جۇما, 7 قازان 2022
جاڭالىقتار 3002 0 پىكىر 24 ماۋسىم, 2013 ساعات 05:51

ەكى وقۋشىنىڭ ەرلىگى

اۋداندىق №8 ءورت بولىمىنە بايزاق اۋدانى سارىكەمەر اۋىلىنداعى ءبىر ءۇيدىڭ ورتەنىپ جاتقانى جايلى حابار تۇسكەن بولاتىن. ءتىلسىز جاۋ لاۋلاعان پاتەردە ەكى كىشكەنە بالا بولعان. ولار جىلاپ كومەككە شاقىرعانىمەن، قولدان كەلەر قايران بولماي كوپ ادام قاراپ تۇرعان. ءۇش جانە بەس جاستاعى كىشكەنە بالالاردى اتا-اناسى ۇيدە قالدىرىپ، ەسىكتى سىرتىنان قۇلىپتاپ كەتكەن. قاراۋسىز قالعان بالعىندار شىرپىمەن ويناپ، ۇلكەن الاۋ جاقپاق بولعان. ونىڭ سوڭى الاپات ورتكە ۇلاستى. ءورت سوندىرۋشىلەر جەدەل جەتكەنشە ن.كيىكباەۆ اتىنداعى مەكتەپ-گيمنازيانىڭ وقۋشىلارى بەكزات ءالىمجان مەن بايزاق مولداتاەۆ بۇلدىرشىندەردى قۇتقارىپ قالدى.

اۋداندىق №8 ءورت بولىمىنە بايزاق اۋدانى سارىكەمەر اۋىلىنداعى ءبىر ءۇيدىڭ ورتەنىپ جاتقانى جايلى حابار تۇسكەن بولاتىن. ءتىلسىز جاۋ لاۋلاعان پاتەردە ەكى كىشكەنە بالا بولعان. ولار جىلاپ كومەككە شاقىرعانىمەن، قولدان كەلەر قايران بولماي كوپ ادام قاراپ تۇرعان. ءۇش جانە بەس جاستاعى كىشكەنە بالالاردى اتا-اناسى ۇيدە قالدىرىپ، ەسىكتى سىرتىنان قۇلىپتاپ كەتكەن. قاراۋسىز قالعان بالعىندار شىرپىمەن ويناپ، ۇلكەن الاۋ جاقپاق بولعان. ونىڭ سوڭى الاپات ورتكە ۇلاستى. ءورت سوندىرۋشىلەر جەدەل جەتكەنشە ن.كيىكباەۆ اتىنداعى مەكتەپ-گيمنازيانىڭ وقۋشىلارى بەكزات ءالىمجان مەن بايزاق مولداتاەۆ بۇلدىرشىندەردى قۇتقارىپ قالدى.

بايزاقتىڭ اكەسى بۇرىن ءورتسوندىرۋشى بولعان. ەكى بالانىڭ پاتەرگە كىرىپ، بۇلدىرشىندەردى قالاي قۇتقارىپ قالۋ جونىندە سول كىسى نۇسقاۋ بەرىپ تۇرعان. ىشتەن بەكى­تىلگەن ۇيگە كىرۋ مۇمكىن بولماعاندىقتان تەرەزەنى سىن­دىرۋعا تۋرا كەلگەن. تۇتىنگە تۇنشىعىپ ءجۇرىپ ىشتەگى بالالاردى ىزدەگەن. الايدا كوك تۇمانعا ورانعان ۇيدەن ولاردى ىزدەپ تابۋ وڭايعا تۇسكەن جوق. اۋىر گازعا ۋلانىپ قالعان كىشكەنە قىز بالانىڭ داۋىسىن ەستىپ سول ارقىلى تاپقان. ال ەكىنشى بالا توسەك استىنا جاسى­رىنعان ەكەن. ەكەۋىن دە تەز ارادا دالاعا الىپ شىققان شاقتا جەدەل جاردەم دە كەلىپ جەتكەن ەدى. قۇتقارۋشى ەكى بالانىڭ وزدەرى دە گازعا ۋلانىپ قالعان بولاتىن. ولارعا العاشقى مەديتسينالىق كومەك كورسەتىلدى. ەس-تۇستەن ايىرىلعان ەكى ءبۇلدىرشىن سارىكەمەر اۋى­لىنداعى اۋداندىق اۋرۋحاناعا جەتكىزىلدى. بۇگىندە بالالار جانساقتاۋ بولىمىنەن جاي پالاتاعا اۋىس­تىرىلدى. حالدەرى جاقسى.

ساۋلە مۇناتاەۆا، جامبىل وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ مامانى:

 – باتىر بالالار وزدەرىن ەرلىك ىستەدىك دەپ ويلامايدى. قيىن جاعدايعا تاپ بولعان ادام­داردىڭ ءومىرىن قۇتقارىپ قالۋ ءاربىر ازاماتتىڭ بورىشى دەپ بىلەدى. الاپاتتان امان قالعان بالا­لاردىڭ اتا-اناسى باتىر بالالارعا ءاردايىم العىسىن جاۋدىرارى ءسوزسىز. بۇگىندە اۋداندىق اكىمدىك باتىر ۇلانداردى ماراپاتتاۋدى ويلاستىرىپ جاتىر.

Abai.kz

0 پىكىر