ازا كۇنىندە بىرگە بولايىق، باۋىرلار!
1921-22, 1931-33 جىلدارداعى اشتىق پەن 1937-38 جىلدارداعى ساياسي قۋعىن-سۇرگىن قازاق حالقىن قىناداي قىرىپ، باۋداي ورىپ ءتۇسىردى. سوۆەت وكىمەتىنىڭ ۇلتىمىزعا جاساعان قاساقانا قاستاندىعى - جاپپاي اشارشىلىقتان قازا بولعان قازاقتىڭ سانى ءالى كۇنگە دەيىن ناقتىلانباي كەلەدى.
1897 جىلى رەسەي يمپەرياسىندا العاش رەت حالىق ساناعى جۇرگىزىلگەن. ساناق ناتيجەسىندە قىرعىز - 201 مىڭ، تاجىك - 350 مىڭ، تۇركىمەن - 281 مىڭ، وزبەك - 726 مىڭ، قازاق - 4 ميلليون 84 مىڭ ادام دەپ كورسەتىلگەن. كۇللى ورتا ازيا حالقى قازاقتىڭ جارتىسىنا دا جەتپەگەن. 1911 جىلعى ساناقتا قازاقتىڭ سانى 8 ميلليوننىڭ ۇستىندە ەدى. ارادا جيىرما سەگىز جىل ءوتىپ، 1939 جىلعى ساناقتا تۇركىمەن - 760 مىڭعا، قىرعىز- 750 مىڭعا، تاجىك - 900 مىڭعا شىعىپ، وزبەكتىڭ سانى 3 ميلليون 900 مىڭعا جەتكەن. ال قازاق نەبارى 2 ميلليون 300 مىڭ عانا بولىپتى.
31 مامىر - ساياسي قۋعىن-سۇرگىن قۇرباندارىن ەسكە الۋ كۇنى. وسى كۇنى ءبىر توپ ازامات قوعامدىق باستاما كوتەرىپ، اشتىق پەن ساياسي رەپرەسيا قۇرباندارىن ەسكە الۋ ءىس-شارالارىن وتكىزبەك.
تومەندە سول ءىس-شارا جايلى اقپارات پەن ەركىن راقىشەۆتىڭ «اشارشىلىق» دەرەكتى فيلمىنەن ءۇزىندى جانە رەجيسسەر قاليلا وماروۆتىڭ «ناۋبەت»، «حابار» ارناسى تۇسىرگەن اشتىق تۋرالى دەرەكتى فيلمدەردىڭ تولىق نۇسقاسىن جاريالاپ وتىرمىز.
Abai.kz
ازا كۇنىندە بىرگە بولايىق، باۋىرلار!
1921-22, 1931-33 جىلدارداعى اشتىق پەن 1937-38 جىلدارداعى ساياسي قۋعىن-سۇرگىن قازاق حالقىن قىناداي قىرىپ، باۋداي ورىپ ءتۇسىردى. سوۆەت وكىمەتىنىڭ ۇلتىمىزعا جاساعان قاساقانا قاستاندىعى - جاپپاي اشارشىلىقتان قازا بولعان قازاقتىڭ سانى ءالى كۇنگە دەيىن ناقتىلانباي كەلەدى.
1897 جىلى رەسەي يمپەرياسىندا العاش رەت حالىق ساناعى جۇرگىزىلگەن. ساناق ناتيجەسىندە قىرعىز - 201 مىڭ، تاجىك - 350 مىڭ، تۇركىمەن - 281 مىڭ، وزبەك - 726 مىڭ، قازاق - 4 ميلليون 84 مىڭ ادام دەپ كورسەتىلگەن. كۇللى ورتا ازيا حالقى قازاقتىڭ جارتىسىنا دا جەتپەگەن. 1911 جىلعى ساناقتا قازاقتىڭ سانى 8 ميلليوننىڭ ۇستىندە ەدى. ارادا جيىرما سەگىز جىل ءوتىپ، 1939 جىلعى ساناقتا تۇركىمەن - 760 مىڭعا، قىرعىز- 750 مىڭعا، تاجىك - 900 مىڭعا شىعىپ، وزبەكتىڭ سانى 3 ميلليون 900 مىڭعا جەتكەن. ال قازاق نەبارى 2 ميلليون 300 مىڭ عانا بولىپتى.
31 مامىر - ساياسي قۋعىن-سۇرگىن قۇرباندارىن ەسكە الۋ كۇنى. وسى كۇنى ءبىر توپ ازامات قوعامدىق باستاما كوتەرىپ، اشتىق پەن ساياسي رەپرەسيا قۇرباندارىن ەسكە الۋ ءىس-شارالارىن وتكىزبەك.
تومەندە سول ءىس-شارا جايلى اقپارات پەن ەركىن راقىشەۆتىڭ «اشارشىلىق» دەرەكتى فيلمىنەن ءۇزىندى جانە رەجيسسەر قاليلا وماروۆتىڭ «ناۋبەت»، «حابار» ارناسى تۇسىرگەن اشتىق تۋرالى دەرەكتى فيلمدەردىڭ تولىق نۇسقاسىن جاريالاپ وتىرمىز.
Abai.kz
ازا كۇنىندە بىرگە بولايىق، باۋىرلار!
قازاقستان رەسپۋبليكاسىندا مەملەكەتتىك دارەجەدە رەسمي بەكىتىلگەن - «31-مامىر - ساياسي قۋعىن-سۇرگىن قۇرباندارىن ەسكە الۋ كۇنىنە» بايلانىستى قوعامدىق نەگىزدەگى باستاماعا ۇلەس قوسۋعا شاقىرامىز.
ارقيلى ساياسي زوبالاڭدار كەزىندە قۇربان بولعان باۋىرلارىمىزدىڭ رۋحىنا تاعزىم ەتۋ - پەرزەنتتىك پارىزىمىز. بۇل ازا كۇنىن جالپىۇلتتىق دەڭگەيگە جەتكىزۋ، ەلگە بىرلىك، ۇرپاققا ءتالىم شاراسىنا اينالدىرۋ ءوز قولىمىزدا.
31 مامىر كۇنى ءبىز سىزدەردى قازاق حالقىنىڭ ەسكى جانە جاڭا تاريحىندا ساياسي رەپرەسسيالاردىڭ قۇربانى بولعان بارشا ازاماتتاردى بىرلەسە ەسكە الۋ جيىنىندا كۇتەمىز.
شارالار بارىسى مىنانداي بولىمدەردەن تۇرادى:
12:30 - تاريحي فوتوسۋرەت كورمەسى، «اشارشىلىق» دەرەكتى ءفيلمىنىڭ كورسەتىلىمى. رەجيسسەرى ەركىن راقىشەۆ. «تسەزار» كينوتەاترى. الماتى، فۋرمانوۆ-جىبەك جولى كوشەلەرىنىڭ قيىلىسى
14:30 - اشارشىلىق قۇرباندارىنا ەسكەرتكىش بەلگىلەنگەن ورىنعا گۇل قويۋ، قۇران باعىشتاۋ. الماتى قالاسى، ناۋرىزباي باتىر مەن بوگەنباي باتىر كوشەلەرىنىڭ قيىلىسى.
ازا كۇنىنە ارنايى دايىندالعان قارالى تاسپالار تاراتىلادى. قىز-كەلىنشەكتەردەن شەلپەك ءپىسىرىپ اكەلۋدى وتىنەمىز.
ساياسي قۋعىن كورگەندەر بارشا ايماقتاردا، ءاربىر اۋىل-قالالاردا بولدى. ەلىمىزدىڭ بارلىق وڭىرلەرىندەگى بەلسەندى باۋىرلاردى بۇل ىسكە ۇلەس قوسۋعا شاقىرامىز.
قوعامدىق باستاما مۇشەلەرى:
مۇحتار تايجان
قاسىم امانجولۇلى
ايدوس سادىقوۆ
سامات نۇرتازا
ايدوس جۇقانۇلى
جانات ەسەنتاي
ابزال قۇسپان
بەرىك شادعالي
امان مامبەتالى
دۋمان كاكىم
ماقسات ىلياسۇلى
باقىت مۇحتار
ەرجان الاش
ايگۇل مازاقباي
ايگۇل وتەپ
ەدىگە احمەت
ءالىبي ءارىپ
