ۇكىمەت رەزەرۆىنەن تابيعي ورتپەن كۇرەسۋ ءۇشىن تەحنيكالار ساتىپ الۋعا قاراجات بولىنەدى. 

قازاقستان اۋماعىندا ءىرى ورمان ورتتەرىنىڭ ءورشۋى بارعان سايىن وزەكتى پروبلەماعا اينالۋدا. ءتىلسىز جاۋدىڭ بولجاپ بىلۋگە بولمايتىن تابيعي سيپاتى مەن وتكەن جىلدارداعى زارداپتارىن ەسكەرە وتىرىپ، ۇكىمەت ءورتتىڭ الدىن الۋ شارالارىن كۇشەيتپەك.

ماسەلەن، جاڭا قاۋلىعا سايكەس ۇكىمەت رەزەرۆىنەن تابيعي جانە تەحنوگەندىك سيپاتتاعى توتەنشە جاعدايلاردى جويۋ جۇمىستارىنا تارتىلاتىن تىكۇشاقتارعا ارنالعان 26 جاڭا سۋ شاشۋ قۇرىلعىسىن ساتىپ الۋعا 623 ملن تەڭگەدەن استام قاراجات بولىنەدى. ولار قالا ماڭىنداعى اۋماقتارمەن بىرگە، رەسپۋبليكانىڭ شالعاي اۋداندارىندا دا قولدانىلادى. 10-15 سەكۋندتا 5 توننا سۋ جيناپ، ونى 6 سەكۋند ىشىندە توگە الاتىن قوسىمشا قۇرىلعىلاردىڭ كومەگىمەن اۆياتسيا ورمان القابىنىڭ ۇلكەن اۋماقتارىنداعى ورتتەردى تەز ارادا سوندىرە الادى.

سونىمەن قاتار قۇتقارۋشىلاردىڭ اۋە پاركى ءورت ءسوندىرۋ، ادامداردى قاۋىپتى ايماقتاردان ەۆاكۋاتسيالاۋ جانە ت.ب. تجم مىندەتتەرىن ورىنداۋعا بەيىمدەلگەن مي-8 تىكۇشاقتارىمەن تولىقتىرىلادى.

جالپى اتالعان شارالار تابيعي ورتپەن كۇرەس كەزىندە ارنايى قىزمەتتەردىڭ جەدەل ارەكەت ەتۋ مۇمكىندىكتەرىن ەداۋىر ارتتىرۋعا مۇمكىندىك بەرەدى.

Abai.kz