كىناسىن مويىنداتۋ ۇزاققا سوزىلدى.

بىراق 2023 جىلدىڭ ساۋىرىندە ءبىز ءسوز ەتكەن ورىنباسارلارى 3-تەن 16 جىلعا دەيىن، ال، كارىم ءماسىموۆ 18 جىلعا دەيىن باس بوستاندىعىنان ايىرىلدى. ەستەرىڭىزدە بولار، سوت جابىق جاعدايدا ءوتتى. ايىپتاۋشىلار قۇدايداي سەنگەن اپەللياتسيا دا وپا اپەرمەدى.

سونىمەن ءبارى بىتكەندەي كورىندى بىراق، ماسىموۆكە تونگەن قارا بۇلت سەيىلمەيدى. كەرىسىنشە بۇرىنعىدان بەتەر قويۋلانا ءتۇستى. ويتكەنى، قازاق ەلىن بۇگىنگى ءدۇر سىلكىنتكەن وقيعا – «قاسىرەتتى قاڭتاردان» كەيىن باستى كۇناھار دەپ تابىلعان ءھام قىلمىسى ءۇشىن سوتتالعان قر ۇقق بۇرىنعى باسشىسىنىڭ 14 قاراشا كۇنى ۇستىنەن قايىرا ءىس قوزعالۋى بولىپ وتىر.

اكەجان قاجىگەلدين سياقتى وپپازيتسياعا كەتپەي، نۇرسۇلتان نازارباەۆتى ساعالاپ قالعانى كارىمدى وپىق جەگىزدى دەگەنىمىز وسى سياقتى. كەزىندە جالعاندى جالپاعىنان باسقان جان ەندى، استانانىڭ ۋاقىتشا تەرگەۋىندە جاڭا ايىپ بويىنشا قۇنكەر بولىپ وتىر.

بۇرىنعى پرەمەر-مينيسترگە، ۇقق-نىڭ بۇرىنعى باستىعىنا تاعىلىپ وتىرعان ايىپ تا سالماقتى. مۇلىكتى جەكەشەلەندىرۋ ءۇشىن پارا العان. بۇل تۋرالى ۇقك ءباسپاسوزى ماعۇلىم ەتتى.

قىل تۇزاق مويىنا تۇسكەن ءماسىموۆ جازاسىنىڭ ۇستىنە جازا ارقالايتىن سياقتى. قازىرگى احۋالعا سالىپ، باعامداساق، ءماسىموۆتى ەشبىر ادۆوكات اقتاپ الا الامايدى.

بۇنى قازاق «مىڭ اسقانعا ءبىر توسقان» دەيدى.

Abai.kz