بۇگىن قازاقستاننىڭ سپورتشىلارى ءحىح جازعى ازيا ويىندارىندا بايداركا مەن كانوەدەن ەسكەك ەسۋ بويىنشا چەمپيون اتانىپ، قورجىنىمىزعا 4-ءشى التىندى سالدى.

تيمۋر حايداروۆ پەن سەرگەي ەمەليانوۆ 50 مەترگە كانوەدە ەسۋدەن التىن مەدال جەڭىپ الدى. ولار بۇل قاشىقتىقتى 1:49.01-تا ەڭسەردى. وتانداستارىمىز جاپونيا قۇراماسىن (1:49.237) جانە يراننان كەلگەن جۇپتى (1:50.486) باسىپ وزدى.

بيىلعى ازيا ويىندارى قىركۇيەكتىڭ 23-ىنەن باستالعان بولاتىن. قازاقستان مەدالداردىڭ جالپى ەسەبى بويىنشا كورەيا حالىق دەموكراتيالىق رەسپۋبليكاسىنان كەيىنگى 13-ءى ورىنعا جايعاستى. قازاقستاننىڭ ەنشىسىندە 4 التىن، 7 كۇمىس، 25 قولا (جيىنى 36 مەدال) مەدال بار.

ۇزدىك ۇشتىكتىڭ تىزىمىندە قىتاي، جاپونيا، وڭتۇستىك كورەيا تۇر.

ەستەرىڭىزدە بولسا، قىسقى ازيا ويىندارى قازاقستاندا 2011 جىلدىڭ 30-قاڭتار – 7 قاڭتار ارالىعىندا وتكەن ەدى. سول كەزدە قازاقستان مەدالداردىڭ جالپى ەسەبى بويىنشا 32 التىن، 21 كۇمىس، 17 قولا مەدال (جيىنى 70 مەدال) الىپ، ۇزدىك بوپ تانىلعان.

Abai.kz