بەيسەنبى, 29 اقپان 2024
46 - ءسوز 2911 6 پىكىر 9 تامىز, 2023 ساعات 15:29

باسقىنشى قازاقتى رەسەي «باتىر» دەپ ۇلىقتاپ ءجۇر...

بەيجىڭ وليمپيداسى كەزىندەگى الەمدى ءدۇر سىلكىندىرگەن وقيعا رەسەي مەن گۇرجىستان اراسىنداعى تامىز سوعىسى بولدى. ءوز ەلىنىڭ الدىنداعى بەدەلىنە سەلكەۋلىك تۇسە باستاعان پۋتين وسى سوعىستاعى جەڭىسىنىڭ ارقاسىندا گۇرجىستاننىڭ جىكشىل ابحازدىق، وسەتيندىك ايماقتارىن وزىنە قوسىپ الىپ، تۇتاس مەملەكەتتىڭ 20 پايىز اۋماعىن تارتىپ الدى.

وسىلايشا رەۆانشيستىك رەسەيدىڭ كسرو-2 يدەياسى تمد الەمىن كەزىپ، پۋتين «ورىس جەرىن جيناۋشى» دەگەن اتاقتى يەلەندى. وسى داتاعا كەشە تۇپ-تۋرا 15 جىل تولدى.

2008 جىلعى تامىز سوعىسىندا (5 كۇندىك) ەكى جاقتان جۇزدەگەن ادام قازا تاۋىپ، مىڭداعان ادام جارالاندى. وڭتۇستىك وسەتيا مەن ابحازيا دەيتىن الەمدە رەسەي مەن ونىڭ ءبىرلى-جارىم دوستارىنان باسقا ەشكىم مويىنداماعان ەرگەجەيلى مەملەكەتسىماقتار پايدا بولدى.

سويتە تۇرا قازىر گۇرجى باسشىلىعىندا «گۇرجى ارمانى» دەيتىن پارتيا كەلدى. ولار رەسەيدىڭ يمپەرلىك زۇلىمدىعىن ۇمىتىپ، ينتەگراتسيانى جانداندىرۋعا مۇددەلىلىگىن ءبىلدىردى. سول سەبەپتى، باتىستىڭ ايىپتاۋىنا ۇشىراپ، ەو-عا مۇشەلىك ستاتۋسىن الا المادى.

ال سۋرەتتەگى مىنا ازاماتتىڭ ۇلتى قازاق. استراحاننىڭ ەتنيكالىق قازاعى. ەسىم-سويى – تاسبولات يبراشەۆ. 2008 جىلى رەسەي اسكەرىنىڭ ساپىندا پۋلەمەتشى بولىپ ءجۇرىپ، شەشەنستان تەرريتورياسىنان گۇرجىگە جىبەرىلگەن. گۇرجىنىڭ جەرىن جاۋلاۋشى اسكەردىڭ ءبىرى. ونىڭ گۇرجى دەنسانشىلارىنىڭ كولونناسىنا پۋلەمەتپەن قارسى تۇرعان سۋرەتى الەمدى شارلاپ، رەسەيدە «باتىر» دەپ ۇلىقتالعان. كەۋدەسى تەمىر-تەرسەككە تولعان.

اۋەلدە سۋرەتتەگى ادامدى ەتنيكالىق بۋرياتپەن شاتاستىرىپ، كەيىن ونىڭ تاسبولات ەكەنىن دالەلدەنگەن.

سول تاسبولات بىلتىر رەسەيدىڭ ۋكرايناعا باسقىنشىلىعىن قولداپ سويلەگەن. «ءبىز دحر مەن لحر-نىڭ ورىسسۇيگىش جۇرتىنا كومەكتەسىپ، ۋكراينا ۇلتشىلدارىنان قورعاۋىمىز كەرەك»، - دەپ سويلەگەن.

مىنە، سولاي. رەسەي يمپەرياليزمىنىڭ قايتا ءتىرىلىپ، ىسكە اسا باستاعانىنا 15 جىل. ال تاسبولات بىرەۋگە «باتىر»، بىرەۋگە «باسقىنشى». ءبىز ءۇشىن ول – «باسقىنشى ارمياسىنىڭ قۇلاقكەستى قۇلى».

نۇرگەلدى ابدىعانيۇلى

Abai.kz

6 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1626
ءالىپبي

لاتىن جايى

بيجومارت قاپالبەك 1703