جۇما, 23 اقپان 2024
كۇبىرتكە 2306 2 پىكىر 28 تامىز, 2023 ساعات 13:00

ەلىمىزدە تاعى ءبىر زاۋىت رەسەيلىك وليگارحقا بەرىلمەك...

ەلىمىزدەگى ستراتەگيالىق نىساندار بىرتىندەپ رەسەيلىك بيزنەسمەندەردىڭ قاراماعىنا وتۋدە، دەپ جازادى DALA INSIDE. بۇل قاۋىپتى تەندەنتسيا. «ءپۋتيننىڭ پۋلىنا» كىرەتىن وليگارحتار ۋاقىت وتە جاڭا قازاقستاننىڭ ەكونوميكالىق ساياساتىنا ىقپال ەتە باستايدى.

ماسەلەن، رەسەيلىك «ەۋروحيم» جامبىل وبلىسىندا مينەرالدى تىڭايتقىش وندىرەتىن زاۋىت سالماق. جوباعا باتىستىڭ سانكتسياسىنا ىلىككەن رەسەيلىك ميللياردەر اندرەي مەلنيشەنكو «كۋراتورالىق» ەتەدى.

سمايىلوۆ ۇكىمەتى مەن وليگارحتىڭ اراسىنداعى ۋاعدا مەلنيشەنكو سانكتسياعا ۇشىراماي تۇرا جاسالعان.  «ەۋروحيم» ەكى كەزەڭنەن تۇراتىن جوباعا جالپى قۇنى 1 ملرد دوللار ينۆەستيتسيا قۇيۋعا ۋادە ەتكەن.

كەشەننىڭ قابىرعاسىن قالاپ العاسىن مەلنيشەنكو قاراتاۋدىڭ قويناۋىن قوپارا باستايدى. تاۋدىڭ ءتۇبىن ۇڭگىپ الىناتىن فوسفور، ازوت، كالي سەكىلدى اسا قات تۇزدار قازاقستاندىق اگراريلەرگە بۇيىرا ما، جوق پا، ماسەلە سوندا.

رەسەيلىك وليگارح نەگىزىن قالاعان كومپانيا ەلىمىزگە ەسكى قازاقستاننىڭ تۇسىندا ەنگەن. 2008 جىلى «ەۋروحيم» 15 جىل بويى تۇرالاپ تۇرعان «سارى تاس تىڭايتقىشتاعى» مەملەكەتتىڭ ۇلەسىن ساتىپ العان.

ال جامبىلداعى زاۋىت بويىنشا سمايىلوۆ ۇكىمەتى مەن ورىس وليگراحىنىڭ اراسىندا قانداي ديالوگ جۇرگەنى بەلگىسىز.

DALA INSIDE دەرەككوزىنىڭ ايتۋىنشا ۇكىمەت رەسەيلىك ينۆەستوردى سالىق اتاۋلىدان بوساتىپ، سانكتسيا قۇرساۋىنداعى مەلنيشەنكوعا بارىنشا جەڭىلدىك جاسارىن ايتقان. ورىس ميللياردەرى ءوز تاراپىنان كەشەننىڭ شىعىنىن تولىقتاي موينىنا الۋعا ۋادە بەرگەن.

مينەرالدى تىڭايتقىشتار ءوندىرىسىن مونوپوليالاپ العان «ەۋروحيمنىڭ» سترۋكتۋراسىنا الداعى ۋاقىتتا تەرەڭىرەك ۇڭىلەتىن بولامىز. بىزگە بەلگىلىسى: كومپانيا تۇراقتىنىڭ تىركەۋى رەسەيدە ەمەس، شۆەيتساريادا.

1 ملرد  البەتتە، از اقشا ەمەس. مەلنيشەنكو قوماقتى ينۆەستيتسيا قۇيۋعا بەل بۋسا، قازاق بيلىگىنىڭ وعان جاسار تارتۋى دايىن تۇر.

بولاشاقتا ەلىمىزدەگى اممياك وندىرەتىن جالعىز زاۋىت «قازازوتتى» رەسەيلىك وليگارحتىڭ مەنشىگىنە بەرەدى. سەليترا وندىرەتىن كاسىپورىنعا بۇعان دەيىن ەكس-پرەزيدەنتتىڭ كۇيەۋبالاسى تيمۋر قۇلىباەۆ مەن احمەتجان ەسىموۆتىڭ تۋعان-تۋىستارى يەلىك ەتكەن. قاڭتار قىرعىنىنان كەيىن اۋلەت وكىلدەرى قازاقستانداعى اكتيۆتەرىنەن اپىل-عۇپىل ارىلا باستاعان ەدى. ال ءسىز بەن ءبىز سەكىلدى قاراپايىم حالىققا ءبىر قولدان ءبىر قولعا جاتقان ءوتىپ ستراتەگيالىق نىسانداردىڭ قىزىعىن كورۋ بۇيىرماعان سىندى.

Abai.kz

2 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1542
ءالىپبي

لاتىن جايى

بيجومارت قاپالبەك 1602