سەنبى, 2 ناۋرىز 2024
ساڭلاق 2794 0 پىكىر 30 قازان, 2023 ساعات 14:27

قازاقستان ازيا پارا ويىندارىن اياقتادى: ناتيجە قانداي؟

قازاقستان حانچجوۋ-2022 IV ازيا پارا ويىندارىن اياقتادى. بايراقتى باسەكەدە 131 اتلەتىمىز سپورتتىڭ 14 تۇرىنەن قاتىسىپ، 8 «التىن»، 12 «كۇمىس» جانە 21 «قولا» مەدالمەن كوماندالىق ەسەپتە 11 ورىنعا تۇراقتادى. جارىستا سپورتىشلارىمىز، 3 ازيا جانە 4 ازيا پارا ويىندارىنىڭ رەكوردىن ورناتتى.

جۇلدەلەر كەلەسى سپورت تۇرلەرىنەن بۇيىردى:

پارا كانوەدە بيبارىس سپاتاي KL2 جانە VL3 ساناتىندا قوس كۇمىستى قانجىعاسىنا بايلاسا، جالعاس تايكەنوۆ KL3 ساناتىندا كۇمىس جۇلدەگەر اتاندى. ال جاڭىل بالتاباەۆا KL3 ساناتى ماكسيم بوگاتىرەۆ KL1 ساناتتارى بويىنشا قولا جۇلدەگە بولدى.

پارا پاۋەرليفتينگتە داۆيد دەگتيارەۆ ازيا پارا ويىندارىندا العاشقى التىن مەدالدى جەڭىپ الدى. 54 كگ سالماق دارەجەسىندە ونەر كورسەتكەن ول  186 كگ باعىندىرىپ، ازيا جانە ازيا پارا ويىندارىنىڭ رەكوردىن جاڭارتتى. ال 41 كەلىدە تۇرسىناي قابىل مەن 73 كەلىدە راۋشان قويشىباەۆا  كۇمىس مەدال جەڭىپ الدى. 45 كەلىدە گۇلىم قۇرمانباەۆا مەن 88 كەلىگە دەيىنگى سالماق دارەجەسىندە ونەر كورسەتكەن راحمەتجان حاماەۆ قولا جۇلدەنى قانجىعاسىنا بايلادى.

پارا دزيۋدو كۇرەسىندە جەرلەستەرىمىز اقمارال ناۋاتبەك (45 كگ/ J2), ەرعالي شامەي  (73 كگ/ J1) جانە ولجاس ورازالىۇلى (73 كگ/ J2) التىن مەدالدى جەڭىپ الدى. كۇمىس جۇلدەگە اسىلان نۇرداۋلەتوۆ (73 كگ/ J1), جانبوتا امانجول (-90 كگ/ J2), زارينا رايفوۆا (70 كگ/ J2) جانە ەرلان وتەپوۆ (+90 كگ/ J2)  يە بولدى.  ال باۋىرجان ارىستانبەك (-90 كگ/ J1) ، دايانا فەدوسوۆا (52 كگ/ J2), دينارا كۋدجۋلوۆا (70 كگ/ J1), عالىمجان سماعۇلۇلى (-90 كگ/ J2), ەرلان قوڭقيەۆ (+90 كگ/ J2), تالعات اجگاليەۆ (+90 كگ/ J2)   جانە انۋار ساريەۆ (60 كگ/ J2) قولا جۇلدەنى ەنشىلەدى.  ۇلتتىق قۇراما دزيۋدو كۇرەسىنەن كوماندالىق ەسەپتە ەكىنشى ورىنعا جايعاستى.

پارا جەڭىل اتلەتيكادا قازاقستاندىق داستان مۇقاشبەكوۆ يادرو يتەرۋدەن التىن مەدال يەگەرى اتاندى. ول -15,74 م ناتيجەسىمەن ازيا جانە ازيا پارا ويىندارىنىڭ رەكوردىن جاڭارتتى. سونداي-اق، وسى ساناتتا قازاقتاندىق يۆان زەلەزنياك 12,39 م ناتيجەسىمەن قولا مەدال جەڭىپ الدى.

پارا جۇزۋدەن نۇرداۋلەت جۇماعالي ەكى التىن جەڭىپ الدى (100 م براسس جانە  200 م كومپلەكستىك ستيل). وعان قوسا 200 م كومپلەكستىك جۇزۋدە ازيا پارا ويىندارىنىڭ رەكوردىن جاڭارتتى. دياس كەنجەبەك 100 م قاشىقتىقتى 1:05:42-دە ءجۇزىپ ءوتىپ، ازيا جانە ازيا پارا ويىندارىنىڭ رەكوردىن ورناتىپ، ەل قورجىنىنا 7-ءشى التىن مەدالدى قوستى. ال ءنۇرالى سوۆەتقانوۆ 100 مەتر براسستا، رومان پوتاپوۆ 100 مەتر شالقالاپ جۇزۋدە جانە 4ح50 م ارالاس كومپلەكستىك ەستافەتادا ونەر كورسەتكەن زۋلفيا گابيدۋللينا،  سيازبەك داليەۆ،  ناتاليا زۆياگينتسەۆا  جانە ايسۇلتان كۋلكاەۆ قولا مەدال جەڭىپ الدى.

پارا تاەكۆوندودا نىشان  ءومىرالى (80 كگ) مەن كاميليا دوسمالوۆا (57 كگ) كۇمىس جۇلدەگەر اتانسا، ماريام ساليمگەرەەۆا (65 كگ), نۇرلان دونباەۆ (80 كگ) پەن اليشەر گاريپوللاەۆ (+80 كگ) قولا جۇلدەگەر اتاندى.

شاحماتتان ەرلەر كومانداسى قولا مەدال جەڭىپ الدى. جۇپتىق كوماندا ساپىندا ءالىمجان اياپوۆ پەن سەرىك سولتانوۆ ونەر كورسەتتى.

پارا ۆەلوسپورتتا سەيىتجان كەنجەعۇل مەن ونىڭ پيلوتى انتون لاۆرەنتەۆ قولا جۇلدەگەر اتاندى. سونداي-اق، جەكەلەي ۋاقىت ەسەبىندەگى باسەكەدە سەيىتجان ەل قورجىنىنا تاعى قولا مەدال سالدى.

ۆولەيبولدى وتىرىپ ويناۋدا ۇلتتىق قۇراما سپورتشىلارى كۇمىس جۇلدەگە يە بولدى. سپورتشىلارىمىز جارتىلاي فينالدا الاڭ قوجايىندارى قىتاي ەلىنىڭ كومانداسىن 3:2 ەسەبىمەن جەڭىپ، فينالدىق كەزدەسۋدە الەمنىڭ  جانە ازيانىڭ بىرنەشە دۇركىن چەمپيونى يران مەملەكەتىنە 3:0 ەسەبىمەن ەسە جىبەردى.

ەسكە سالا كەتسەك، وتكەن  2018 جىعى يندونەزيا وتكەن ازيا پارا ويىندارىندا  قازاقستان قۇراماسى 33 مەدالمەن (5 التىن، 15 كۇمىس، 13 قولا) 13 ورىنعا تابان تىرەگەن بولاتىن.

IV ازيا پارا ويىندارى 22-28 قازان ارالىعىندا قىتايدىڭ حانچجوۋ قالاسىندا ءوتتى. جارىسقا 43 مەملەكەتتەن 4000-عا جۋىق سپورتشى قاتىستى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 392
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 228
عيبىرات

قايسار رۋحتى عازيز جان

مۇحتار قۇل-مۇحاممەد 567