ازيادا 2023-تە قازاقستاننىڭ ايەلدەر كومانداسى ستەند اتۋدان وق بويى وزىق شىقتى، - دەپ حابارلايدى قر سپورت جانە تۋريزم مينيسترلىگى.

قازاقستان كومانداسى حانچجوۋدا وتكەن XIX ازيا ويىندارىندا العاشقى التىن مەدال جەڭىپ الدى. ستەند اتۋدان سكيت باعدارلاماسى بويىنشا سىنعا تۇسكەن ايەلدەر قۇراماسى اسەم ورىنباي، زويا كراۆچەنكو، ولگا پانارينا چەمپيون اتاندى.

ايتا كەتەيىك، وتاندىق مەرگەندەر ءبىرىنشى ورىنعا يە بولىپ قانا قويماي، جالپى 350 بالل جيناپ، ازيادا رەكوردىن ورناتتى. ولار قىتاي (348 ۇپاي) جانە تايلاند (342 ۇپاي) كوماندالارىن ارتقا تاستادى.

«قىزداردى وسى تاريحي جەڭىسپەن قۇتتىقتايمىن! التىن مەدالدان باسقا، ءبىزدىڭ سپورتشىلار جارىس رەكوردىن دا ورناتتى، بۇل جەڭىستى ودان دا اسەرلى ەتەدى.

ەستەرىڭىزگە سالا كەتەيىن، الماتى وبلىسىندا ستەند اتۋدان الەم كۋبوگىندا ءبىزدىڭ قۇراما ءبىرىنشى جالپى كوماندالىق ورىنعا يە بولعان. بۇگىن بۇكىل ازيا بۇل تابىستىڭ كەزدەيسوق ەمەس ەكەنىن ءتۇسىندى»، - دەدى تۋريزم جانە سپورت ءمينيسترى ەرمەك مارجىقپاەۆ.

Abai.kz