«ارسەلورميتتال تەمىرتاۋعا» 16,5 ملن تەڭگەدەن اساتىن ايىپپۇل سالىندى. بۇل تۋرالى ساۋدا جانە ينتەگراتسيا مينيستيرلىگى تەحنيكالىق رەتتەۋ جانە مەترولوگيا كوميتەتى مالىمدەدى.

كوميتەتتىڭ ءباسپاسوز قىزمەتى تاراتقان اقپاراتقا سۇيەنسەك، قاراعاندى اۋماقتىق دەپارتامەنتىنىڭ بارلىق قىزمەتكەرلەرى جەتى شاحتا مەن «ۆوستوچنىي» ورتالىق بايىتۋ فابريكاسىنىڭ قىزمەتىن تەكسەرۋگە جۇمىلدىرىلعان. تەكسەرۋدى وبلىس پروكۋراتۋراسى تاعايىندادى. ونىڭ بارىسىندا بارلىق سەگىز وبەكتىدە تەكسەرۋ مەرزىمى وتكەن 89 ولشەم قۇرالىن قولدانۋ فاكتىسى انىقتالىپتى.

«وسىنداي ولشەۋ قۇرالدارىنىڭ دۇرىس ەمەس ناتيجە كورسەتۋىنەن جەكە جانە زاڭدى تۇلعالاردىڭ مۇددەسىن قورعاۋ قامتاماسىز ەتىلمەگەن جانە بۇل جەراستى تاسىلىمەن تاس كومىرىن ءوندىرۋدى جۇزەگە اسىراتىن قىزمەتكەرلەردىڭ ءومىرى مەن دەنساۋلىعىنىڭ قاۋىپسىزدىگىنە تىكەلەي اسەر ەتەدى»، - دەيدى كوميتەت توراعاسى قۋانىش ەلىكباەۆ.

وسىلايشا قاراعاندى وبلىسى پروكۋراتۋراسىنىڭ ۇسىنىسى مەن ماتەريالدارىنىڭ نەگىزىندە «ارسەلورميتتال تەمىرتاۋ» قازاقستان رەسپۋبليكاسى «اكىمشىلىك قۇقىق بۇزۋشىلىق تۋرالى» كودەكسىنىڭ 419-بابى 1-بولىگىنىڭ 2-تارماعى بويىنشا اكىمشىلىك جاۋاپكەرشىلىككە تارتىلىپ وتىر.

«بۇدان باسقا، قاراعاندى دەپارتامەنتى كاسىپورىنعا قاتىستى زاڭنامانى بۇزۋعا ىقپال ەتەتىن سەبەپتەر مەن جاعدايلاردى جويۋ تۋرالى جەكە ۇسىنىس ەنگىزدى، ولار بۇگىنگى كۇنى جويىلدى.

سونداي-اق تەكسەرىسپەن «ارسەلورميتتال تەمىرتاۋدا» تاس كومىردى جەراستى تاسىلىمەن ءوندىرۋ كەزىندە مەملەكەتتىك رەتتەۋگە جاتپايتىن ولشەۋلەر جۇرگىزىلەتىنى انىقتالدى، ويتكەنى ولشەۋلەردىڭ سالالىق تىزبەلەرىنە ەنگىزىلمەگەن. بۇل ولشەمدەر قاۋىپسىزدىك پەن ەڭبەك جاعدايلارىنىڭ قاۋىپسىزدىگىنە تىكەلەي اسەر ەتەدى. جۇمىستاردىڭ قاۋىپسىزدىگىن قامتاماسىز ەتۋ ءۇشىن دەپارتامەنت ولشەمدەر تىزبەسىن ودان ءارى قاراۋ جانە ولاردى سالالىق مەملەكەتتىك ورگاندار بەكىتۋ ءۇشىن كەڭەيتۋ جونىندە ۇسىنىستار دايىندادى»، -دەپ جازىلعان كوميتەت مالىمەتىندە.

Abai.kz