اشىق حات: ءبىزدى ادىلەتسىز الەۋمەتتىك قۋعىندالۋدان قۇتقارىڭىزدار!
قر پرەزيدەنتى ن.ءا.نازارباەۆقا
قر پارلامەنتى دەپۋتاتتارىنا
قۇرمەتتى پرەزيدەنت مىرزا!
قۇرمەتتى دەپۋتات مىرزالار مەن حانىمدار!
بىزدەر، «سىبايلاس جەمقورلىققا قارسى كۇرەس تۋرالى» قر زاڭىنىڭ 10-بابىنىڭ 1-تاراۋى جانە «قۇقىق قورعاۋ قىزمەتى تۋرالى» قر زاڭىنىڭ 80-بابى 1-تاراۋىنىڭ 14-تاراۋشاسىنا سايكەس قۇقىق قورعاۋ قىزمەتىنەن بوساتىلعان استانا قالاسىنىڭ توتەنشە جاعدايلار دەپارتامەنتى «ءورت ءسوندىرۋ جانە اۆاريالىق قۇتقارۋ قىزمەتىنىڭ» بۇرىنعى قىزمەتشىلەرىمىز.
الايدا، ءبىز ءوزىمىزدى قازاقستان رەسپۋبليكاسىنىڭ زاڭىن بۇزعان جازالانۋشىلار رەتىندە ەمەس، الەۋمەتتىك جاعىنان قورعالماعاندىقتان، قر كونستيتۋتسياسى نەگىزىندە وتباسىمىزدىڭ جاعدايى ءۇشىن بار بولعانى زاڭدى تۇردە قوسالقى جۇمىس كوزىنەن تابىس تابۋشىلار رەتىندە سەزىنەمىز. ونداعان مامانداردىڭ وتباسىن الەۋمەتتىك قورعاۋعا وسىلايشا ءماجبۇر بولۋى - جاپپاي جەمقورلىق نەمەسە قىلمىس ەمەس، جانە دە الەۋمەتتىك جاعىنان ءپىسىپ-جەتىلمەگەن زاڭنىڭ جازىقسىز جانداردى جازالاۋى بولىپ تابىلادى!
قر پرەزيدەنتى ن.ءا.نازارباەۆقا
قر پارلامەنتى دەپۋتاتتارىنا
قۇرمەتتى پرەزيدەنت مىرزا!
قۇرمەتتى دەپۋتات مىرزالار مەن حانىمدار!
بىزدەر، «سىبايلاس جەمقورلىققا قارسى كۇرەس تۋرالى» قر زاڭىنىڭ 10-بابىنىڭ 1-تاراۋى جانە «قۇقىق قورعاۋ قىزمەتى تۋرالى» قر زاڭىنىڭ 80-بابى 1-تاراۋىنىڭ 14-تاراۋشاسىنا سايكەس قۇقىق قورعاۋ قىزمەتىنەن بوساتىلعان استانا قالاسىنىڭ توتەنشە جاعدايلار دەپارتامەنتى «ءورت ءسوندىرۋ جانە اۆاريالىق قۇتقارۋ قىزمەتىنىڭ» بۇرىنعى قىزمەتشىلەرىمىز.
الايدا، ءبىز ءوزىمىزدى قازاقستان رەسپۋبليكاسىنىڭ زاڭىن بۇزعان جازالانۋشىلار رەتىندە ەمەس، الەۋمەتتىك جاعىنان قورعالماعاندىقتان، قر كونستيتۋتسياسى نەگىزىندە وتباسىمىزدىڭ جاعدايى ءۇشىن بار بولعانى زاڭدى تۇردە قوسالقى جۇمىس كوزىنەن تابىس تابۋشىلار رەتىندە سەزىنەمىز. ونداعان مامانداردىڭ وتباسىن الەۋمەتتىك قورعاۋعا وسىلايشا ءماجبۇر بولۋى - جاپپاي جەمقورلىق نەمەسە قىلمىس ەمەس، جانە دە الەۋمەتتىك جاعىنان ءپىسىپ-جەتىلمەگەن زاڭنىڭ جازىقسىز جانداردى جازالاۋى بولىپ تابىلادى!
ءبىزدىڭ ءورت ءسوندىرۋ جانە اۆاريالىق قۇتقارۋ قىزمەتىنىڭ قىزمەتشىلەرى رەتىندەگى جاعدايىمىز زاڭ جۇزىندە دە، الەۋمەتتىك تاراپتان دا ناقتىلانباعان: ءبىزدىڭ سالا قىزمەتىنەن مەملەكەتتىك قىزمەت سالاسىنىڭ جاۋاپكەرشىلىگى تالاپ ەتىلىپ، الەۋمەتتىك جاعىنان قۇقىق قورعاۋ سالاسىنا جاتقىزىلعان، ال قىزمەتىمىز اسكەريلەنگەن تارتىپپەن عانا اتقارىلاتىن سالاعا ءتيىستى ەكەنى ەسكەرىلمەگەن. وسىنىڭ بارلىعى قىزمەتتەن بوساتىلعان ءبىزدى عانا ەمەس، وسى قىزمەت سالاسىنىڭ بارلىعىنا زاردابىن تيگىزىپ، كەسىرىن كەلتىرۋدە. ناقتىلانباعان بۇل جاعداي - قر كونستيتۋتسياسىنىڭ ادىلەتتى دە الەۋمەتتىك مازمۇنىنا قاراما-قارسى، ازاماتتاردىڭ الەۋمەتتىك مۇمكىندىگىن شەكتەيتىن پرينتسيپ بولىپ تابىلادى.
استانا قالاسىنداعى اتالمىش قىزمەت سالاسىنداعى 1100 ماماننىڭ توقسان پايىزى دەرلىك وسىلايشا بالا-شاعاسىن الەۋمەتتىك قورعاۋعا ءماجبۇر. دەمەك، بىلتىر عانا اتتەستاتسيادان وتكەن سايىپقىران بارلىق ماماننىڭ تاعدىرى قىل ۇستىندە تۇر دەگەن ءسوز. وعان قوسا ءبىز بوساعان جۇمىس ورىندارىمىز بۇگىندە بىلىكتى ماماندارمەن تولىقتى دەۋگە بولمايدى جانە الەۋمەتتىك ءالجۋاز جاستار الىنۋدا، ءسويتىپ، باس قالامىزداعى ورتتەن جانە اۆاريالىق قۇتقارۋ قىزمەتىنىڭ وسالدانا تۇسكەنىن نازارلارىڭىزعا جەتكىزەمىز. سونداي-اق، ءوزىنىڭ ادال دا بىلىكتى ماماندارىن تاعدىر تالكەگىنە يتەرە سالعان توتەنشە جاعدايلار جونىندەگى مينيسترلىكتىڭ ادىلەتسىز قىلىعىن ايىپتايمىز.
ءبىز ءوزىمىزدىڭ سۇيىكتى جۇمىسىمىزدان بۇلايشا ادىلەتسىز تۇردە بوساتۋعا ءماجبۇر ەتەتىن ادىلەتسىز زاڭعا جانە ونىڭ ادام قۇقىعىن شەكتەپ، الەۋمەتتىك جاعىن قورعاي المايتىن وسالدىعىنا نارازىمىز. ءبىز - ءوزىمىزدى الەۋمەتتىك جاعىنان قۋعىندالۋشىلار سەزىنەمىز.
ءبىز - قىلمىسكەر ەمەسپىز، ءبىز - جەمقور ەمەسپىز، ءبىز - بار بولعانى ءورت ءسوندىرۋ جانە اۆاريالىق قۇتقارۋ قىزمەتىندەگى مىندەتىمىزدى ادال اتقارۋشىلارمىز جانە قازاقستان مەملەكەتىنىڭ بولشەگى بولىپ تابىلاتىن جانۇيالارىمىزدى اسىراۋشىلارمىز!
سول سەبەپتى، ءبىزدى زاڭدى تۇردە رەابيليتاتسيا جاساۋدى وتىنەمىز. ءبىزدىڭ وسى سالاعا ارناعان بىرنەشە جىلدىق ەڭبەك ءوتىلىمىز بەن بىلىكتەرىمىزدى ودان ءارى باس قالامىزدىڭ قىزمەتىنە ارناعىمىز كەلەدى. ءبىزدى ادىلەتسىز الەۋمەتتىك قۋعىندالۋدان قۇتقارىپ، كونستيتۋتسيالىق قۇقىعىمىزدى قالپىنا كەلتىرۋدى سۇرايمىز.
قۇرمەتپەن: استانا قالاسىنىڭ توتەنشە جاعدايلار دەپارتامەنتىنىڭ №53 بۇيرىعىنا (26.03.2013ج) سايكەس جۇمىسسىز قالعان ءورت سوندىرۋشىلەر مۇددەسىن قورعاۋشى باستاماشىل توپ.
اشىق حات ءماتىنى 2013 ج 10 مامىر كۇنگى وتىرىستا ماقۇلداندى.
Abai.kz
