بۇعان دەيىن قىتاي سايتىندا جاريالانعان قازاقستاننىڭ اۋىلشارۋاشىلىققا ارنالعان جەرى ساتىلىمعا شىققانى تۋرالى اقپاراتتىڭ الەۋمەتتىك جەلىدە جەلدەي ەسكەنىن جازدىق. سونداي-اق مۇنى تەرىستەپ، جالعان اقپارات تاراتپاۋعا ۇندەگەن قر جەردى پايدالانۋ مەن قورعاۋ جونىندەگى باس مەملەكەتتىك ينسپەكتورى مۇرات تەمىرجانوۆتىڭ مالىمدەمەسىن دە نازارلارىڭىزعا ۇسىندىق. قايىر-حوش!

جەر ساتىلاتىنى تۋرالى جارناما بەرگەن سايتتىڭ سىلتەمەسىن اشىپ كوردىك. سايتتا ساتىلاتىن جەردىڭ قازاقستاننىڭ قاي قيىرى ەكەنى، ونى كىم ساتىپ جاتقانى، ساتىپ الۋ ءۇشىن قانداي شارتتاردى ورىنداۋ قاجەت ەكەنى تۋرالى اقپارات قولجەتىمسىز. دەمەك، بۇل – جالعان.

وسى اقپارات تاراعاندا دا الەۋمەتتىك جەلىدەگى اعايىن شىر-پىر بوپ انىق-قانىعىن سۇراعان. جەر – بىزدىكى، ساتىلمايدى، ساتپايمىز، دەگەن ولار. كوپ ۇزاماي جەر كوميتەتى مۇنىڭ جالعان اقپارات ەكەنىن ايتىپ، سان-ساققا جۇگىرگەن ويىمىزعا توقتام ايتتى. كوڭىلىمىز ورنىنا ءتۇستى.

قوعام نازار اۋدارعان ىسكە جاۋاپتى قىزمەتكەرلەر دەر كەزىندە ءۇن قاتىپ وتىرسا، قوعامدا ەشقانداي دۇربەلەڭ تۋماسى انىق.

Abai.kz